Market Bulletin: सोयाबीन दरात चढउतार सोयाबीनच्या दारात मागील आठवडाभरात काहीसे चढ उतार पाहायला मिळाले. गेले आठवडाभर प्रक्रिया प्लांट्सचे दर ४ हजार ६५० ते ४ हजार ८०० रुपयांच्या दरम्यान राहीले. तर बाजार समित्यांमधील भाव ४ हजार ते ४ हजार ४०० रुपयांच्या दरम्यान होते. बाजारातील सोयाबीनची आवक अपवाद वगळता सरासरीच राहीले. हमीभावाने सोयाबीनची खरेदी संथ गतीनेच सुरु आहे. सोयाबीनची आवक आणि दरपातळी पुढील आठवड्यातही स्थिर राहण्याची शक्यता आहे, असा अंदाज सोयाबीन बाजारातील अभ्यासकांनी व्यक्त केला आहे. .कापूस आवक मंदावलीगेले आठवडाभर कापसाची बाजारातील आवक काहीशी मंदावली आहे. दरपातळीत मात्र काहीशी सुधारणा दिसून आली. देशातील बाजारात कापसाची आवक पुढील आठवड्यातही काहीशी मंदावण्याची शक्यता आहे. कापसाची सीसीआयची खरेदी काहीशी वाढली आहे. याचा आधार खुल्या बाजाराला मिळत आहे. खुल्या बाजारात सध्या कापसाला सरासरी ७ हजार ३०० ते ७ हजार ७०० रुपयांच्या दरम्यान आहेत. तर सीसीआयची खरेदी पुढील आठवड्यातही कायम राहण्याचा अंदाज आहे. कापसाच्या भावात काहीसे चढ उतार राहतील, असा अंदाज कापूस बाजारातील अभ्यासकांनी व्यक्त केला..Sugar Export Quota: साखर निर्यात कोटा वाढवा, अतिरिक्त साखर इथेनॉलकडे वळवा.मटारच्या दरात नरमाईराज्यातील बाजारात सध्या मटारची आवक सुधारत आहे. त्यामुळे दरातील तेजीतही कमी झाली आहे. राज्यातील बहुतांशी बाजारांमध्ये मटारची आवक सुरु झाली आहे. सध्या पुणे आणि मुंबई बाजारातच मटारची आवक चांगली दिसत आहे. इतर बाजारांमधील आवकही सुधारत आहे. यामुळे दरात नरमाई पाहायला मिळाली. सध्या मटार बाजारात ५ हजार ते ६ हजार रुपये प्रतिक्विटलच्या दरम्यान विकला जात आहे. मटारची आवक पुढील काळात आणखी सुधारण्याची शक्यता आहे. त्यामुळे मटारच्या दरातही चढ उतार राहतील, असा अंदाज भाजीपाला बाजारातील व्यापाऱ्यांनी व्यक्त केला..Banana Rate: दर पाडून केळीची खरेदी.बटाटा आवक चांगलीराज्यातील बाजारात सध्या बाटाटा आवक चांगली सुरु आहे. राज्यात बटाटा उत्पादन काही मोजक्याच भागांमध्ये होते. जास्त बटाटा पश्चिम बंगाल, उत्तर प्रदेशसह उतर राज्यांमधून येत असतो. त्यामुळे राज्यातील मोठ्या बाजारसमित्यांमध्येच बटाटा आवक जास्त दिसते. मुंबई, पुणे, नागपूर अशा बाजारांमध्ये आवक जास्त आहे. तर सध्या बटाटा गुणवत्तेनुसार बाजारात १४०० ते १७०० रुपये प्रतिक्विंटलच्या दरम्यान विकला जात आहे. बटाटा आवक पुढील काही आठवडे टिकून राहण्याची शक्यता आहे. त्यामुळे दरातही काहीसे चढ उतार वगळता फारसा बदल दिसण्याची शक्यता कमीच आहे, असा अंदाज भाजीपाला बाजारातील अभ्यासकांनी व्यक्त केला..ज्वारीचे दर टिकूनराज्यातील बाजारात ज्वारीचे दर टिकून आहेत. खरिपातील ज्वारीची बाजारात आवक वाढल्याने दर नरमले आहेत. मात्र रब्बी ज्वारीचे दर स्थिर आहे. त्यातही मालदांडी ज्वारी चांगलाच भाव खात आहे. रब्बी ज्वारीला सरासरी २८०० ते ३ हजार रुपये दर मिळत आहे. तर मालदांडी ज्वारी ४ हजार ते ५ हजारांच्या दरम्यान विकली जात आहे. तर खरिपाीतल ज्वारीचे भाव गुणवत्तेनुसार सरासरी १७०० ते २१०० रुपयांपर्यंत आहेत. पुढील काही दिवस ज्वारीचे भाव टिकून राहू शकतात. तर मालदांडी ज्वारीला काहीसा आधार मिळू शकतो, असा अंदाज ज्वारी बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
