Market Bulletin: उडदाचे भाव दबावातचराज्यातील बाजारात मागील काही दिवसांपासून नव्या उडदाची आवक सुरु झाली. परंतू सध्या उडदाचे भाव कमीच आहे. सराकरने यंदा उडदाला ७ हजार ८०० रुपये हमीभाव जाहीर केला. मात्र सध्या बाजारात उडीद ५ हजार ५०० ते ६ हजार रुपयांच्या दरम्यान दर मिळत आहे. सरकारने आयात खुली केल्यामुळे देशात आयातीचा ओघ वाढलेला आहे. त्यामुळे देशात उडदाचाही साठाही तयार झाला. परिणामी उडदाचे भाव दबावातच आहेत. पुढील काही दिवसांमध्ये बाजारातील उडदाची आवक वाढण्याची शक्यता आहे. त्यामुळे उडदाच्या भावावरील दबाव कायम राहू शकतो, असा अंदाज उडीद बाजारातील अभ्यासकांनी व्यक्त केला. .कोथिंबीरच्या दरात सुधाऱणामागील आठवडाभरात कोथिंबीरची बाजारातील आवक कमी दिसत आहे. राज्यातील भाजीपाला उत्पादक पट्ट्यातही पावसामुळे पिकांचे नुकसान झाले आहे. पावसाचा फटका कोथिंबीर पिकालाही बसला. परिणामी बाजारातील आवक कमी आहे, शेतकरी आणि व्यापारी सांगत आहेत. कोथिंबरीला सध्या उठाव चांगला आहे. याचा आधार काहीसा दराला मिळाला. सध्या कोथिंबीर ५ हजार ते ६ हजार रुपये क्विंटल आणि ६०० ते ८०० रुपये शेकडा विकली जात आहे. पुढील काही दिवस कोथिंबीरची बाजारातील आवक कमीच राहण्याची शक्यता आहे. त्यामुळे दरही टिकून राहू शकतात, असा अंदाज व्यापारी व्यक्त करत आहेत..Agrowon Podcast: मका दरात चढ उतार; ज्वारीचे दर दबावातच, डाळिंब तेजीतच, पपईला चांगला उठाव तर भेंडीची आवक कमीच.चिंचेला कमी उठवाराज्यातील बाजारात सध्या चिंचेची आवक कमी आहे. तर दुसरीकडे बाजारातील उठावही मर्यादीत आहे. यंदा राज्यातील चिंच उत्पादनालाही फटका बसल्याचे शेतकरी सांगत आहेत. यंदा मे महिन्यापासून पाऊस सुरु झाला. या वादळी पावसाने चिंचेचे मोठे नुकसाने केले. तसेच अनेक भागात मालाची गुणवत्ताही कमी झाली. सध्या बाजारात चिंचेला प्रतिक्विंटल सरासरी १० हजार ते १३ हजार रुपयांच्या दरम्यान दर मिळत आहे. सध्या बाजारात पावसामुळे चिंचेला उठाव कमी आहे. मात्र सणांच्या काळात चिंचेला पुन्हा मागणी वाढू शकते, असा अंदाज चिंच बाजारातील अभ्यासकांनी व्यक्त केला..Onion MSP Demand: कांद्याला ३००० रुपये हमीभाव देण्याची मागणी.ढोबळी मिरची टिकूनराज्यातील बाजारात ढोबळी मिरचीचे दर टिकून आहेत. मागील काही महिन्यांपासून बाजारात ढोबळी मिरचीची आवक सरासरीपेक्षा कमीच दिसत असल्याचे व्यापाऱ्यांचे म्हणणे आहे. ढाबळी मिरचीची लागवडही अनेक भागात कमी झाली. तसेच पावसाचाही फटका पिकाला बसला. त्यामुळे बाजारातील आवक मर्यादीत आहे. सध्या ढोबळी मिरची ३ हजार त ३ हजार ५०० रुपयाने विकली जात आहे. पुढील काही काही आठवडे राज्यातील बाजारात ढोबळ्या मिरचीची आवक मर्यादीतच राहण्याची शक्यता आहे. त्यामुळे दरही टिकून राहू शकतात, असा अंदाज व्यापारी व्यक्त करत आहेत..सोयाबीनमधील मंदी कायमदेशातील बाजारात सोयाबीनच्या भावातील मंदी कायम आहे. सोयाबीनला सध्या बाजारात जुन्या मालाला ४ हजार १०० ते ४ हजार ३०० रुपये दर मिळत आहे. तर नव्या मालाचे भाव ३५०० रुपयांपासून सुरु झाले आहेत. नव्या मालामध्ये सध्या ओलावा २५ ते ३० टक्क्यांपर्यंत आहे. त्यामुळे हा भाव मिळत आहे. यंदा देशात सोयाबीनची लागवड कमी झाली. तसेच पिकाचे पावसाने मोठ्या प्रमाणात नुकसानही होत आहे. त्यामुळे महाराष्ट्र, मध्य प्रदेश आणि राजस्थानमध्ये उत्पादन कमी होण्याची शक्यता आहे. असे असले तरी पुढील काही काळ सोयाबीन बाजारावरील दबाव कायम राहील, असा अंदाज सोयाबीन बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
