Market Bulletin: सोयाबीन दर स्थिरदेशातील बाजारात सोयाबीनचे दर स्थिरावले आहेत. सोयाबीनची बाजारातील आवक सरासरीपेक्षा कमीच असली तरी मागणीच्या तुलनेत आवकेतील तफावत जास्त नाही. त्यामुळे दर स्थिर आहेत. राज्यात सोयाबीनची हमीभावाने खरेदी सुरु आहे. आतापर्यंत ३५ हजार टनांच्या दरम्यान खरेदी झाली आहे. मध्य प्रदेशातील बाजारातील आवक जास्त आहे. तर सरासरी दरपातळी सध्या ४ हजार १०० ते ४ हजार ४०० रुपयांच्या दरम्यान आहेत. पुढील काही आठवडे बाजारातील सोयाबीनची आवक चांगली राहण्याची शक्यता आहे. त्यामुळे सोयाबीनचे दरही स्थिरावण्याची शक्यता आहे, असा अंदाज सोयाबीन बाजारातील अभ्यासकांनी व्यक्त केला..कापूस आवक सुधारलीदेशातील बाजारात कापसाची आवक काहीशी सुधारली आहे. रोज २ लाख टनांच्या दरम्यान कापसाची आवक बाजारात सुरु आहे. यापैकी जास्त कापूस सध्या सीसीआयकडे जात आहे. उत्तर भारतातील आवक आता कमी झाली आहे. त्यामुळे दर काहीसे अधिक दिसत आहे. देशपातळीवर सध्या सरासरी प्रतिक्विंटल ७ हजार ते ७ हजार ५०० रुपये दर मिळत आहे. पुढील काही आठवडे कापसाची आवक चांगली राहण्याची शक्यता आहे. तसेच ३१ डिसेंबरपर्यंत कापसाची मुक्त आयात असेल. त्यामुळे कापसाचे भाव तोपर्यंत स्थिर राहण्याची शक्यता आहे, असा अंदाज कापूस बाजारातील अभ्यासकांनी व्यक्त केला..Shevga Price: शेवग्याला ४० हजारांपर्यंत दर.तूर दबावातचदेशातील बाजारात तुरीचा बाव दबावातच आहे. देशातील उत्पादन कमी असले तरी आयातीचा साठा असल्याने भाव दबावातच आहेत. सध्या तुरीला बाजारात ६ हजार ७०० ते ७ हजार २०० रुपये दर मिळत आहे. सरकारने तुरीची आयात ३१ मार्चपर्यंत मुक्त ठेवली आहे. यामुळे आयात वाढत आहे. डिसेंबर आणि जानेवारी महिन्यात आयात जास्त होऊ शकते, असा अंदाज आहे. त्यामुळे आयातीचा दबाव दरावर कायम राहील, असा अंदाज तूर बाजारातील अभ्यासकांनी व्यक्त केला..Agrowon Podcast: तुरीचा भाव दबावातच; हरभरा दर स्थिर, मटारच्या दरात नरमाई, हिरव्या मिरचीचे दर टिकून तर बोरांना मागणी.ज्वारीचे दर टिकूनराज्यातील बाजारात ज्वारीचे दर टिकून आहेत. खरिपातील ज्वारीची बाजारात आवक वाढल्याने दर नरमले आहेत. मात्र रब्बी ज्वारीचे दर स्थिर आहे. त्यातही मालदांडी ज्वारी चांगलाच भाव खात आहे. रब्बी ज्वारीला सरासरी २८०० ते ३ हजार रुपये दर मिळत आहे. तर मालदांडी ज्वारी ४ हजार ते ५ हजारांच्या दरम्यान विकली जात आहे. तर खरिपाीतल ज्वारीचे भाव गुणवत्तेनुसार सरासरी १७०० ते २१०० रुपयांपर्यंत आहेत. पुढील काही दिवस ज्वारीचे भाव टिकून राहू शकतात. तर मालदांडी ज्वारीला काहीसा आधार मिळू शकतो, असा अंदाज ज्वारी बाजारातील अभ्यासकांनी व्यक्त केला..आल्याचे दर टिकूनराज्यातील बाजारात आल्याचे दर टिकून आहेत. बाजारातील आल्याची आवक सरासरीपेक्षा कमीच असल्याच व्यापारी सांगत आहेत. तर दुसरीकडे आल्याला उठाव चांगला आहे. यामुळे दरही टिकून आहेत. सध्या आल्याला प्रतिक्विंटल सरासरी ३ हजार ते ३ हजार ५०० रुपयांच्या दरम्यान दर मिळत आहेत. आल्याची बाजारातील आवक आणखी काही दिवस कमीच राहू शकते, असा अंदाज व्यापारी व्यक्त करत आहेत. पावसाचा यंदा आले पिकालाही फटका बसला. त्यामुळे दरपातळी आणखी काही दिवस कायम राहू शकते, असा अंदाज आले बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
