Market Bulletin: सोयाबीनमध्ये चढ उतारसोयाबीनच्या भावात आठवड्याच्या पहिल्याच दिवशी चढ उतार पाहायला मिळाले. गेले आठवडाभर दरपातळी काहीशी स्थिर होती.आज प्रक्रिया प्लांट्सचे भाव ४६५० ते ४७५० रुपयांच्या दरम्यान होते. बाजार समित्यांमध्ये सरासरी ४ हजार ते ४ हजार ३०० रुपयांच्या दरम्यान सोयाबीनची विक्री होत आहे. बाजारातील आवक सरासरीपेक्षा कमीच असल्याचे व्यापारी सांगत आहेत. लातूर, जालना, अकोला, वाशीम, कारंजा, अमरावती या बाजारांमधील आवक अधिक होती. सोयाबीनची आवक आणखी काही दिवस चांगली राहू शकते, असा अंदाज सोयाबीन बाजारातील अभ्यासकांनी व्यक्त केला. .मटारची आवक कमीचराज्यातील बाजारात सध्या मटारची आवक खुपच कमी आहे. त्यामुळे दरही तेजीत आहेत. मटारला विशिष्ट खाद्यपदार्थांमध्ये मागणी असतेच. परंतु पावसाने पिकाचे उत्पादन कमी झाल्याचे शेतकरी सांगत आहेत. सध्या पुणे आणि मुंबई बाजारातच मटारची आवक चांगली दिसत आहे. इतर बाजारांमधील आवक कमीच आहे. यामुळे दराला चांगला आधार आहे. सध्या मटार बाजारात ७ हजार ते ८ हजार रुपये प्रतिक्विटलच्या दरम्यान विकला जात आहे. मटारची आवक पुढील काही दिवस कमीच राहण्याची शक्यता आहे. त्यामुळे दरही चांगले राहू शकतात, असा अंदाज व्यापारी व्यक्त करत आहेत..Onion Export: धोरण सातत्याने टिकेल विश्वासार्हता.संत्र्याचे दर टिकूनराज्यातील संत्रा उत्पादन यंदा घटले आहे. संत्रा पिकाला यंदा पावसाचा जोरदार तडाखा बसला. त्यामुळे गुणवत्ताही कमी झाली आहे. सध्या बाजारात गुणवत्तापूर्ण मालाची आवक कमी असल्याचे व्यापारी सांगत आहेत. या मालाला सध्या सरासरी ६ हजार ते ७ हजार रुपये प्रतिक्विंटलचा भाव मिळत आहे. तर कमी दर्जाचा माल २ हजार ते ४ हजारांच्या दरम्यान विकला जात आहे. यंदा उत्पादनाला फटका बसल्याने पुरवठा कमी राहील, असे शेतकरी सांगत आहेत. परिणामी बाजारातील सत्र्याची आवक पुढील काळातही स्थिर राहू शकते. त्यामुळे संत्र्याचे दरही टिकून राहू शकतात, असा अंदाज संत्रा बाजारातील अभ्यासकांनी व्यक्त केला. .Agrowon Podcast: बेदाणा दर तेजीत,कापूस स्थिर,सोयाबीनमध्ये चढ उतार,मका आवक सुधारली,बोरांना मागणी.वांगी आवक सुधारतेयराज्यातील बाजारात सध्या वांग्याची आवक कमी आहे. तर दुसरीकडे वांग्याला उठाव चांगला आहे. त्यामुळे वांग्याचे दर तेजीत आहेत. सध्या राज्यातील बाजारात वांग्याला प्रतिक्विंटल सरासरी ५ हजार ते ५ हजार ५०० रुपये दर मिळत आहे. मुंबई मार्केटला कमाल ६ हजार रुपये दर मिळाला. तर पुणे बाजारातही चांगल्या मालाला ७५०० रुपये दर मिळाला आहे. राज्यातील सर्वच बाजारांमध्ये सध्याची आवक कमी आहे. पुढील काही दिवस तरी वांग्याची आवक कमी राहून दर टिकून राहू शकतात, असा अंदाज भाजीपाला बाजारातील जाणकार व्यापारी व्यक्त करत आहेत..शेवगा तेजीतचराज्यातील बाजारात शेवग्याच्या दरातील तेजी कायम आहे. राज्यातील केवळ पुणे आणि मुंबई बाजारातच शेवग्याची आवक अधिक दिसत आहे. इतर बाजारांमधील आवक १० क्विंटलपेक्षाही कमी आहे. त्यामुळे सध्या शेवग्याला सरासरी ८ हजार ते १० हजार रुपयांच्या दरम्यान दर मिळत आहे. सध्या शेवग्याची आवक कमीच आहे. तर दुसरीकडे शेवग्याला उठाव चांगला आहे. शेवग्याची आवक पुढील काही दिवस तरी कमीच राहण्याची शक्यता आहे. त्यामुळे राज्यातील बाजारात शेवग्याचे दरही काही दिवस तेजीतच राहू शकतात, असा अंदाज शेवगा बाजारातील जाणकारांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
