Market Bulletin: सोयाबीनमधील चढउतार कायमदेशातील बाजारात सोयाबीनच्या दरात चढउतार कायम आहेत. सोयाबीन प्रक्रिया प्लांट्सचे खरेदीचे भाव मागील २ दिवसांमध्ये ५० ते ७० रुपयांनी नरमले आहेत. मागील ३ आठवड्यांपासून सोयाबीनच्या दरात काहीसे चढउतार कायम आहेत. आज प्रक्रिया प्लांट्सचे भाव प्रतिक्विंटल ४ हजार ६५० ते ४ हजार ७५० रुपयांच्या दरम्यान होते. बाजारातील सोयाबीनची आवक चांगली आहे. तर बाजारात सोयाबीनचा भाव सरासरी ४ हजार ते ४ हजार ३०० रुपये आहे. सोयाबीनची बाजारातील आवक पुढील काही आठवडे कायम राहू शकते, त्यामुळे दरातही काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला. .कापूस दर स्थिरदेशातील बाजारात कापसाची आवक स्थिर आहे. तसेच दरही स्थिरावले आहेत. बाजारातील आवक पावणे दोन ते दोन लाख गाठींच्या दरम्यान आहे. त्यापैकी ९० हजार ते १ लाख गाठी कापसाची खरेदी सीसीआय करत आहे. त्यामुळे आवक अधिक असतानाही दर टिकून आहेत. सध्या कापूस सरासरी ७ हजार १०० ते ७ हजार ५०० रुपयांच्या दरम्यान आहेत. कापसाची आवकही चांगली सुरु आहे. त्याचा परिणाम दरावर आहे. कापसाची बाजारातील आवक पुढील काही दिवस चांगली राहण्याची शक्यता आहे. त्यामुळे दरही टिकून राहू शकतात, असा अंदाज कापूस बाजारातील अभ्यासकांनी व्यक्त केला..Cotton Import: विक्रमी कापूस आयात होणार; उत्पादनही जास्त असल्याचा सीएआयचा अंदाज.तीळाला मागणीसध्या देशभरात तिळाला मागणी आहे. मकर संक्रांच्या एक महिना आधीपासून तिळाला उठाव मिळत आहे. देशातील तिळाचे उत्पादन सरासरी असल्याचे व्यापारी सांगत आहेत. सध्या देशात तिळाला प्रतिक्विंटल सरासरी ८ हजार ते १० हजारांचा भाव मिळत आहे. बाजारातील तिळाची आवक पुढील ३ आठवडे चांगली राहण्याची शक्यता आहे. मसाले उद्योगातही तिळाला मागणी आहे. त्यामुळे पुढील काही आठवडे तिळाचे भाव चांगले राहू शकतात, असा अंदाज व्यापारी व्यक्त करत आहेत..Soybean Import: सोयाबीन आयातीचा दरावर फारसा परिणाम होणार नाही.कारली दर तेजीतच राज्यातील बाजारात आजही कारल्याची आवक कमीच होती. मागील दोन-तीन महिन्यांपासून कारल्याची आवक कमी असल्याने दरातील तेजी टिकून आहे. सध्या पुणे, मुंबई, नागपूर आणि नाशिक बाजारातच कारल्याची आवक चांगली दिसत आहे. इतर बाजारांमधील आवक कमी आहे. परिणामी कारल्याला ४ हजार ते ५ हजारांचा भाव मिळत आहे. बाजारातील कारल्याची आवक पुढील काही आठवडे मर्यादीतच राहू शकते. त्यामुळे दरही टिकून राहू शकतात, असा अंदाज व्यापारी आणि जाणकार शेतकरी व्यक्त करत आहेत..गवारला चांगला उठावराज्यातील बाजारात गवारची आवक मर्यादीतच आहे. गवारला दुसरीकडे चांगला उठाव आहे. त्यामुळे गवारचे दर तेजीत आहेत. सध्या गवार बाजारात ७ हजार ते ८ हजार रुपये प्रतिक्विंटलच्या दरम्यान विकली जात आहे. पुणे, मुंबई, नागपूर, अमरावती, नाशिक या बाजारांमध्ये दर जास्त आहेत. गवारला काही बाजारांमध्ये कमाल १० हजारांचाही भाव मिळाला. गवारची बाजारातील आवक पुढील काही दिवस मर्यादीतच राहू शकते, असा अंदाज व्यापाऱ्यांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
