Market Bulletin: सोयाबीन टिकूनआठवड्याच्या शेवटच्या दिवशी म्हणजेच शनिवारी सोयाबीनचे दर टिकून होते. प्रक्रिया प्लांट्सचे खरेदीचे भाव ४ हजार ९५० ते ५ हजार ५० रुपयांच्या दरम्यान होते. तर बाजार समित्यांमधील दर ४ हजार ३०० ते ४ हजार ६०० रुपयांच्या दरम्यान होते. बियाणे दर्जाचे सोयाबीन ५५०० ते ६ हजार होते. बाजारातील सोयाबीनची आवक कमी झालेली आहे. राज्यात नाफेडची सोयाबीन खरेदी दिवसेंदिवस सुधारत आहे. मध्य प्रदेशातही भावांतरमधून खरेदी वाढली आहे. यामुळे बाजारातील आवक कमी होत आहे. याचा आधार दराला मिळत आहे. सोयाबीनच्या दराला पुढील काळातही आधार राहील, असा अंदाज सोयाबीन बाजारातील अभ्यासकांनी व्यक्त केला..कांदा दरात चढ उतारराज्यातील बाजारात कांदा दरात काहीसे चढ उतार सुरु आहेत. बाजारातील कांदा आवक सुधारत आहे. सध्या नाशिक, अहिल्यानगर, सोलापूर जिल्ह्यातील बाजारात कांद्याची आवक सुधारत आहे. नाशिक जिल्ह्यातील बाजारांमध्ये कांदा सरासरी १७०० ते २ हजारांच्या दरम्यान विकला जात आहे. तर सोलापूर बाजारात सरासरी सरासरी १२०० ते १४०० रुपये दर मिळत आहे. बियाण्याच्या कांद्याला २५०० ते ३ हजारांच्या दरम्यान दर आहे. बाजारातील कांदा आवक पुढील काळात आणखी सुधारण्याची शक्यता आहे. त्यामुळे दरात काहीसे चढ उतार दिसतील, असा अंदाज कांदा बाजारातील अभ्यासकांनी व्यक्त केला..Tur Procurement: कर्नाटक, गुजरातमध्ये हमीभावाने तूर खरेदी.तीळाला उठावमकरसंक्रांतीच्या तोंडावर तिळाला चांगला उठाव मिळत आहे. बाजारातील तिळाची आवक मर्यादीत असल्याचे व्यापारी सांगत आहे. सध्या मुंबई बाजारातच आवक १०० क्विंटलपेक्षा अधिक आहे. तर अमरावती, जालना आणि अकोल बाजारातील आवक ५० क्विंटलच्या दरम्यान राहत आहे. तर दुसरीकडे मागणी वाढत आहे. त्यामुळे तिळाच्या दराही सुधारणा दिसून आली आहे. सध्या राज्यातील बाजारात तिळाला प्रतिक्विंटल सरासरी १० हजार ते १२ हजारांचा भाव मिळत आहे. मुंबई मार्केटला सर्वाधिक १७ हजारांचा भाव मिळत आहे. तिळाचे दर पुढील २ आठवडे टिकून राहू शकतात, असा अंदाज व्यापारी व्यक्त करत आहेत..Pomegranate Price: दरामुळे वाढली डाळिंबाची गोडी.पेरु दरात सुधारणामागील ३ आठवड्यांमध्ये राज्यातील अनेक बाजारांमध्ये पेरुची आवक मर्यादीत झाली आहे. यंदाची आवक सरासरीपेक्षा कमीच राहीली. पण सध्या माल कमी उपलब्ध असल्याचे शेतकरी सांगत आहे. बाजारातील आवक मर्यादीत असली तरी दुसरीकडे उठाव आहे. यामुळे दरालाही आधार आहे. सध्या पेरू सरासरी २५०० ते ३५०० रुपयांच्या दरम्यान विकला जात आहे. गुणवत्तापूर्ण मालाचा भाव मुंबई आणि पुण्यासारख्या बाजारात ५ ते ६ हजारांवरही दिसत आहे. पण असे मालाचे प्रमाण कमीच आहे. पेरुची बाजारातील आवक पुढील काही दिवस मर्यादीतच राहण्याची शक्यता आहे. त्यामुळे पेरुची दरही टिकून राहू शकतात, असा अंदाज पेरू बाजारातील अभ्यासकांनी व्यक्त केला..फ्लाॅवर आवक सुधारलीराज्यातील बाजारात मागील काही दिवसांपासून फ्लाॅवरची आवक सुधारत आहे. याचा दबाव दरावर दिसत आहे. मागील काही दिवसांपासून फ्लाॅवरचा भाव सरासरी ८०० ते १२०० रुपयांच्या दरम्यान पोचला आहे. सध्या सोलापूर, मुंबई आणि पुणे बाजारात आवक अधिक दिसत आहे. तर कमी आवक असलेल्या बाजारांमधील दर १५०० ते २ हजारांच्या दरम्यान आहेत. मात्र असे बाजार कमी आहेत. फ्लाॅवरची बाजारातील आवक पुढील काही दिवस टिकून राहण्याची शक्यता आहे. याचा दबाव दरावर राहील, असा अंदाज फ्लाॅवर बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
