Market Bulletin: सोयाबीनमधील वाढ कायमदेशातील बाजारात मागील काही दिवसांपासून सोयाबीनच्या दरात सातत्याने वाढ होत आहे. प्रक्रिया प्लांट्सचे दर वाढत आहेत तसेच बाजार समित्यांमध्येही दराला आधार मिळत आहे. देशातील प्रक्रिया प्लांट्सचे खरेदी भाव ५ हजार ३५० ते ५ हजार ५०० रुपयांच्या दरम्यान पोचले आहेत. तर बाजार समित्यांमध्येही सोयाबीनचा भाव ४ हजार ९०० ते ५ हजार ३०० रुपायांच्या दरम्यान भाव मिळत आहे. बाजारातील सोयाबीनची आवक कमीच आहे. यामुळे दर टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला आहे. .कापसात काहीसे चढ उतारकापसाच्या भावात आज काहीसे चढ उतार दिसून आले. सीएआयने कापूस उत्पादनाचा अंदाज वाढल्यावल्यानंतर आणि सीसीआय कावसाची विक्री करणार असल्याची बातमी बाजारात पसरल्यानंतर कापसाच्या दरात काहीसे चढ उतार सुरु आहेत. सरासरी दरपातळी मात्र स्थिर आहे. कापसाचा सरासरी भाव आजही ७ हजार ८०० ते ८ हजार १०० रुपयांच्या दरम्यान होता. बाजारातील कापसाची आवक कमी झालेली आहे. याचा आधार दराला राहणार आहे, असा अंदाज कापूस बाजारातील अभ्यासकांनी व्यक्त केला..Maize Procurement: गोदामांअभावी रखडली मका खरेदी.मका भाव दबावातचराज्यातील बाजारात मक्याचे भाव दबावातच आहेत. मक्याची बाजारातील आवक सध्या चांगली आहे. तर दुसरीकडे मक्याला मिळणारा उठाव कमी आहे. याचा परिणाम दरावर दिसून येत आहे. मक्याला सध्या बाजारात सरासरी १७०० ते २ हजारांपर्यंत दर मिळत आहे. देशात खरिपातील मक्याचे उत्पादन १४ टक्क्यांनी वाढले आहे. रब्बी हंगामात लागवडीचा वेग काहीसा कमी झाला आहे. तरीही देखील पोषक हवामान असल्याने रब्बी हंगामातही मका उत्पादन चांगले राहण्याची शक्यता आहे. त्यामुळे मक्याचे भाव यंदा हमीभावाच्या खालीच राहू शकतात, असा अंदाज मका बाजारातील अभ्यासकांनी व्यक्त केला आहे..Raisin Production: बेदाणा निर्मिती शेडवर शांतता.गव्हाचे दर टिकूनदेशातील बाजारात गव्हाचे दर टिकून आहेत. बाजारातील गव्हाची आवक स्थिर आहे. तर दुसरीकडे गव्हाला उठाव आहे. लग्नसराईचा गहू बाजाराला आधार आहे. सरकारची गहू बाजारावर पकड कायम आहे. यामुळे दर मर्यादीत पातळीवर सुधारले आहेत, असे व्यापारी सांगत आहेत. सध्या गहू बाजारात प्रतिक्विंटल सरासरी २ हजार ६०० ते २ हजार ९०० रुपयांच्या दरम्यान विकला जात आहे. तर किरकोळ बाजारात ३ हजार ८०० ते ४ हजार ४०० रुपयांपर्यंत भाव आहेत. यंदा देशात गव्हाची लागवड वाढत आहे. तसेच पिकासाठी पोषक हवामानही आहे. दुसरीकडे सरकार दरावर लक्ष ठेऊन आहे. यामुळे दर एका मर्यादेतच सुधारू शकतात, असा अंदाज गहू बाजारातील अभ्यासकांनी व्यक्त केला आहे..सरकीचे दर तेजीतदेशात यंदा सरकीच्या उत्पादनावर परिणाम झाला आहे. पावसामुळे यंदा देशातील अनेक भागात पहिल्या वेचणीतील कापसाची गुणवत्ता कमी झाली होती. सरकीलाही फटका बसला होता. यंदा देशातील कापूस उत्पादन कमी झाल्याने सरकीचेही उत्पादन घटले आहे. याचा परिणाम दरावर दिसत आहे. कमी भावात सध्या सरकीची विक्री कमी होत आहे. यामुळे दराला आधार आहे. सरकी देशात ३८०० रुपयांपासून ४२०० रुपयांपर्यंत विकली जात आहे. सरकीची टंचाई यंदा भासण्याची शक्यता आहे. त्यामुळे सरकीचे दर टिकून राहू शकतात, असा अंदाज सरकी बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
