Market Bulletin: सोयाबीनमध्ये सुधारणा देशातील बाजारात सोयाबीनच्या भावात कालपासून पुन्हा काहीशी सुधारणा पाहायाला मिळाली. प्रक्रिया प्लांट्सचे सोयाबीन खरेदीचे भाव ५ हजार ४०० ५ हजार ६०० रुपयांच्या दरम्यान पोचले आहेत. तर बाजार समित्यांमध्ये सोयाबीनला प्रतिक्विंटल सरासरी ५ हजार ते ५ हजार ३०० रुपयांचा भाव मिळत आहे. सोयाबीनची बाजारातील आवक कमीच आहे. तर दुसरीकडे सोयापेंडला चांगला उठाव आहे. त्यामुळे सोयाबीनचे बाव टिकून राहण्यास मदत होईल, असा अंदाज सोयाबीन बाजारातील अभ्यासकांनी व्यक्त केला आहे. .कापूस दर टिकूनदेशातील बाजारात कापसाची आवक कमी झालेली आहे. आवक कमी असली तरी कापसाचा भाव टिकून आहे. सीसीआयनेही कापसाची विक्री सुरु केली आहे. याचा दबावा बाजारावर येत आहे. सध्या बाजारात कापूस ७ हजार ९०० ते ८ हजार २०० रुपयांच्या दरम्यान विकला जात आहे. सीसीआयची कापूस खरेदीही सुरुच आहे. यामुळे कापसाला आधार निर्माण झालेला आहे. मात्र विक्रीमुळे दरवाढीवर मर्यादाही आलेल्या आहेत. कापूस बाजारातील ही स्थिती आणखी काही दिवस टिकून राहू शकते, असा अंदाज कापूस बाजारातील अभ्यासकांनी व्यक्त केला आहे..Fish Market: पंधरवड्यापासून मासळी दरात सुधारणा.मुगाचा भाव दबावातचदेशातील मुगाचे उत्पादन यंदा कमी झाल्याचे अंदाज येत आहे. परंतु मुगाचे भाव कमीच आहेत. बाजारातील आवक सरासरीपेक्षा कमी आहे. मुगाला उठावही चांगला आहे. असे असले तरी मुगाच्या भावाला याचा आधार मिळताना दिसत आहे. सध्या बाजारात मूग सरासरी ६ हजार ४०० ते ७ हजारांच्या दरम्यान विकला जात आहे. तर हमीभाव ८ हजार ७६८ रुपये आहे. म्हणजेच मुगाची विक्री हमीभावापेक्षा कमी भावात करावी लागत आहे. याचा शेतकऱ्यांना फटका बसत आहे. मुगाचे भाव पुढील काही आठवडे दबावातच राहू शकतात, असा अंदाज मूग बाजारातील अभ्यासकांनी व्यक्त केला..Cotton Procurement: ‘सीसीआय’ची दहा लाख क्विंटल कापूस खरेदी.गव्हाचे भाव टिकूनदेशातील बाजारात गव्हाचे दर टिकून आहेत. लग्नसराईचा गहू बाजाराला आधार आहे. सरकारची गहू बाजारावर पकड कायम आहे. यामुळे दर मर्यादीत पातळीवर सुधारले आहेत, असे व्यापारी सांगत आहेत. सध्या गहू बाजारात प्रतिक्विंटल सरासरी २ हजार ६०० ते २ हजार ९०० रुपयांच्या दरम्यान विकला जात आहे. तर किरकोळ बाजारात ३ हजार ८०० ते ४ हजार ४०० रुपयांपर्यंत भाव आहेत. यंदा देशात गव्हाची लागवड वाढत आहे. तसेच पिकासाठी पोषक हवामानही आहे. दुसरीकडे सरकार दरावर लक्ष ठेऊन आहे. यामुळे दर एका मर्यादेतच सुधारू शकतात, असा अंदाज गहू बाजारातील अभ्यासकांनी व्यक्त केला आहे..सरकीचा भाव स्थिरदेशात यंदा सरकीच्या उत्पादनावर परिणाम झाला आहे. पावसामुळे यंदा देशातील अनेक भागात पहिल्या वेचणीतील कापसाची गुणवत्ता कमी झाली होती. सरकीलाही फटका बसला होता. यंदा देशातील कापूस उत्पादन कमी झाल्याने सरकीचेही उत्पादन घटले आहे. यामुळे दराला आधार आहे. सरकी देशात ३८०० रुपयांपासून ४२०० रुपयांपर्यंत विकली जात आहे. सरकीची टंचाई यंदा भासण्याची शक्यता आहे. त्यामुळे सरकीचे दर टिकून राहू शकतात, असा अंदाज सरकी बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
