Market Bulletin: सोयाबीनमधील सुधारणा टिकूनसोयाबीनच्या भावाला सध्या चांगला आधार मिळत आहे. देशातील बाजारात सोयाबीनची आवक सरासरीपेक्षा कमीच आहे. तर दुसरीकडे उठाव मिळत आहे. यामुळे दरात सुधारणा दिसून आली. बाजार समित्यांमध्ये सरासरी ४ हजार २०० ते ४ हजार ५०० रुपये भाव मिळत आहे. बियाणे सोयाबीनचा भाव ५ हजार ५०० ते ६ हजारांच्या दरम्यान आहे. तर प्रक्रिया प्लांट्सचे खरेदीचे भाव ४ हजार ८५० ते ४ हजार ९५० रुपयांच्या दरम्यान आहेत. सोयाबीनचे वाढलेले दर मागील ४ दिवसांपासून टिकून आहेत. पुढील काळातही सोयाबीनच्या दराला चांगला आधार राहील, असा अंदाज सोयाबीन बाजारातील अभ्यासकांनी व्यक्त केला..आल्याला उठावराज्यातील बाजारात आल्याचे दर मागील काही आठवड्यांपासून टिकून आहेत. आल्याची बाजारातील आवक काहीशी सुधारली असली तरी उठावही चांगला आहे. थंडीमुळे आल्याला उठाव असल्याचे व्यापारी सांगत आहेत. सध्या मुंबई आणि पुणे बाजारांमध्येच आल्याची आवक चांगली दिसत आहे. तर आल्याला गुणवत्तेप्रमाणे सरासरी ३ हजार ते ४ हजारांचा भाव मिळत आहे. आल्याची बाजारातील आवक पुढील काही दिवस कमीच राहण्याची शक्यता आहे. तर महिनाभरानंतर आवकेत सुधारणा होऊ शकते, असा अंदाज आले बाजारातील अभ्यासकांनी व्यक्त केला आहे..Rabi Sowing: देशात रब्बी पेरणी क्षेत्रात आठ लाख हेक्टरने वाढ .ज्वारीचे दर टिकूनराज्यातील बाजारात ज्वारीचे दर मागील महिनाभरापासून टिकून आहेत. बाजारातील ज्वारीची आवक कमी झालेली आहे. तर ज्वारीला उठावही मिळत आहे. सध्या राज्यात ज्वारीला गुणवत्ता आणि वाणानुसार दर मिळत आहे. मालदांडी ज्वारी पुणे आणि मुंबईत ५ ते ६ हजाराने विकाली जात आहे तर इतर बाजारांमध्ये ३ हजार ते ४५०० रुपये दर आहेत. दादर ज्वारी ३ हजार ते ३५०० रुपयाने विकली जात आहे. शाळू ज्वारीलाही ३ हजार ते ३५०० रुपये भाव मिळत आहे. पांढरी ज्वारीला ३५०० ते ४ हजारांचा भाव मिळत आहे. ज्वारीचे दर पुढील काही दिवस टिकून राहू शकतात, असा अंदाज अभ्यासकांनी व्यक्ते केला आहे..Paddy Procurement: हमीभावाने भात खरेदी वेगात .हळदीला मागणीदेशातील बाजारात हळदीला सध्या मागणी आहे. मसाले उद्योगाकडून आणि निर्यातीसाठी मागणी असल्याने दरालाही आधार आहे. तसेच बाजारातील हळदीची आवक सध्या सरासरीपेक्षा कमी आहे. त्यामुळे दरपातळी टिकून आहे. सध्या देशात हळद सरासरी १४ हजार ते १६ हजार रुपयाने विकली जात आहे. मुंबई मार्केटला २० हजार ते २२ हजारांचा भाव मिळत आहे. तर हिंगोलीत १५ हजारांच्या दरम्यान दर मिळत आहेत. रिसोड आणि वसमत मार्केट १४ हजार ते १५ हजारांच्या दरम्यान आहे. बाजारातील हळदीची आवक पुढील महीनाभरानंतर वाढण्याची शक्यता आहे. याचा परिणाम दरावर दिसू शकतो, असा अंदाज हळद बाजारातील अभ्यासकांनी व्यक्त केला आहे..शेवगा आवक कमीचराज्यातील बाजारात शेवग्याची आवक खूपच कमी आहे. तर दुसरीकडे शेवग्याला चांगला उठाव आहे. यामुळे दरात चांगलीच वाढ पाहायला मिळाली. काही बाजारांमध्ये एक किंवा दोन क्विंटलची आवक होऊन दर विक्रमी दिसत आहेत. आज पुण्यातील मोशी मार्केटला केवळ एक क्विंटलची आवक झाली आणि ३५ हजारांचा भाव मिळाला. पुणे मार्केटला ११ हजार ते १५ हजार रुपये भाव आहे. तर मुंबई मार्केटलाही १५ हजार ते १७ हजारांचा दर मिळत आहे. शेवग्याची बाजारातील आवक पुढील काही दिवस कमीच राहण्याची शक्यता आहे. त्यामुळे दर तेजीतच राहतील, असा अंदाज शेवगा बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
