Market Bulletin: गव्हाचे दर स्थिर देशातील बाजारात मागील दोन महिन्यांपासून गव्हाचे भाव स्थिर आहेत. गव्हाची बाजारातील आवक कमी आहे. तर गव्हाला सध्या बाजारात चांगला उठाव आहे. यापुढे सणांच्या काळात गव्हाला आणखी मागणी वाढेल, असे व्यापाऱ्यांनी सांगितले. गव्हाचे भाव मागील २ महिन्यांपासून एकाच पातळीदरम्यान दिसत आहेत. गहू बाजारात २ हजार ५०० ते ३ हजारांच्या दरम्यान वाण आणि गुणवत्तेप्रमाणे विकला जात आहे. गव्हाला पुढील काळात चांगला उठाव राहील. तर सरकारकडेही गव्हाचा मोठा साठा आहे. त्यामुळे गव्हाच्या दरातील सुधारणा मर्यादीत राहू शकते, असा अंदाज गहू बाजारातील अभ्यासकांनी व्यक्त केला..भेंडीला चांगला उठावराज्यातील बाजारात भेंडीला चांगला उठाव आहे. भेंडीची आवक मात्र मर्यादीत असल्याचे व्यापारी सांगत आहेत. भेंडी पिकाला मागील १५ दिवसांमध्ये झालेल्या पावसाचा फटका बसत आहे. त्यामुळे बाजारातील आवक कमी आहे. सध्या भेंडीला प्रतिक्विंटल सरासरी २ हजार ५०० ते ३ हजार रुपये दर मिळत आहे. भेंडीची आवक राज्यातील पुणे, मुंबई, नाशिक आणि नागपूर बाजारातच काहीशी अधिक दिसत आहे. इतर बाजारांमध्ये आवक १०० क्विंटलेक्षा कमीच आहे. बाजारातील आवक आणखी काही आठवडे कमीच राहण्याची शक्यता आहे. त्यामुळे भेंडीचे दर आणखी काही आठवडे टिकून राहतील, असा अंदाज भेंडी बाजारातील व्यापारी व्यक्त करत आहेत. .Soybean Market: सोयाबीन बाजारात चिंता; अमेरिकेच्या सोयाबीनची खरेदी चीनने थांबवली.ज्वारीला मागणी कायमअलीकडच्या काही वर्षांपासून गावरान ज्वारीची मागणी वाढत आहे. मात्र मागणी वाढूनही ज्वारीच्या दरात सुधारणा होत नसल्याची बाजारातील स्थिती आहे. सध्या राज्यात ज्वारी गुणवत्तेनुसार २ हजार ५०० ते ४ हजारांच्या दरम्यान विकली जात आहे. ज्वारी उत्पादनात अहिल्यानगर, धाराशिव, बीड, सोलापूरसह काही जिल्हे आघाडीवर असतात. ज्वारीचे उत्पादन वाढत आहे. मात्र, सध्या बाजारातील आवक कमी आहे. गेल्या काही दिवसांचा विचार करता ज्वारीला मागणी असूनही फारसा दर मिळत नाही. बाजारातही ज्वारीचा दर्जा चांगला असल्याचे सांगत व्यापाऱ्यांकडूनही हमी दरापेक्षा कमी दराने ज्वारीची खरेदी केली जात आहे. ज्वारीचे दर काही आठवडे कायम राहू शकतात, असा अंदाज ज्वारी बाजारातील अभ्यासकांनी व्यक्त केला. .Agrowon Podcast: आले दरात सुधारणा; सोयाबीन किंमतीत वाढ, हरभरा स्थिर, शेवगा आवक वाढली, केळीचे दर कायम.बेदाण्याचे दर तेजीतदेशात यंदा बेदाण्याचे उत्पादन कमी झाले. त्यामुळे हंगामाच्या सुरुवातीपासूनच बेदाणा दर गेल्यावर्षीपेक्षा अधिक आहेत. बेदाण्याला यंदा मागणीही चांगली राहीली. याचाही आधार दराला मिळाला. सध्या राज्यातील मोठ्या बाजारांमध्ये बेदाणा २५० ते ३५० रुपये प्रतिकिलोने विकला जात आहे. तर शेतकऱ्यांना मिळणारा दर २२० ते २७० रुपयांच्या दरम्यान आहे. सध्या बेदाण्याला सणांची मागणी येत आहे. त्यामुळे उठावही चांगला मिळत आहे. बेदाण्याची मागणी पुढील काही महीने चांगली राहण्याची शक्यता आहे. त्यामुळे बेदण्याचे दरही टिकून राहतील, असा अंदाज व्यापारी आणि अभ्यासकांनी व्यक्त केला. .हरभऱ्याचा बाजार टिकूनहरभऱ्याला मागील दोन महिन्यांपासून चांगला आधार मिळत आहे. सणासुदीच्या काळात हरभरा डाळ आणि बेसनला चांगला उठाव असतो. त्यामुळे हरभऱ्याला मागणी वाढलेली आहे. याचा परिणाम दरावर झाला असून मागील महिनाभरात दर ६ हजारांच्या घरात पोचले. आजही बाजारात हरभऱ्याचे व्यवहार ५ हजार ७०० ते ६ हजार रुपये प्रतिक्विंटलच्या दरम्यान झाले. मुंबई आणि दिल्ली बाजारात हरभऱ्याचे दर जास्त आहेत. यापुढे हरभऱ्याला आणखी मागणी वाढण्याची शक्यता आहे. तर दुसरीकडे आयात मालही देशात उपलब्ध आहे. त्यामुळे हरभरा दरातील वाढीवर मर्यादा आहेत. मात्र, दरपातळी कमी होण्याची शक्यता दिसत नाही, असे अभ्यासकांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
