Market Bulletin: सोयाबीनमधील वाढ कायमदेशातील बाजारात मागील दोन आठवड्यांपासून सोयाबीनच्या दरात सुधारणा दिसून येत आहे. बाजारातील घटती आवक आणि गाळपासाठी चांगली मागणी यामुळे सोयाबीनचे दर वाढले आहेत. मागील आठवड्यात सोयाबीनच्या दरात क्विंटलमागे १०० ते २०० रुपयांची वाढ झाली होती. आज प्रक्रिया प्लांट्सचे सोयाबीन खरेदीचे भाव प्रतिक्विंटल सरासरी ५ हजार ५० ते ५ हजार १५० रुपयांच्या दरम्यान होते. अनेक बाजार समित्यांमध्ये सोयाबीनला ४६०० ते ४८०० रुपयांपर्यंत दर मिळत आहे. यंदा घडलेले उत्पादन आणि राज्यात हमीभावाने सोयाबीनची खरेदी, यामुळे दराला आधार आहे. सोयाबीन दरातील ही स्थिती कायम राहू शकते, असा अंदाज सोयाबीन बाजारातील अभ्यासकांनी व्यक्त केला. .India New Zealand FTA: सफरचंद उत्पादकांचा ‘न्यूझीलंड करारा’ला विरोध .जिरा दरात सुधारणामागील काही दिवसांपासून जिऱ्याच्या दरात सुधारणा दिसून आली आहे. सध्या जिऱ्याला लग्नसराईमुळे चांगली मागणी आली आहे. निर्यातीसाठीही जिऱ्याला मागणी आहे. तर दुसरीकडे बाजारातील जिऱ्याची आवक कमी आहे. जिऱ्यासाठी बेंचमार्क असलेल्या उंजा मंडीमध्ये जिऱ्याची आवक कमी झाली आहे. त्यामुळे जिऱ्याचा भाव २१ हजार ५०० ते २२ हजार ५०० रुपयांच्या दरम्यान आहे. सध्या देशात जिऱ्याचा साठा कमी आहे. तसेच पुढील काळात देशात जिऱ्याला मागणी राहीलच शिवाय निर्यातीसाठीही मागणी राहणार आहे. यामुळे जिऱ्याच्या दरातील सुधारणा कायम राहील, असा अंदाज जिरा बाजारातील अभ्यासकांनी व्यक्त केला..हळदीला आधारदेशातील बाजारात मागील काही दिवसांपासून हळदीच्या दराला चांगला आधार आहे. बाजारातील हळदीची आवक सध्या कमी आहे. तसेच उठाव चांगला असल्याने भावात सुधारणाही पाहायला मिळाली. बाजारात सध्या हळदीला गुणवत्तेनुसार १५ हजार ते १६ हजार ५०० रुपयांपर्यंत दर मिळत आहे. पुढील काही आठवडे बाजारातील हळदीची आवक मर्यादीतच राहण्याची शक्यता आहे. स्टाॅकीस्ट आणि शेतकरी दरवाढीच्या अपेक्षेने माल मागे ठेवताना दिसत आहेत. तर लग्नसराईमुळे हळदीला उठाव आहे. या परिस्थिती पुढील काळात हळदीच्या दरात काहीशी सुधारणाही दिसू शकते, असा अंदाज हळद बाजारातील अभ्यासकांनी व्यक्त केला आहे..Soybean Market: सोयाबीन बाजारातील सारीपाट.गव्हाचे दर टिकूनदेशातील बाजारात गव्हाचे दर टिकून आहेत. बाजारातील गव्हाची आवक स्थिर आहे. तर दुसरीकडे गव्हाला उठाव आहे. लग्नसराईचा गहू बाजाराला आधार आहे. सरकारची गहू बाजारावर पकड कायम आहे. यामुळे दर मर्यादीत पातळीवर सुधारले आहेत, असे व्यापारी सांगत आहेत. सध्या गहू बाजारात प्रतिक्विंटल सरासरी २ हजार ६०० ते २ हजार ९०० रुपयांच्या दरम्यान विकला जात आहे. तर किरकोळ बाजारात ३ हजार ८०० ते ४ हजार ४०० रुपयांपर्यंत भाव आहेत. यंदा देशात गव्हाची लागवड वाढत आहे. तसेच पिकासाठी पोषक हवामानही आहे. दुसरीकडे सरकार दरावर लक्ष ठेऊन आहे. यामुळे दर एका मर्यादेतच सुधारू शकतात, असा अंदाज गहू बाजारातील अभ्यासकांनी व्यक्त केला आहे..सरकीचे दर तेजीतदेशात यंदा सरकीच्या उत्पादनावर परिणाम झाला आहे. पावसामुळे यंदा देशातील अनेक भागात पहिल्या वेचणीतील कापसाची गुणवत्ता कमी झाली होती. सरकीलाही फटका बसला होता. यंदा देशातील कापूस उत्पादन कमी झाल्याने सरकीचेही उत्पादन घटले आहे. याचा परिणाम दरावर दिसत आहे. कमी भावात सध्या सरकीची विक्री कमी होत आहे. यामुळे दराला आधार आहे. सरकी देशात ३४०० रुपयांपासून ३८०० रुपयांपर्यंत विकली जात आहे. सरकीची टंचाई यंदा भासण्याची शक्यता आहे. त्यामुळे सरकीचे दर टिकून राहू शकतात, असा अंदाज सरकी बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
