Market Bulletin: कापूस दर दबावातचदेशातील बाजारात कापसाचे भाव दबावातच आहेत. देशातील काही बाजारांमध्ये नव्या कापसाची आवक सुरु झाली. मात्र ही आवक नगण्य आहे. तसेच कापसामध्ये ओलावाही अधिक आहे. नव्या कापसाला सरासरी ६ हजार ३०० रुपयांपर्यंत दर मिळत आहे. पंजाब, हरियाना आणि राजस्थानमधील काही बाजारांमध्ये कापूस विकला गेला. दक्षिण भारतातही काही ठिकाणी कापूस आवक झाली. लवकर लागवड झालेल्या कापसाची सध्या आवक होत आहे. मात्र आवकेचा दबाव वाढण्याला आणखी एक महिन्याचा कालावधी लागेल. त्यावेळीही कापसाच्या दरावरी दबाव कायम राहण्याची शक्यता आहे. त्यामुळे शेतकऱ्यांनी यंदाही सीसीआयला कापूस विकल्यास फायदेशीर ठरू शकते, असा अंदाज कापूस बाजारातील अभ्यासकांनी व्यक्त केला..मुगाचे भाव कमीचदेशातील बाजारात मुगाला भाव कमीच मिळत आहे. मुगाची बाजारातील आवक सध्या कमी आहे. काही ठिकाणी नव्या मालाची देखील आवक सुरु झाली. तरीदेखील आवकेचे प्रमाण कमीच दिसत आहे. मात्र, असे असतानाही मुगाच्या दरावरील दबाव कायम आहे. मुगाला सरासरी ७ हजार ते ७ हजार ५०० रुपयांच्या दरम्यान दर मिळत आहे. सरकारने यंदा मुगाला ८७६८ रुपये हमीभाव जाहीर केला. म्हणजेच मुगाचा भाव सध्या महीभावापेक्षा १५०० ते १७०० रुपयाने कमी आहेत. पुढील काही आठवड्यांमध्ये बाजारातील मुगाची आवक वाढण्याचा अंदाज आहे. त्याचाही दरावर दबाव वाढण्याची शक्यता आहे, असे अभ्यासकांनी सांगितले..Banana Market : केळी खरेदीत काटतीची तक्रार कायम.तोंडलीला उठावबाजारात सध्या तोंडलीची आवक कमी आहे. तर दुसरीकडे तोंडलीली चांगला उठाव आहे. त्यामुळे दरही चांगला मिळत आहे. इतर भाजीपाला पिकासह तोंडली पिकाचेही अनेक भागात पावसाने नुकसान झाले. त्यामुळे सध्या बाजारातील आवक कमी दिसत आहे. तोंडली सध्या बाजारात प्रतिक्विंटल सरासरी २५०० ते ३ हजार रुपयांच्या दरम्यान विकली जात आहे. तोंडलीची लागवड यंदा अनेक भागात सरासरीपेक्षा कमी असल्याचे काही शेतकरी सांगत आहेत. तसेच तोंडलीला मागील काही महिन्यांंपासून समाधानकारक दर असल्याचेही त्यांनी सांगितले. बाजारातील तोंडलीची आवक आणखी काही आठवडे कायम राहू शकते, असे व्यापारी सांगत आहेत..Urad Market : अहिल्यानगरमध्ये उडदाची आवक वाढून दरात घट.पेरुची आवक घटलीमागील आठवडाभरात राज्यात झालेल्या पावसाने पेरू पिकाचे मोठे नुकसान केले. विदर्भ, मराठवाडा आणि मध्य महाराष्ट्रातील पेरू बागांना पावसाचा चांगलाच दणका बसला. पावसामुळे फळबागांचे नुकसान तर झालेच शिवाय फळांची गुणवत्ताहीकमी झाली. त्यामुळे या पेरूला कमी दर मिळत आहे. अगदी १ हजार रुपयांपासून हा पेरू विकला जात आहे. बाजारत सध्या गुणवत्तापूर्ण पेरूची आवक कमीच आहे. त्यामुळे या पेरूला प्रतिक्विंटल सरासरी २५०० ते ३ हजार रुपये दर मिळत आहे. पावसाने दणका दिल्यामुळे पुढील काही आठवडे बाजारातील गुणवत्तापूर्ण मालाची आवक कमीच राहण्याची शक्यता आहे. त्यामुळे पेरुचे दर टिकून राहू शकतात, असा अंदाज व्यापारी आणि जाणकार शेतकरी व्यक्त करत आहेत..बाजरीचे दर टिकूनबाजराची बाजारातील आवक मागील काही आठवड्यांपासून कमी दिसत आहे. मात्र गेल्या खरिप आणि रब्बीत उत्पादन चांगले होते. परिणामी बाजरीचा पुरवठा देखील चांगला आहे. याचा दबाव दरवार दिसून येत आहे. बाजारीला सरासरी २ हजार ५०० ते ३ हजार रुपयांच्या दरम्यान गुणवत्ता आणि वाणानुसार दर मिळत आहे. खरिपातही बाजरीची लागवड चांगली आहे. मात्र पिकाला पावसाचा फटका काही भागात बसला. पुढील काही आठवड्यांमध्ये नवी बाजरी बाजारात येईल. त्यामुळे दरावरील दबाव आणखी काही आठवडे कायम राहू शकतो, असा अंदाज अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
