Market Bulletin: सोयाबीनमध्ये काहीशी सुधारणासोयाबीनच्या दरात आठवड्याच्या पहिल्याच दिवशी म्हणजेच सोमवारी काहीशी सुधारणा दिसून आली. सोयाबीनचे प्रक्रिया प्लांट्सचे भाव क्विंटलमागे ५० ते ८० रुपयांनी सुधारले होते. बहुतांशी प्लांट्सचे भाव ४ हजार ७०० ते ४ हजार ७५० रुपयांच्या दरम्यान राहीले. तर बाजार समित्यांमधील दरपातळी कायम होती. बाजारात आज सोयाबीनला सरासरी ४ हजार १०० ते ४ हजार ३०० रुपयांच्या दरम्यान दर मिळाला. बाजारातील सोयाबीनची आवक स्थिर आहे. तर हमीभावानेही सोयाबीनची खरेदी वेग घेत आहे. यामुळे सोयाबीनचे दर पुढील काही दिवस स्थिर राहू शकतात, असा अंदाज सोयाबीन बाजारातील अभ्यासकांनी व्यक्त केला आहे. .कापूस दर स्थिरकापसाचा भाव मागील दोन आठवड्यांपासून काहीसा स्थिरावला आहे. बाजारात येणाऱ्या कापसात सध्या गुणवत्ता चांगली आहे. हा कापूस सीसीआयकडून खरेदी केला जात आहे. त्यामुळे सध्या विक्रीसाठी येणाऱ्या कापसापैकी जास्तीत जास्त कापूस सीसीआयला जात आहे. तर खासगी जिनिंगला कमी कापूस मिळत आहे. सरासरी दराही टिकून आहे. सध्या कापूस बाजारात सरासरी ७ हजार २०० ते ७ हजार ५०० रुपयांच्या दरम्यान विकला जात आहे. कापसाची बाजारातील आवक पुढील काही दिवस स्थिर राहण्याची शक्यता आहे. त्यामुळे कापसाचे दरही स्थिरावू शकतात, असा अंदाज कापूस बाजारातील अभ्यासकांनी व्यक्त केला आहे..Banana Market: केळीच्या आवकेत खानदेशात मोठी घट.तुरीचे भाव दबावातचदेशातील काही बाजारांमध्ये नव्या तुरीची आवक सुरु झाली आहे. मात्र आवकेचा दबाव अद्याप वाढलेला नाही. महिनाभरानंतर आवकेचा दबाव वाढण्याची शक्यता आहे. सध्या बाजारात आवक कमीच आहे. तर तुरीची मागणी चांगली आहे. असे असतानाही आयातीचा दबाव आहे. सध्या तूर बाजारात ६ हजार ते ६ हजार ७०० रुपयांच्या दरम्यान कायम आहे. तुरीची मुक्त आयात ३१ मार्चपर्यंत असेल. यंदा देशातील उत्पादनही कमी होण्याचा अंदाज आहे. त्यामुळे सरकारचे धोरण काय राहील याकडे बाजाराचे लक्ष आहे. पण तोपर्यंत दरात काहीसे चढ उतार दिसू शकतात, असा अंदाज तूर बाजारातील अभ्यासकांनी व्यक्त केला..Sugarcane Bill Pending: दोन हजार कोटींची ऊस बिले तत्काळ द्यावीत.डाळिंबाचे दर टिकूनराज्यातील बाजारात डाळिंबाची आवक कमीच आहे. त्यातही गुणवत्तेचा माल आजही कमी होता. त्यामुळे दर टिकन आहे. काही बाजारांमध्ये डाळिंबाची आवक अधिक दिसत असली बाजारात गुणवत्तेप्रमाणे दर मिळत आहे. गुणवत्तेचा डाळिंब मुंबई बाजारात १२ हजार रुपये प्रतिक्विंटलपर्यंत विकला जात आहे. तर पुणे बाजारात सरासरी ८ हजार ते १० हजारांचा भाव आहे. नागपूरसह इतर बाजारांमध्ये ६ हजारांच्या दरम्यान माल विकला जात आहे. पण गुणवत्तेचा माल पुणे आणि मुंबई बाजारात विकला जात आसल्याचे व्यापारी आणि जाणकार शेतकऱ्यांनी सांगितले..पेरुची आवक कमीचराज्यातील बाजारात पेरुची आवक आजही कमीच होती. केवळ पुणे आणि मुंबई मार्केटमधील आवक काहीशी अधिक होती. पेरुला सध्या बाजारात सरासरी गुणवत्तेप्रमाणे ३ हजार ते ४ हजार रुपयांच्या दरम्यान भाव मिळत आहे. थंडीमुळे मागणी काहीशी घटल्याचे व्यापारी सांगत आहेत. पण यंदा पावसामुळे पेरु पिकाला जोरदार तडाखा बसला होता. याचा परिणाम सध्याही दिसत आहे. माल कमी निघत अल्याचे शेतकरी सांगत आहेत. याचा आधार दराला आहे. पेरुची आवक आणि दर काही दिवस टिकून राहू शकतात, असा अंदाज व्यापारी आणि जाणकार शेतकऱ्यांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
