Market Bulletin: सोयाबीनमध्ये काहीशी वाढसोयाबीनच्या भावात आज काहिशी सुधारणा पाहायला मिळाली. प्रक्रिया प्लांट्सनी सोयाबीन खरेदीचे भाव ५० ते ७५ रुपयांनी वाढवले होते.बाजार समित्यांमधील दर मात्र स्थिरावले होते. बाजारात आज सोयाबीन प्रतिक्विंटल सरासरी ४ हजार ८०० ते ५ हजार ३०० रुपयांच्या दरम्यान विकले जात आहे. आंतरराष्ट्रीय बाजारात सोयातेल आणि सोयाबीनच्या भावात युध्दामुळे वाढ झाली आहे. दुसरीकडे देशातील उत्पादनाचा अंदाज सोपाने वाढवला आहे. या सर्व घडामोडींची सोयाबीनच्या भावावर काहीसा परिणाम जाणवण्याची शक्यता आहे, असे सोयाबीन बाजारातील अभ्यासकांनी सांगितले. .कापूस स्थिरदेशातील बाजारात कापसाचा भाव काहीसा स्थिरावला होता. कापसाला बाजारात सरासरी ७ हजार ३०० ते ७ हजार ८०० रुपयांच्या दरम्यान भाव मिळाला. सीसीआयची कापूस खरेदी सुट्ट्यांमुळे बंदच होती. मात्र आजपासून खरेदी सुरु झाली. याचा आधार शेतकऱ्यांना मिळत आहे. कापसाचा भाव बाजारात कमी असल्याने सीसीआयच्या खरेदीला चांगला प्रतिसाद मिळत आहे. सीसीआय १५ मार्चपर्यंत हमीभावाने कापसाची खरेदी करणार आहे. त्यामुळे सध्याच्या परिस्थितीत हमीभावाने कापूस विक्री फायदेशीर ठरू शकते, असा अंदाज कापूस बाजारातील अभ्यासकांनी व्यक्त केला आहे..Agrowon Podcast: कांदा, कापूस-मक्याचे दर दबावात; सोयाबीन स्थिर तर खरबुजाची आवक वाढली.टोमॅटो भावात चढ उतारराज्यातील बाजारात टोमॅटोच्या भावात काहीसे चढ उतार दिसून येत आहेत. बाजारातील आवक सुधारल्यानंतर दरावर दबाव आला होता. दुसरीकडे टोमॅटोला उठावही चांगला असल्याचे व्यापारी सांगत आहेत. सध्या राज्यातील अनेक भागात तोडे सुरु आहेत. यामुळे आवक चांगली आहे. सध्या टोमॅटो राज्यात मोठ्या बाजार समित्यांमध्ये सरासरी ८०० ते १२०० रुपये प्रतिक्विंटलच्या दरम्यान विकला जात आहे. टोमॅटोची आवक पुढील काही दिवस स्थिर दिसू शकते, असा अंदाज टोमॅटो बाजारातील व्यापारी आणि जाणकार शेतकरी व्यक्त करत आहेत..Fertilizer Shortage: होर्मूझ मार्ग बंद झाल्याने खतटंचाईचे सावट.ज्वारीला उठावराज्यातील बाजारात ज्वारीला चांगला उठाव मिळत आहे. ज्वारीची बाजारातील आवक सध्या कमी होत आहे. याचा आधार दराला मिळत आहे. बाजारात ज्वारीला वाण आणि गुणवत्तेप्रमाणे २ हजार ५०० रुपयांपासून ते ५ हजार रुपयांपर्यंत भाव मिळत आहे. मालदांडी ज्वारी ४ हजारांपासून ५ हजार ५०० रुपयांपर्यंत विकली जात आहे. लोकल ज्वारी २ हजार ७०० रुपयांपासून ४ हजारांपर्यंत विकली जात आहे. तर पांढरी ज्वारी २ हजार २०० रुपयांपासून ३ हजार ६०० रुपयांपर्यंत विकली जात आहे. बाजारातील ज्वारीची आवक पुढील काही दिवस मर्यादीतच राहू शकते, असा अंदाज ज्वारीचे व्यापारी व्यक्त करत आहेत..डाळिंब तेजीतचराज्यातील बाजारात डाळिंबाचे भाव तेजीतच आहेत. बाजारातील डाळिंबाची आवक कमीच आहे. त्यातच गुणवत्तापूर्ण डाळिंबाची बाजारात टंचाई भासत आहे. याचा आधार दराला मिळत आहे. डाळिंबाचे भाव यामुळे सुधारले आहेत. सध्या डाळिंब बाजारात ८ हजार ते १२ हजार रुपये प्रतिक्विंटलच्या दरम्यान विकले जात आहे. रमजान महिन्यामुळे डाळिंबाला चांगला उठाव आहे. त्यामुळे डाळिंबाचे भाव पुढील काही दिवस पुन्हा टिकून राहू शकतात, असा अंदाज डाळिंब बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
