Market Bulletin: सोयाबीन दरात सुधारणादेशातील बाजारात मागील काही दिवसांपासून सोयाबीनच्या दरातील सुधारणा कायम आहे. सोयाबीनला बाजारात सध्या सरासरी ४ हजार ८०० ते ५ हजार १०० रुपये दर मिळत आहे. तर प्रक्रिया प्लांट्सचे खरेदीचे भाव ५ हजार २५० ते ५ हजार ३५० रुपयांच्या दरम्यान आहेत. बाजारातील आवकही मर्यादीत आहे. सोयापेंडचा वापर आणि निर्यातही चांगली सुरु आहे. याचा आधार सोयाबीनच्या दराला मिळत आहे. त्यामुळे सोयाबीनचे दर टिकून राहतील, असा अंदाज सोयाबीन बाजारातील अभ्यासकांनी व्यक्त केला आहे. .कापूस स्थिरदेशातील बाजारात कापसाचा भाव स्थिरावला आहे. बहुतांशी बाजारांमध्ये कापसाचा भाव कालच्या पातळीवर होता. बाजारातील कापसाची आवकही कमी झाली आहे. तर सीसीआयची खरेदही मंदावली आहे. सध्या बाजारात कापसाला सरासरी ७ हजार ८०० ते ८ हजार १०० रुपये दर मिळत आहे. तर कमाल दरात काहीसे चढ उतार सुरु झाले आहेत. असे असले तरी सरासरी दरपातळी स्थिर आहे. कापसाची बाजारातील आवक पुढील काळातही कमीच राहण्याची शक्यता आहे. त्यामुळे दरही टिकून राहतील, असा अंदाज कापूस बाजारातील अभ्यासकांनी व्यक्त केला आहे..Jaggery Market: संक्रांतीत वाढला गुळाचा गोडवा.तुरीचे दर कमीचदेशातील बाजारात तुरीचे दर मागील काही महिन्यांपासून कमीच आहेत. मात्र मागील महीनाभरात तुरीचा बाजार किमान पातळीवरून सुधारला आहे. तुरीची बाजारातील आवक सध्या कमीच आहे. तर दुसरीकडे तुरीला मागणी येत आहे. याचा आधार दराला मिळाला. मात्र दरपातळी हमीभावापेक्षा कमीच आहे. तुरीला सध्या बाजारात सरासरी ६ हजार ८०० ते ७ हजार २०० रुपयांच्या दरम्यान आहेत. तुरीची आवक पुढील दोन आठवड्यानंतर वाढण्याची शक्यता आहे. या काळात शेतकऱ्यांना हमीभाव खरेदीचा आधार मिळू शकतो, असा अंदाज तूर बाजारातील अभ्यासकांनी व्यक्त केला आहे..Chicken Price Rise: मांसल कोंबडी बाजारात जोरदार तेजी.पपई दर टिकूनबाजारातील पपईची आवक सरासरीपेक्षा कमीच असल्याचे दिसत आहे. तर दुसरीकडे पपईला चांगली मागणी आहे. यामुळे दर टिकून आहेत. यंदा पपई पिकाला बदलत्या वातावरणाचा फटका बसला. याचा परिणाम उत्पादनावर होत आहे. सध्या केवळ मुंबई, पुणे, अमरावती आणि जळगाव तसेच नाशिक बाजारांमध्ये आवक काहीशी अधिक आहे. मात्र इतर बाजारातील आवक कमीच आहे. सध्या पपई १५०० ते २ हजार रुपयांच्या दरम्यान विकली जात आहे. पपईची आवक पुढील काही दिवस स्थिर राहू शकते, असा अंदाज पपई बाजारातील अभ्यासकांनी व्यक्त केला आहे..दोडक्याला उठावराज्यातील बाजारात दोडक्याची आवक सरासरीपेक्षा सध्या कमी असल्याचे दिसत आहे. तर दुसरीकडे दोडक्याला उठाव चांगला आहे. याचा आधार दोडक्याच्या दराला मिळत आहे. सध्या बाजारात दोडका सरासरी ३ हजार ते ४ हजारांच्या दरम्यान विकला जात आहे. अनेक भागात दोडक्याच्या लागवडी कमी असल्याचे शेतकरी सांगत आहेत. तसेच बदलत्या वातावरणाचा फटका दोडका पिकाला बसत आहे. त्यामुळे पुढील काही आठवडे दोडक्याची बाजारातील आवक कमीच राहू शकते, असा अंदाज दोडका बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
