Market Bulletin: कांदा भाव दबावातचकांद्याचा बाजारभाव ऐन दिवाळीत मागणी असूनही दबावतच आहे. कांद्याला सणामुळे उठाव मिळत आहे, मात्र आवकही चांगली असल्याने कांद्याच्या भावावर दबाव आहे. कांदा बाजारात सध्या प्रतिक्विंटल सरासरी १ हजार २०० ते १ हजार ४०० रुपयांच्या दरम्यान विकला जात आहे. गुणवत्तापूर्ण मालाचा भाव १५०० ते १७०० रुपयांच्याही दरम्यान आहेत. मात्र, असा माल बाजारात कमी आहे. तर किमान भाव अगदी ३०० ते ४०० रुपयांपासून सुरु होत आहे. कांद्याचा भाव दबावात असल्याने शेतकरी मात्र संकटात आहेत. कांदा बाजारातील आवक पुढील काही आठवडे चांगली राहू शकते, असा अंदाज कांदा बाजारातील अभ्यासकांनी व्यक्त केला. .झेंडूला उठावदिवाळीमध्ये झेंडूच्या फुलांंना विशेष मागणी असते. बहुतांशवेळा दरही चांगला मिळत असतो. त्यामुळे शेतकरीही दिवळीला माल येईल, असे लागवडीचे नियोजन करतात. सध्या बाजारात दिवाळीच्या तोंडावर झेंडूची आवक होत आहे. तर सध्या बाजारात झेंडूला सरासरी प्रतिक्विंटल ३ हजार ते ४ हजार रुपयांचा दर मिळत आहे. यंदा पावसाने सप्टेंबर महिन्यात झेंडूच्या पिकालाही चांगला दणका दिला होता. तरीही दसऱ्याला झेंडूच्या फुलांना अपेक्षित दर मिळाला नाही. दिवळीतही सध्यातरी दर मनासारखा नसल्याचे शेतकरी सांगत आहेत..Soybean Procurement : हमीभावात सोयाबीन खरेदीचा मुहूर्त दिवाळीनंतरच.कापूस आवक सुधारलीदेशातील बाजारात मागील दोन आठवड्यांपासून कापसाची आवक सुधारली आहे. कापसाची आवक वाढल्याचा दबाव दरावर दिसत आहे. तर दुसरीकडे कापसातील ओलावाही अधिक आहे. त्यामुळे दर कमी मिळत आहे. सध्या कापूस ६ हजार ५०० ते ७ हजाराने विकला जात आहे. तर कापसाची हमीभाव ८ हजार ८१० रुपये आहे. पुढील आठवडाभर दिवाळीमुळे बाजारातील आवक काहीशी कमी राहण्याची शक्यता. मात्र त्यानंतर बाजारातील आवक वाढेल. दुसरीकडे कापसाची आयातही चांगली सुरु आहे. डिसेंबरपर्यंत आयातीवर शुल्क नाही. याचाही दबाव बाजारावर राहील..Sugar Market : दिवाळीमुळे देशाअंतर्गत साखर बाजारातील तेजी स्थिर.मका भाव घसरलेदेशातील बाजारात सध्या मक्याचा भाव दबावातच आहे. देशात यंदा मक्याची लागवड वाढली होती. तसेच उत्पादनही अधिक होण्याचा अंदाज आहे. मागील हंगामातही देशात विक्रमी मका उत्पादन झाले होते. मागील हंगामातील मक्याचा स्टाॅक आहे. त्यातच यंदाच्या हंगामातील माल बाजारात येत आहे. सध्या मालात सरासरी २० टक्क्यांपर्यंत ओलावा येत आहे. तर दरपातळी सरासरी १४०० ते १६०० रुपयांच्या दरम्यान आहे. जुना सुकलेला मका २००० ते २१०० रुपयाने विकला जात आहे. पुढील काळातही मक्याची बाजारातील आवक चांगली राहण्याची शक्यता आहे. त्यामुळे मक्याचे भाव पुढील काही आठवडे दबावातच राहू शकतात, असा अंदाज मका बाजारातील अभ्यासकांनी व्यक्त केला..गव्हाचे दर टिकूनदिवळीच्या सणामुळे गव्हाला काहीसा उठाव वाढला. त्यामुळे गव्हाच्या दरातही सुधारणा दिसून आली. गव्हाचे दर देशातील बाजारात बाजारात गुणवत्ता आणि वाणानुसार सरासरी २ हजार ६०० ते २ हजार ९०० रुपयांच्या दरम्यान आहेत. मागील हंगामात देशातील उत्पादन वाढले होते. तसेच सरकारची खरेदीही चांगली झाली. सरकारने स्टाॅक लिमिटही लावले आहे. याचा दबाव बाजारावर आहे. त्यामुळे सणासुदीतही गव्हाच्या दरात अपेक्षित वाढ झाली नाही, असे अभ्यासकांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
