Market Bulletin: वांगी आवक स्थिरराज्यातील बाजारात वांगीची आवक स्थिर आहे. पावसामुळे बहुतांशी भागात वांगी पिकाचे नुकसान झाले. याचा परिणाम बाजारातील आवकेवर होता आहे. मात्र दुसरीकडे वांगीला मागणी टिकून आहे. याचा आधार दराला मिळत आहे. वांगी दर मागील दोन आठवड्यांपासून ३ हजार ते ३ हजार ५०० रुपयांच्या दरम्यान आहेत. बाजारातील वांगी आवक पुढील काही आठवडे कमीच राहण्याची शक्यता आहे. याचा आधार वांगी दराला मिळेल. वांगी दर पुढील काही आठवडे कायम राहू शकतात, असा अंदाज व्यापारी व्यक्त करत आहेत..शेवग्याला मागणी कायमराज्यात शेवग्याला मागणी टिकून आहे. बाजारातील आवक मात्र कमी आहे. याचा आधार शेवगा दराला मिळत आहे. जोरदार पावसाने शेवगा बागांना तडाखा बसला. पुराच्या पाण्यात अनेक ठिकाणी पीकच मोडून पडले. तसेच फुलोरा आणि शेंगांचे नुकसान झाले. यामुळे बाजारात आणायला मालच नाही, असे शेतकरी सांगत आहेत. अशा परिस्थितीमुळे बाजारात शेवग्याच्या दरात सुधारणा दिसून आली. शेवगा आजही बाजारात ६ हजार ७ हजाराने विकला जात आहे. पुढील काही आठवडे पीक कमीच राहील. त्यामुळे शेवग्याचे दर टिकून राहू शकतात, असा अंदाज शेवगा बाजारातील जाणकारांनी व्यक्त केला..Agrowon Podcast: टोमॅटो दरात काहीशी सुधारणा; सोयाबीन दर स्थिरावले, आले दरात सुधारणा, कांदा दर दबावातच तर मेथीचे दर वाढले.ज्वारीचे दर कमीचयंदा ज्वारीला बाजारात दर कमीच मिळत आहे. ज्वारीला मागील ३ वर्षांमध्ये चांगली मागणी येत आहे. तर दुसरीकडे ज्वारीचे उत्पादनही चांगले झाले. मागील वर्षीत खरिप आणि रब्बी हंगामातील उत्पादन वाढल्याचे सरकारचे म्हणणे आहे. याचा दबाव दरावर येत आहे. सध्या बाजारात ज्वारी २ हजार ६०० ते ३ हजार रुपयाने विकली जात आहे. ज्वारीचा हा भाव गुणवत्ता आणि वाणानुसार मिळत आहे. ज्वारीला आजही मागणी आहे. मात्र दराला आधार मिळताना दिसत आहे. पण खरिपातील पिकाचे पावसाने नुकसान होत आहे. त्यामुळे याचा आधार पुढील काळात ज्वारीला काहीसा मिळण्याची शक्यता आहे, असे ज्वारी बाजारातील अभ्यासकांनी सांगितले. .GST Consumer Complaint: जीएसटी कपातीनंतर तीन हजार तक्रारी दाखल.कांद्याचे भाव दबावातच कांद्याचे भाव ऑक्टोबर महिना उजाडला तरी दबावातच आहेत. कांद्याचे भाव वाढतील या आशेने शेतकरी कांदा ठेवण्याचा प्रयत्न करत आहेत. मात्र अनेक बागात गुणवत्ता कमी आल्याने कांदा खराब होत असल्याने विक्री करावी लागत आहे, असे शेतकरी सांगत आहेत. बाजारातील कांदा आवक चांगली आहे. मागणीच्या तुलनेत पुरवठा चांगला दिसत आहे. पण बाजारात गुणवत्तापूर्ण मालाची आवक कमीच आहे. सध्या बाजारात कांदा १ हजार १३०० रुपयाने विकला जात आहे. गुणवत्तापूर्ण मालाचे भाव जास्त आहेत. कांदा बाजारातील ही स्थिती आणखी काही आठवडे दिसू शकते, असा अंदाज कांदा बाजारातील अभ्यासकांनी व्यक्त केला. .बाजरीचे दर टिकूनबाजराची बाजारातील आवक मागील काही आठवड्यांपासून कमी दिसत आहे. मात्र गेल्या खरिप आणि रब्बीत उत्पादन चांगले होते. परिणामी बाजरीचा पुरवठा देखील चांगला आहे. याचा दबाव दरवार दिसून येत आहे. बाजारीला सरासरी २ हजार ५०० ते ३ हजार रुपयांच्या दरम्यान गुणवत्ता आणि वाणानुसार दर मिळत आहे. खरिपातही बाजरीची लागवड चांगली आहे. मात्र पिकाला पावसाचा फटका काही भागात बसला. पुढील काही आठवड्यांमध्ये नवी बाजरी बाजारात येईल. त्यामुळे दरावरील दबाव आणखी काही आठवडे कायम राहू शकतो, असा अंदाज अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
