Market Bulletin: सोयाबीनमध्ये सुधारणादेशात प्रक्रिया प्लांट्सचे सोयाबीन खरेदीचे भाव ५ हजारांच्या दरम्यान पोचले आहेत. महाराष्ट्र, मध्य प्रदेश आणि राजस्थान या महत्वाच्या सोयाबीन उत्पादक राज्यांमध्ये सोयाबीनचे खरेदीचे भाव ४ हजार ९५० ते ५ हजार ५० रुपयांच्या दरम्यान आहेत. तर बाजारांमध्ये सोयाबीनला सरासरी ४ हजार ३०० ते ४ हजार ६०० रुपयांच्या दरम्यान भाव मिळत आहे. दुसरीकडे हमीभावाने सोयाबीनची खरेदीही वाढत आहे. याचा आधार सोयाबीनला मिळत आहे. सोयाबीनच्या भावातील सुधारणा आणखी काही दिवस टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला..कापूस दराला आधारदेशातील बाजारात सध्या कापसाची आवक चांगली सुरु आहे. रोज सरासरी २ लाख गाठींची आवक होत आहे. तर सीसीआयची खरेदीही वाढत आहे. सीसीआयने आतापर्यंत जवळपास ५० लाख गाठी कापूस खरेदी केला. याचा आधार कापूस दराला आहे. कापसाचे दर सध्या बाजारात सरासरी ७ हजार ३०० ते ७ हजार ७०० रुपयांच्या दरम्यान आहेत. कापूस आयातीवर ३१ डिसेंबरनंतर ११ टक्के शुल्क लागू होणार आहे. याचा आधार कापूस दराला मिळेल. तसेच कापसाची आवकही जानेवारीत कमी होईल, असा अंदाज कापूस बाजारातील अभ्यासकांनी व्यक्त केला..Pomegranate Export: डाळिंब निर्यातीला प्रोत्साहन देणार : पणनमंत्री रावल .बाजरीचे दर टिकूनराज्यातील बाजारात बाजरीचे दर टिकून आहेत. बाजरीला वेगवेगळ्या बाजारांमध्ये सध्या गुणवत्तेनुसार सरासरी २५०० ते ४ हजारांच्या दरम्यान भाव मिळत आहे. सध्या पुणे आणि मुंबई बाजारातच बाजारीची आवक जास्त दिसत आहे. इतर बाजारांमधील आवक कमीच आहे. पुणे बाजारात बाजरी सरासरी ३६०० ते ३८०० रुपयाने विकली जात आहे. तर मुंबई बाजारात ४ हजार ते ४५०० रुपयांचा दर मिळत आहे. इतर बाजारांमध्ये बाजरीची आवक कमी असून २५०० ते ३ हजार ४०० रुपयांच्या दरम्यान दर मिळत आहे. पुढील काही दिवस बाजारातील बाजारीची आवक स्थिर राहू शकते, असा अंदाज जाणकारांनी व्यक्त केला आहे..Bangladesh Rice Procurement: बांगलादेश भारतातून ५० हजार टन तांदूळ खरेदी करणार.पपईला मागणीराज्यातील बाजारात सध्या पपईची आवक कमी आहे. तर दुसरीकडे पपईला उठाव चांगला आहे. त्यामुळे पपईचे दरही टिकून आहेत. सध्या पुणे, मुंबई, नाशिक आणि छत्रपती संभाजीनगर येथील बाजारात पपईची आवक १०० क्विंटलपेक्षा अधिक दिसत आहे. तर इतर बाजारांमधील आवक कमीच आहे. त्यामुळे पपईचे दरही टिकून आहेत. सध्या पपई प्रतिक्विंटल सरासरी १७०० ते २५०० रुपयांच्या दरम्यान विकली जात आहे. इतर बाजारांमध्ये पपईची आवक कमी असून दरही काहीसे अधिक दिसत आहेत. बाजारातील पपईची आवक पुढील काही दिवस कमीच राहण्याची शक्यता आहे, असा अंदाज व्यापारी आणि जाणकार पपई उत्पादक शेतकरी व्यक्त करत आहेत..कांदा दर टिकूनराज्यातील बाजारात लाल कांद्याची आवक वाढल्यानंतर दरात काहीशी नरमाई आली होती. मात्र पुन्हा दरात काहीसे चढ उतार दिसत आहेत. सध्या नाशिक जिल्ह्यातील बाजारांमध्ये कांदा १५०० ते १९०० रुपयांच्या दरम्यान विकला जात आहे. तर सोलापूर बाजारात कांद्याची आवक जास्त असून दरपातळी एक हजार ते १२०० रुपयांच्या दरम्यान आहे. मागील आठवड्याच्या तुलनेत बहुतांशी बाजारांमध्ये कांद्याची आवक वाढली आहे. याचा परिणाम दरावर दिसत आहे. राज्यातील सरासरी दरपातळी १३०० ते १६०० रुपयांच्या दरम्यान आहे. कांदा बाजारात काहीसे चढ उतार दिसू शकतात, असा अंदाज कांदा बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
