Market Bulletin: सोयाबीन स्थिरावलेराज्यातील बाजारात मागील काही दिवसांपासून सोयाबीनचे दर स्थिरावले आहेत. प्रक्रिया प्लांट्सचे खरेदीचे भाव ४ हजार ७०० ते ४ हजार ६५० रुपयांच्या दरम्यान होते. दुसरीकडे बाजारातील सोयाबीनची आवक सरासरीपेक्षा कमीच आहे. सरकारची हमीभावाने खरेदीही सुरु आहे. आतापर्यंत जवळपास दीड लाख टन सोयाबीनची खरेदी खरेदी झाली आहे. हमीभावाने खरेदीचा वेग कमी आहे. बाजार समित्यांमध्ये सध्या सरासरी ४ हजार १०० ते ४ हजार ४०० रुपयाने सोयाबीन विकले जात आहे. सोयाबीनच्या भावातील चढ उतार पुढील काही दिवस कायम राहतील, असा अंदाज सोयाबीन बाजारातील अभ्यासकांनी व्यक्त केला आहे. .कांदा दरात सुधारणादेशातील बाजारात सध्या कांद्याची आवक कमी झाली आहे. चाळीतील उन्हाळ कांदा खराब झाला आहे. तसेच या कांद्याची बाजारातील आवक कमी आहे. दुसरीकडे खरिपातील कांदा यंदा पावसाने उशीरा येत आहे. लागवडीला उशीर झाल्यामुळे काढणीलाही उशीर होत आहे. यामुळे सध्या बाजारात कांद्याची आवक कमीच आहे. त्यामुळे कांद्याच्या दरात सुधारणा पाहयला मिळाली. सध्या कांदा सरासरी १७०० ते २१०० रुपयांच्या दरम्यान अनेक बाजारांमध्ये विकला जात आहे. निर्यातीसाठीही कांद्याला चांगली मागणी आहे. त्यामुळे कांद्याचे दर पुढील आठवडाभर टिकून राहू शकतात, असा अंदाज कांदा बाजारातील अभ्यासकांनी व्यक्त केला..Sugarcane Production: गेल्या पाच वर्षांत देशात ऊस उत्पादनात वाढ.हिरवी मिरची टिकूनराज्यातील बाजारात सध्या हिरव्या मिरचीचे दर टिकून आहेत. हिरव्या मिरचीची बाजारातील आवक मर्यादीत आहे. तर दुसरीकडे हिरव्या मिरचीला उठाव चांगला आहे. याचा आधार दराला मिळत आहे. राज्यातील मोठ्या बाजार समित्या वगळता इतर बाजार समित्यांमधील आवक कमीच आहे. सध्या हरवी मिरची ३ हजार ते ३ हजार ५०० रुपये प्रतिक्विंटलने विकली जात आहे. राज्यातील बाजारात आणखी काही दिवस हिरव्या मिरचीची आवक मर्यादीतच राहण्याची शक्यता आहे. त्यामुळे मिरचीचे दरही टिकून राहू शकतात, असा अंदाज भाजीपाला बाजारातील जाणकारांनी व्यक्त केला आहे..Agrowon Podcast: डाळिंबाचे दर टिकून; सोयाबीन दरात काहीशी सुधारणा, कापसाचे दर स्थिर, तुरीचे भाव दबावातच तर पेरुची आवक कमीच.वांगी आवक स्थिरराज्यातील बाजारात सध्या वांगी आवक मर्यादीत आहे. तर दुसरीकडे वांग्याला चांगली मागणी आहे. वांगी आवक आणि मागणीतील तफावत यामुळे दराला आधार आहे. सध्या वांग्याला प्रतिक्विंटल सरासरी ३ हजार ते ३ हजार ५०० रुपयांचा दर मिळत आहे. वांग्याची बाजारातील आवक पुढील काही दिवस मर्यादीत राहण्याची शक्यता आहे. तर सध्या लग्नसराई आणि समारंभामुळे वांग्याला पुढील काळातही मागणी राहणार आहे. त्यामुळे वांग्याचे दर टिकून राहू शकतात, असा अंदाज भाजीपाला बाजारातील अभ्यासकांनी व्यक्त केला..मुगाचा भाव दबावातचराज्यातील बाजारात मुगाचा भाव दबावातच आहे. मुगाची बाजारातील आवक कमी आहे. तरीही पुढे उठाव मर्यादीत असल्याचे उद्योगांकडून सांगितले जात आहे. मुगाचा बाजारभाव हमीभावापेक्षा २० ते २५ टक्क्यांनी कमी आहे. सध्या मुगाला बाजारात ६ हजार ५०० ते ७ हजारांचा भाव मिळत आहे. पुढील काळातही मुगाची बाजारातील आवक कमीच राहण्याची शक्यता आहे. मात्र आयातीचा दरावर दबाव राहील, असा अंदाज मूग बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
