Market Bulletin: सोयाबीन आवक सुधारलीराज्यातील बाजारात सोयाबीनची आवक सुधारली आहे. सरकारची हमीभावाने सोयाबीनची खरेदी सुरु नसल्याने खुल्या बाजारात सोयाबीनची विक्री वाढत आहे. रब्बीच्या पेरणीसाठी शेतकऱ्यांना पैशांची गरज आहे. हे शेतकरी शासनाच्या हमीभाव खरेदीची वाट पाहू शकत नाही. सध्या बाजारात सोयाबीन ३ हजार ७०० ते ४ हजार ३०० रुपयांच्या दरम्यान विकली जात आहे. ओलावा अधिक असलेला माल ३५०० रुपयांपासून विकला जात आहे. तर गुणवत्तेच्या सोयाबीनला ४ हजार ४०० रुपयांचाही दर काही बाजारांमध्ये मिळाला. सरकारच्या हमीभावाने खरेदीच्या घोषणेचा आधार बाजाराला मिळाला. पण अजूनही भाव हमीभावापेक्षा ८०० ते १ हजाराने कमीच आहेत. शेतकऱ्यांनी सरकारलाच हमीभावाने सोयाबीन विकावे, असे आवाहन अभ्यासकांनी केले आहे. .कांदा दरात सुधारणाराज्यातील बाजारात मागील काही दिवसांपासून कांद्याच्या दरात सुधारणा दिसून आली. राज्यातील बहुतांशी बाजारांमध्ये सुधारणा दिसून आली. खरिपातील कांद्याचे झालेले नुकसान, रब्बीच्या रोपांचे होत असलेले नुकसान आणि बाजारातील मंदावलेली आवक यामुळे कांद्याच्या दरात सुधारणा दिसून आली आहे. सध्या बाजारात कांदा सरासरी १४०० ते १८०० रुपयांच्या दरम्यान विकला जात आहे. गुणवत्तेच्या कांद्याचा कमाल भाव २ हजारांपर्यंत पोचला. मात्र या भावात विकल्या गेलेल्या कांद्याचे प्रमाण कमी आहे. दुसरीकडे बाजारात येणाऱ्या कमी गुणवत्तेच्या कांद्याला अगदी ५०० रुपयांपासून दर मिळत आहे. कांद्याच्या दरातील सुधारणा टिकून राहू शकते, असा अंदाज अभ्यासकांनी व्यक्त केला. .Turmeric Price: हिंगोलीत हळद दरात चढउतार; प्रति क्विंटल सरासरी १२५०० रुपये दर.कारली दरात चढ उतारकारल्याच्या भावात मागील आठवडाभरापासून चढ उतार सुरु आहेत. बाजारातील कारल्याची आवक अजूनही मोठ्या प्रमामात वाढलेली नाही. मात्र तरीही अनेक बाजारांमध्ये दरात नरमाई दिसून आलेली आहे. अनेक भागात पाऊस उघडल्यानंतर कारल्याची काढणी व्यवस्थित होत आहे. त्यामुळे आवक सुधारण्याची शक्यता आहे. याचा परिणाम दरावर होत असल्याचे व्यापारी सांगत आहेत. सध्या कारले प्रतिक्विंटल सरासरी २ हजार ५०० ते २ हजार ८०० रुपयांच्या दरम्यान विकले जात आहे. पुढील काळात बाजारातील कारल्याची आवक कहीशी वाढण्याची शक्यता आहे. त्यामुळे दरात चढ उतार कायम राहू शकतात, असा अंदाज व्यापारी आणि जाणकार शेतकरी व्यक्त करत आहेत. .Summer Onion Price: हंगामाच्या अंतिम टप्प्यात उन्हाळ कांद्याला दराचा टेकू .मेथीचे दर तेजीतच राज्यातील बाजारात मेथीच्या भाजीची आवक कमीच आहे. तर दुसरीकडे मेथीच्या भाजीला चांगला उठाव आहे. त्यामुळे दरात सुधारणा दिसून आली. मेथीची भाजी बाजारात सध्या प्रतिक्विंटल सरासरी ४ हजार ते ५ हजारांच्या दरम्यान विकली जात आहे. तर प्रतिशेकडा १४०० रुपयांपासून ते २ हजारांपर्यंत मेथीच्या भाजीला दर मिळत आहे. मेथीच्या भाजीचे प्लाॅट्स पावसामुळे मोठ्या प्रमाणात नुकसानग्रस्त झाले. त्यामुळे बाजारातील आवक मर्यादीत आहे. मेथीच्या भाजीची आवक पुढील काही दिवस कमीच राहण्याची शक्यता आहे, याचा आधार दराला मिळू शकतो..सिताफळाचे दर टिकूनराज्यातील बाजारत सिताफळाची आवक कमीच आहे. पावसाचा सिताफळाला जोरदार दणका बसला. सिताफळांची गुणवत्ताही मोठ्या प्रमाणात कमी झाली. त्यामुळे बाजारात गुणवत्तापूर्ण मालाची आवक कमीच आहे. पण दुसरीकडे सिताफळाला उठाव मिळत आहे. सध्या सिताफळाला पुणे, मुंबई, नागूपर, नाशिक अशा बाजारात ४ हजार ते ७ हजारांच्या दरम्यान सरासरी भाव मिळत आहे. तर गुणवत्तापूर्ण मालाचा कमाल भाव ८ हजार ते ९ हजारांच्या दम्यान आहे. गुणवत्ता कमी असलेला माल बाजारात अगदी १ हजारांपासून दर मिळत आहे. सिताफळाचा भाव पुढील काळातही टिकून राहू शकतो, असा अंदाज फळबाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
