Market Bulletin: सोयाबीनचे दर स्थिरदेशातील बाजारात सोयाबीनची आवक टिकून आहे. मात्र, आजही आवक सरासरीपेक्षा कमीच आहे. असे असले तरी पुढे सोयापेंडला मर्यादीत उठाव असल्याने दर दबावातच आहेत. सोयाबीनचे प्रक्रिया प्लांट्सचे खरेदीचे भाव प्रतिक्विंटल सरासरी ४ हजार ७०० ते ४ हजार ८०० रुपयांच्या दरम्यान आहेत. तर बाजार समितीत ४ हजार ते ४ हजार ३०० रुपये दर मिळत आहे. हमीभावाने सोयाबीनची खरेदीही वेग घेत आहे. सोयाबीनचे दर आणखी काही दिवस या पातळीच्या दरम्यान राहू शकतात, असा अंदाज सोयाबीन बाजरातील अभ्यासकांनी व्यक्त केला. .कापूस आवक वाढलीदेशातील बाजारात कापसाची आवक वाढली आहे. मात्र गुणवत्तेचा कापूस जास्तीत जास्त सीसीआयकडे जात आहे. त्यामुळे गुणवत्तेच्या कापसाचा भाव अधिक दिसत आहे. गुणवत्तेचा कापूस सरासरी ७ हजार ६०० ते ७ हजार ८०० रुपयाने काही बाजारात विकला जात आहे. सरासरी भाव ७ हजार ते ७ हजार ३०० रुपये आहे. सध्या सीसीआयची खरेदीही जोमात सुरु आहे. रोज एक लाख गाठींच्या दरम्यान कापूस सीसीआय घेत आहे. कापूस बाजारातील स्थिती पुढील महिनाभर कायम दिसू शकते, असा अंदाज कापूस बाजारातील अभ्यासकांनी व्यक्त केला. .Farmer Support: दीड कोटी शेतकऱ्यांना मिळाले २१३१ कोटी.कांदा दरात चढ उतारदेशातील बाजारात कांदा दरात काहीसे चढ उतार सुरु आहेत. बाजारात खरिपातील कांद्याची आवकही होत आहे. तर रब्बी कांद्याची आवकही चांगली आहे. याचा परिणाम दरावर दिसत आहे. सध्या कांदा सरासरी ११०० ते १४०० रुपयाने विकला जात आहे. तर कमाल भाव १५०० ते १८०० रुपये आहे. कांदा निर्यातही मंदावल्याचे निर्यातदार सांगत आहेत. या सर्व घडामोडींचा परिणाम दरावर दिसून येत आहे. कांद्याचे दर पुढील काही दिवस या पातळीच्या दरम्यान दिसू शकतात, असा अंदाज कांदा बाजारातील अभ्यासकांनी व्यक्त केला..Maize Market: चांदूर बाजारात मका आवक पोहोचली ५००० क्विंटलवर.आल्याचे दर टिकूनराज्यातील बाजारात आल्याचे दर टिकून आहेत. बाजारातील आल्याची आवक सरासरीपेक्षा कमीच असल्याच व्यापारी सांगत आहेत. तर दुसरीकडे आल्याला उठाव चांगला आहे. यामुळे दरही टिकून आहेत. सध्या आल्याला प्रतिक्विंटल सरासरी ३ हजार ते ३ हजार ५०० रुपयांच्या दरम्यान दर मिळत आहेत. आल्याची बाजारातील आवक आणखी काही दिवस कमीच राहू शकते, असा अंदाज व्यापारी व्यक्त करत आहेत. पावसाचा यंदा आले पिकालाही फटका बसला. त्यामुळे दरपातळी आणखी काही दिवस कायम राहू शकते, असा अंदाज आले बाजारातील अभ्यासकांनी व्यक्त केला..हिरव्या मिरचीला उठावराज्यातील बाजारात हिरव्या मिरचीची आवक अद्यापही वाढलेली नाही. आवक सरासरीपेक्षा कमीच असल्याचे व्यापारी सांगत आहेत. हिरव्या मिरचीला इतर भाजीपाला दराचाही आधार मिळताना दिसत आहे. सध्या हिरवी मिरची सरासरी ३ हजार ते ३ हजार ५०० रुपयांच्या दरम्यान विकली जात आहे. हिरव्या मिरचीची आवक आणखी काही दिवस कमीच राहून दरही टिकून राहू शकतात, असा अंदाज भाजीपाला बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
