Market Bulletin: सोयाबीनचे दर स्थिरदेशातील बाजारात सोयाबीनचे भाव मागील आठवडाभरात काहीसे स्थिर होते. प्रक्रिया प्लांट्सचे खरेदीचे भाव ४५०० ते ४६०० रुपयांच्या दरम्यान आहेत. तर बाजार समित्यांधील भाव ३५०० ते ४ हजार २०० रुपयांच्या दरम्यान आहेत. ओलावा जास्त असलेल्या मालाचे भाव कमी आहेत. बाजारातील सोयाबीनची आवक चांगली सुरु आहे. ओलावा कमी असल्याच्या नावाखाली भाव पाडून माल खरेदी केला जात असल्याचे शेतकरी सांगत आहेत. राज्यात सोयाबीनची हमीभावाने खरेदी पुढील काही दिवसांमध्ये सुरु होण्याची शक्यता आहे. त्यामुळे शेतकऱ्यांनी हमीभावानेच सोयाबीनची विक्री करावी, असे आवाहन सोयाबीन बाजारातील अभ्यासकांनी केले आहे. .कापूस दबावातचपावसाने पुन्हा कापसाचे नुकसान होत आहे. मराठवाडा आणि विदर्भातील काही भागात मागील ४ दिवसांपासून पाऊस पडत आहे. वेचणीला आलेल्या कापसाचे या पावसामुळे मोठे नुकसान होत आहे. कापसाचा दर्जाही कमी होत आहे. यामुळे शेतकऱ्यांचे नुकसान होत आहे. तर दुसरीकडे बाजारात कापसाचा भाव प्रतिक्विंटल सरासरी ६ हजार ५०० ते ७ हजार रुपयांच्या दरम्यान आहेत. कापसाची बाजारातील आवक हळूहळू वाढत आहे. पावसामुळे आवक कमीच होती. हमीभावाने कापसाची खरेदी सुरु झाली. मात्र ओलावा अधिक असल्याने खरेदी नगण्य होत आहे. याचाही दबाव दरावर येत आहे. .Soybean MSP Procurement: पाॅसवर नोंदणी केलेल्या शेतकऱ्यांच्या मालाची खरेदी होणार.कांदा दर कमीचराज्यातील बाजारात कांद्याचे दर कमीच आहेत. बाजारातील कांद्याची सरासरीपेक्षा अधिक आहे. त्यामुळे दरपातळी १२०० ते १४०० रुपयांच्या दरम्यान आहे. मागील आठवड्याच्या तुलनेत काही बाजारांमध्ये कांदा भाव काहीसे अधिक दिसत आहेत. तरीही भावपातळी कमीच आहे. खरिपातील कांद्याचे अनेक भागात नुकसान झाले. त्यामुळे उत्पादन कमी येण्याची शक्यता व्यक्त केली जात आहे. तरीही कांद्याचा स्टाॅक चांगला असल्याने दरावर दबाव असल्याचे अभ्यासकांचे मत आहे. कांदा बाजारात पुढील काही दिवस चढ उतार राहू शकतात, असा अंदाज कांदा बाजारातील अभ्यासकांनी व्यक्त केला आहे. .Registration of Farmers: हमीभावाने कापूस विक्रीसाठी पाच लाख शेतकऱ्यांची नोंदणी.गवारचे दर तेजीतच राज्यातील बाजारात मागील दोन महिन्यांपासून गवारची आवक कमीच आहे. त्यामुळे दर तेजीतच आहेत. गवारला मागणी आहे. मात्र पावसामुळे गवारच्या पिकालाही फटका बसला. अनेक भागात नव्याने लागवडी झाल्या. पण काढणीयोग्य प्लाॅट कमी असल्याचे शेतकरी सांगत आहेत. बाजारातील कमी आवक आणि चांगली मागणी यामुळे दर तेजीत आहेत. सध्या गवार प्रतिक्विंटल सरासरी ५ हजार ते ६ हजार रुपये प्रतिक्विंटलच्या दरम्यान आहे. गवारचे दर आणखी काही दिवस तेजीतच राहू शकतात, असा अंदाज व्यापारी व्यक्त करत आहेत..बाजरी नरमलीराज्यातील बाजारात खरिपातील बाजरीची आवक सुरु झाली. देशातील बाजारांमध्येही आवक वाढली आहे. बाजारीची आवक वाढल्याने दरावरही परिणाम दिसून येत आहे. बाजारीचे दर अनेक बाजारांमध्ये क्विंटलमागे १०० ते २०० रुपयाने नरमल्याचे दिसत आहे. सध्या बाजारात बाजरीला वाण आणि गुणवत्तेप्रमाणे सरासरी २२०० ते २७०० रुपयांच्या दरम्यान दर मिळत आहे. बाजारीचे दर कमी असल्याने शेतकरी मात्र अडचणीत आले आहेत. पुढील काही आठवड्यांमध्ये बाजारातील बाजरीची आवक चांगली राहण्याची शक्यता आहे. त्यामुळे दरावर दबाव राहू शकतो, असा अंदाज अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
