Market Bulletin: सोयाबीन दर टिकूनदेशातील बाजारात सोयाबीनच्या दरात सुधारणा कायम आहे. दर सुधारत असल्याने बाजारतील सोयाबीनची आवक कमी झाली आहे. आज देशातील प्रक्रिया प्लांट्सचे भाव ५ हजार २०० ते ५ हजार ३०० रुपयांच्या दरम्यान होते. तसेच बाजारात सोयाबीनचे भाव ४८०० ते ५ हजारांच्या दरम्यान पोचले आहेत. बाजारातील दर सुधाल्यामुळे हमीभावाने सोयाबीनची खरेदी कमी झाली आहे. पुढील काळात सोयाबीनची आवक मर्यादीतच राहण्याचा अंदाज आहे, अशी शक्यता सोयाबीन बाजारातील अभ्यासकांनी व्यक्त केली आहे. .कापूस दर टिकूनदेशातील बाजारात कापसाचे भाव सुधारत आहेत. आज अकोट बाजारात देशातील सर्वाधिक ८५०० रुपयांचा दर मिळाला. दर सुधारत असल्याने शेतकऱ्यांनी विक्री कमी केल्याचे दिसत आहे. खुल्या बाजारात सध्या कापूस ७ हजार ८०० ते ८ हजार १०० रुपयांच्या दरम्यान सरासरी दर मिळत आहेत. खुल्या बाजारात दर वाढल्याने सीसीआयची खरेदीही कमी झाली आह. देशातील उत्पादन यंदा कमी झाले आहे. त्यातच गुणवत्तापूर्ण मालाची सध्या कमतरता आहे. यामुळे दराला चांगला आधार आहे. कापसाचे दर टिकून राहू शकतात, असा अंदाज कापूस बाजारातील अभ्यासकांनी व्यक्त केला आहे..Bedana Price: बेदाण्यात किलोमागे १५ ते २० रुपयांची वाढ.मक्याचे दर स्थिरदेशातील बाजारात मक्याचे भाव मागील काही महिन्यांपासून स्थिर आहेत. मक्याचे उत्पादन यंदा वाढले आहे. दर दुसरीकडे मक्याचा उठाव मर्यादीत आहे. गेल्या ३ वर्षात मक्याची मागणी इथेनाॅलसाठी चांगली होती. त्यामुळे मक्याला उठाव होता. मात्र यंदा सरकारने तांदूळ आणि मोलॅसिसपासून इथेनाॅल निर्मितीला मंजुरी दिली आहे. त्यामुळे इथेनाॅलसाठी मक्याला मागणी मर्यादीत आहे. यामुळे दर १ हजार ७०० ते २ हजारांच्या दरम्यान आहेत. मक्याचे दर पुढील काही दिवस टिकून राहू शकतात, असा अंदाज मका बाजारातील अभ्यासकांनी व्यक्त केला आहे..India EU FTA: भारत-युरोपियन महासंघात मुक्त व्यापार करारावर चर्चा.आल्याला उठावराज्यातील बाजारात आल्याला चांगला उठाव आहे. त्यामुळे दरही स्थिर आहेत. यंदा आल्याच्या उत्पादनावर परिणाम झाल्याचे शेतकरी सांगत आहेत. अतिवृष्टी आणि बदलत्या वातावरणाचा आल्याच्या उत्पादनावर परिणाम झाला आहे. परिणामी बाजारातील आवक सरासरीपेक्षा कमी आहे. सध्या आले ३५०० ते ४ हजारांच्या दरम्यान विकले जात आहे. आल्याची बाजारातील आवक पुढील काही दिवस मर्यादीत राहू शकते. त्यामुळे दरही टिकून राहू शकतात, असा अंदाज अभ्यासकांनी व्यक्त केला आहे..कांदा नरमलादेशातील बाजारात कांद्याच्या दरात चढ उतार सुरुच आहेत. मागील आठवडाभरापासून कांद्याच्या दरात पुन्हा नरमाई पाहायला मिळाली. देशातील महत्वाच्या कांदा बाजारात खरिपातील कांद्याची आवक वाढली आहे. आवक वाढत आसल्याने दरावरही परिणाम दिसत आहे. कांद्याचा भाव कमी होऊन १२०० ते १५०० रुपयांच्या दरम्यान आहे. बाजारातील कांदा आवक पुन्हा वाढण्याची शक्यता आहे. बाजारातील आवक वाढल्याने दरावरही दबाव वाढेल, असा अंदाज कांदा बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
