Market Bulletin: कापसाचा भाव दबावातचदेशातील बाजारात कापसाचा भाव दबावातच आहे. कापसाची बाजारातील आवक वाढली आहे. दुसरीकडे हमीभावानेही कापसाची खरेदी सुरु झाली आहे. मात्र खुल्या बाजारात दर कमीच आहेत. त्यातच सध्या कापसात ओलावा अधिक असल्याने खुल्या बाजारावरील दबाव वाढला आहे. सध्या कापूस ६ हजार ५०० ते ७ हजार २०० रुपयांच्या दरम्यान विकला जात आहे. कापसाची आयातही सुरु आहे. या सर्व घडामोडींचा कापसाच्या भावावर दबाव राहण्याची शक्यता आहे. त्यामुळे कापसाचे भाव काही दिवस या पातळीच्या दरम्यान राहू शकतात, असा अंदाज कापूस बाजारातील अभ्यासकांनी व्यक्त केला. .कांदा भाव कमीचऑक्टोबर महिन्यात कांद्याला एवढा कमी भाव गेल्या अनेक वर्षात पाहीला नसल्याचे जाणकार शेतकरी सांगत आहेत. कांद्याला आजही बाजारात ११०० ते १३०० रुपये दर मिळत आहे. कांद्याची बाजारातील आवक चांगली आहे. तसेच खरिपातील कांद्याची आवकही सुरु होत आहे. त्यामुळे दरावर दबाव आहे. गेल्या हंगामात देशात कांद्याचे उत्पादन चांगले आले होते. सध्या कांद्याचा स्टाॅकही असल्याचे शेतकरी सांगत आहेत. खरिपातील कांदा काही बाजारात दाखलही झाला. पुढील काही दिवसांमध्ये कांद्याची आवक वाढेल. त्यामुळे कांद्याच्या दरावर याचा परिणाम दिसू शकतो, असा अंदाज कांदा बाजारातील अभ्यासकांनी व्यक्त केला..Soybean MSP : हमीदर ५३२८ रुपयांचा खरेदी केली केवळ ५०० रुपये क्विंटलने.गाजराला उठावराज्यातील बाजारात गाजराला मागील २ आठवड्यांपासून चांगला उठाव आहे. गाजराची बाजारातील आवक कमी आहे. त्यामुळे दरही टिकून आहेत. गाजराला सध्या प्रतिक्विंटल सरासरी २ हजार ते २ हजार ५०० रुपयांचा दर मिळत आहे. गाजर पिकाला सततच्या पावसाचा सप्टेंबर महिन्यात चांगलाच दणका बसला होता. यामुळे अनेक भागात पिकाचे नुकसान होऊन उत्पादन कमी झाले. त्यामुळे बाजारातील आवक कमीच आहे, असे शेतकरी आणि व्यापारी सांगत आहेत. पुढील काही दिवस कमी राहून दर टिकून राहू शकतात, असा अंदाज व्यापाऱ्यांनी व्यक्त केला..Ginning Industry: खानदेशातील जिनिंग प्रेसिंग कारखान्यांची धडधड मंदच.उडदाचे भाव कमीचदेशातील बाजारात उडदाचे भाव कमीच आहेत. उडदाची बाजारात आवक वाढत आहे. महाराष्ट्र आणि मध्य प्रदेशातील काही भागात उडीद पिकाचे सप्टेंबरमधील पावसाने मोठे नुकसान झाले. परिणामी बाजारातील आवक कमीच आहे. मात्र तरीही दरावरील दबाव कायम आहे. उडदाला प्रतिक्विंटल सरासरी ६ हजार ते ६ हजार ७०० रुपयांचा भाव मिळत आहे. देशातील उत्पादनात घट दिसत असली तरी आयात सुरु आहे. आयातीचा दबाव दरावर दिसत आहे, असे उडीद बाजारातील अभ्यासक आणि आयातदार सांगत आहेत..लसणाचे भाव टिकूनराज्यातील बाजारात सध्या लसणाची आवक चांगली सुरु आहे. तर उठावही चांगला आहे. त्यामुळे लसणाचे भाव टिकून आहेत. दिवाळी सणामुळे लसणाला चांगली मागणी होती. याचा आधार आहे. सध्या बाजारात लसूण प्रक्विंटल सरासरी ६ हजार ते ७ हजार रुपये प्रतिक्विंटलच्या दरम्यान विकला जात आहे. नव्या लसणाचे पावसाने नुकसान झाल्याचे राज्यातील आणि मध्य प्रदेशातील शेतकऱ्यांनी सांगितले. त्यामुळे यंदा उत्पादनात घट येण्याची शक्यता व्यक्त केली जात आहे. लसणाची बाजारातील आवक आणि दर पुढील काही दिवस स्थिर दिसू शकतात, असा अंदाज लसूण बाजारातील व्यापाऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
