Market Bulletin: सोयाबीनमध्ये सुधारणासोयाबीनच्या भावात आज सुधारणा पाहायला मिळाली. बाजारातील आवक कमी झाल्यानंतर दर वाढले आहेत. अमेरिकेच्या सोयातेल आणि डीडीजीएस आयातीला परवानगी दिल्यामुळे भाव नरमले होते. तसेच बाजारात पॅनिक सेलिंग झाल्यामुळे आवक वाढली होती. पण आज भावात क्विंटलमागे १०० ते २०० रुपयांची वाढ झाली. तसेच प्रक्रिया प्लांट्सचे खरेदीचे भावही ३०० रुपयांपर्यंत वाढले होते. प्रक्रिया प्लांट्सचे खरेदीचे भाव आज ५५०० ते ५ हजार ७०० रुपयांच्या दरम्यान होते. सोयाबीन बाजारात झालेली सुधारणा कायम राहून दरात आणखी वाढ होण्याची शक्यता आहे, असा अंदाज सोयाबीन बाजारातील अभ्यासकांनी व्यक्त केला. .कापसावर दबावसीसीआयच्या कापूस विक्रीचा दबाव बाजारावर कायम आहे. सीसीआयने कापूस विक्रीचे भाव कमी केलेले आहेत. तसेच अतिरिक्त लांब धाग्याच्या कापूस आयातीवरील शुल्क सरकारने काढले आहे. याचाही परिणाम बाजारावर दिसत आहे. सध्या बाजारात कापसाला ७ हजार ५०० ते ७ हजार ९०० रुपयांच्या दरम्यान भाव मिळत आहे. बाजारातील कापसाची आवक कमीच आहे. मात्र सरकारची कापूस विक्री सुरु असल्याने उद्योगांना गरजेपुरता कापूस मिळत आहे. याचा दबाव दरावर येत आहे. कापूस बाजारावरील दबाव पुढील काही दिवस कायम राहू शकतो, असा अंदाज कापूस बाजारातील अभ्यासकांनी व्यक्त केला आहे..Sugar Rate: पुरवठा अंदाजाने साखरेचे दर दबावात.कांदा भाव कमीचराज्यातील बाजारात कांद्याची आवक सुधारलेली आहे. याचा परिणाम कांद्याच्या भावावर दिसून येत आहे. राज्यातील महत्वाच्या बाजारांमध्ये रब्बी कांद्याची आवक वाढलेली आहे. नाशिक, पुणे, अहिल्यानगर, सोलापूर जिल्ह्यातील बाजारांमध्ये आवक अधिक आहे. तर सध्या कांदा सरासरी ११०० ते १३०० रुपयाने विकला जात आहे. काही बाजारात कमाल भाव १५०० रुपयांपर्यंत मिळत आहे. कांदा भाव घसरल्याने शेतकरी मात्र अडचणीत आले आहेत. पुढील काही दिवस कांदा भाव दबावात राहण्याची शक्यता अभ्यासकांनी व्यक्त केली आहे..Agrowon Podcast: सोयाबीन स्थिरावले, कापूस दरात नरमाई, हरभरा स्थिरावला, मका दबावात, लसणाला उठाव.केळी भाव टिकूनराज्यातील बाजारात केळीचे भाव टिकून आहेत. सध्या बाजारातील केळीची आवक मर्यादीत दिसत आहे. तसेच केळीला उठाव चांगला आहे. यंदा केळी पिकाला बदलत्या वातावरणाचा परिणाम होऊन उत्पादन कमी झाल्याचे शेतकरी सांगत आहेत. बाजारातील आवक कमी आणि मागणी चांगली असल्याचा भावाला आधार मिळत आहे. सध्या केळी बाजारात १५०० ते २ हजार रुपयांच्या दरम्यान विकली जात आहे. केळीचे भाव आणखी काही दिवस टिकून राहू शकतात, असा अंदाज केळी बाजारातील जाणकार व्यक्त करत आहेत..काकडीची आवक मंदावलीराज्यातील बाजारात मागील काही दिवसांपासून आवक कमी झाली आहे. तर वाढत्या उन्हाच्या चटक्यामुळे काकडीला उठाव चांगला आहे. यामुळे दराला आधार मिळत आहे. केवळ मुंबई, पुणे, नाशिक, नागपूर बाजारातील आवक १०० क्विंटलपेक्षा अधिक दिसत आहे. इतर बाजारातील आवक कमीच आहे. यामुळे काकडी प्रतिक्विंटल सरासरी २ हजार ते २२०० रुपयांच्या दरम्यान भाव मिळत आहे. काकडीचे भाव आणखी काही दिवस टिकून राहू शकतात, असा अंदाज भाजीपाला बाजारातील जाणकारांनी व्यक्त केला आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
