Market Bulletin: सोयाबीन दरात सुधारणाआठवड्याच्या पहिल्याच दिवशी म्हणजेच सोमवारी सोयाबीनच्या दरात सुधारणा पाहायला मिळाली. सोयाबीन खरेदीचे प्रक्रिया प्लांट्सचे भाव हमीभावावर पोचले आहेत. प्रक्रिया प्लांट्सेच भाव ५ हजार २०० ते ५ हजार ४०० रुपयांच्या दरम्यान पोचले आहेत. तर खुल्या बाजारात भावपातळी ५ हजारांवर पोचली आहे. सोयाबीनला सरासरी ४ हजार ९०० ते ५ हजार १०० रुपये भाव मिळत आहे. सोयाबीनची बाजारातील आवक कमीच आहे. त्यामुळे सोयाबीनच्या दराला चांगला आधार आहे. सोयाबीनच्या दरातील सुधारणा कायम राहील, असा अंदाज सोयाबीन बाजारातील अभ्यासकांनी व्यक्त केला आहे. .कापूस दरात वाढदेशातील बाजारात कापसाच्या दरात चांगली सुधारणा झाली आहे. बाजारातील आवक कमी झाल्यानंतर दराला आधार मिळत आहे. १ जानेवारीपासून कापूस आयातीवर ११ टक्के शुल्क लागू झाले आहे. तर सरकीचेही भाव वाढले आहेत. भाव वाढत असल्याने बाजारातील आवक कमी झाली आहे. यामुळे कापसाचा सरासरी भाव हमीभावावर पोचला आहे. बाजारात कापसाला सरासरी ७ हजार ८०० ते ८ हजार १०० रुपये दर मिळत आहे. तर आकोट बाजारात उचांकी ८ हजार ८०० रुपये दर मिळाला. पुढील काळातही बाजारातील कापसाची आवक कमीच राहण्याची शक्यता आहे. त्यामुळे कापसाचे दरही टिकून राहतील, असा अंदाज कापूस बाजारातील अभ्यासकांनी व्यक्त केला आहे..Cotton Rate: कापूसदरात आशादायक उसळी.कांदा दर स्थिरराज्यातील बाजारात कांद्याचा भाव आज टिकून होता. बाजारातील कांद्याची आवक वाढल्यानंतर कांद्याच्या दरात नरमाई दिसून आली होती. तसेच बांगालदेशला होणारी निर्यात कमी झाली. बाजारातील वाढत्या आवकेचा दबाव जास्त आहे. खरिपातील कांद्याची आवक वाढत असल्याने मागील २ आठवड्यांमध्ये दरात ३०० रुपयांपर्यंत नरमाई आली होती. पण आता दर स्थिरावले आहेत. सध्या कांद्याला बाजारात सरासरी १२०० ते १५०० रुपयांचा भाव मिळत आहे. पुढील काळातही बाजारातील आवक कायम राहण्याची शक्यता आहे. त्यामुळे कांद्याच्या दरात काहीसे चढ उतार राहतील, अशी शक्यता कांदा बाजारातील अभ्यासकांनी व्यक्त केली आहे..Egg Rate: अंडीदर कोसळल्याने पोल्ट्री व्यावसायिक अडचणीत.टोमॅटो दर टिकूनराज्यात टोमॅटोची आवक सरासरी सुरु आहे. बाजारातील आवक मागील २ आठवड्यांमध्ये कमी झालेली आहे. तर दुसरीकडे मागणी चांगली आहे. याचा आधार दराला आहे. सध्या बाजारात टोमॅटो १७०० ते २२०० रुपयाने विकला जात आहे. राज्यातील बहुतांशी भागातील आवक वाढलेली नाही. तसेच सध्या तोटा निघण्यासारखे प्लाॅटही कमी आहेत. यामुळे आवकेवर परिणाम दिसत आहे. राज्यातील बाजारात पुढील काही दिवस टोमॅटोची आवक मर्यादीतच राहण्याची शक्यता आहे. त्यामुळे दरही टिकून राहू शकतात, असा अंदाज टोमॅटो बाजारातील अभ्यासकांनी व्यक्त केला आहे..कारलीली उठावराज्यातील बाजारात कारल्याची आवक मागील ३ महिन्यांपासून मर्यादीतच दिसत आहे. कारल्याची बाजारातील आवक मर्यादीत आणि मागणी मात्र चांगली, यामुळे दरही टिकून आहेत. सध्या बाजारात कारल्याला प्रतिक्विंटल सरासरी ३ हजार ५०० ते ४ हजार ५०० रुपयांचा दर मिळत आहे. मागील ३ महिन्यांपासून कारल्याला चांगला दर मिळत असला तरी आवक वाढलेली नाही. कारल्याची बाजारातील आवक पुढील काही आठवडे मर्यादीत राहू शकते, असा अंदाज भाजीपाला बाजारातली जाणकारांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
