Market Bulletin: हरभऱ्याला उठावदेशात सणासुदीच्या तोंडावर बेसण आणि हरभरा डाळीला मागणी वाढत आहे. पुढील काळात ही मागणी आणखी वाढेल, असे व्यापारी सांगत आहेत. त्यामुळे हरभऱ्याच्या दराला चांगला आधार आहे. बाजार समित्यांमध्ये सध्या हरभऱ्याला ५ हजार ६०० ते ५ हजार ८०० रुपये दर मिळत आहे. ग्राहक बाजारांमध्ये हरभरा बाजारभाव ६ हजारांच्या पुढे गेले आहेत. बाजारातील हरभरा आवकही कमीच आहे. मात्र आयात मालाचा काहीसा दबाव आहे. हरभरा दराला मागणीचा आधार कायम राहील, असा अंदाज हरभरा बाजारातील अभ्यासकांनी व्यक्त केला. .मोहरीचे दर तेजीतखाद्यतेलाचे दर वाढल्यानंतर मोहरीच्या दराला चांगलाच आधार मिळाला. मोहरीला सरकारने ५ हजार ९५० रुपये हमीभाव जाहीर केला होता. मात्र सध्याचे भाव हमीभावापेक्षा अधिक आहेत. मोहरी तेलासाठी मागणी आहे. तसेच मोहरी पेंडचेही दर सुधारले आहेत. त्यामुळे मोहरीचा भावही ६ हजार ३०० ते ६ हजार ७०० रुपयांच्या दरम्यान पोचला आहे. यापुढे सणासुदीच्या काळातही मोहरीला चांगला उठाव राहणार आहे. त्यामुळे मोहरीचे दरही टिकून राहू शकतात, असा अंदाज मोहरी बाजारातील अभ्यासकांनी व्यक्त केला. .Banana Market: केळीच्या आवकेत किंचित वाढ.मेथी भाजीचे भाव टिकूनबाजारातील मेथीची आवक मागील आठवड्यात पुन्हा मर्यादीत झाली. तर बाजारात मेथीच्या भाजीला चांगला उठाव आहे. त्यामुळे मेथीचे दर टिकून आहेत. मेथीला राज्यात सध्या मागणी वाढत असल्याचे व्यापारी सांगत आहेत. तर पावसामुळे मेथीच्या पिकाला फटका बसला. त्यामुळे बाजारातील आवकही मर्यादीत असल्याचे शेतकरी सांगत आहेत. याचा आधार मेथीला दराला मिळत आहे. मेथीला सध्या बाजारात शेकडा ७०० ते ९०० रुपये दर मिळत आहे. तर क्विंटलमध्ये एक हजार ते ११०० रुपयाने मेथी विकली जात आहे. मेथीच्या दरात काहीसे चढ उतार दिसू शकतात, असे देखील व्यापाऱ्यांनी सांगितले. .India Shrimp Export: कोळंबी निर्यातीतील अडचणीत वाढ.मका कणसाला मागणीमका कणासाला बाजारात सध्या चांगला उठाव आहे. मात्र बाजारातील आवक सध्या मर्यादीत दिसत आहे. याचाा आधार कणसाच्या भावाला मिळत आहे. पावसामुळे मका कणासाला दर टिकून असल्याचे व्यापारी सांगत आहेत. बाजारात सध्या मका कणसाला १५०० ते २ हजारांच्या दरम्यान भाव मिळत आहे. मुंबई बाजारात मका कणासाची आवक अधिक दिसत असूनही सरासरी दर सर्वाधिक २५०० रुपये मिळत आहे. तसेच पुणे बाजारातही आवक चांगली दिसत आहे. मक्याच्या भावाला मागणीचा आधार आहे. त्यामुळे मका कणासाचे भाव आणखी काही दिवस टिकून राहू शकतात, असा अंदाज व्यापारी व्यक्त करत आहेत. .हिरवी मिरची टिकूनहिरव्या मिरचीला बाजारात मागणी चांगली आहे. तर दुसरीकडे बाजारातील आवक कमीच आहे. त्याचा आधार दराला मिळत आहे. त्यामुळे मागील दोन महिन्यांपासून हिरव्या मिरचीचे भाव एक पातळीच्या दरम्यान फिरताना दिसत आहेत. राज्यातील पुणे, मुंबई, नाशिक, नागपूर या बाजारांमध्ये मिरचीची आवक काहीशी अधिक दिसत आहे. तर राज्यात सरासरी दरपातळी ४ हजारांच्या दरम्यान आहे. मुंबई बाजारासह आवक कमी असलेल्या बाजारात दर ५ हजारांच्याही दरम्यान आहे. पुढील काही आठवडे बाजारातील हिरव्या मिरचीची आवक कमीच राहून दरही टिकून राहू शकतात, असा अंदाज व्यापारी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
