Market Bulletin: सोयाबीनमध्ये चढ उतारदेशातील बहुतांशी बाजारांमधील सोयाबीनची आवक स्थिर आहे. मात्र आठवड्याच्या पहिल्याच दिवशी म्हणजेच सोमवारी प्रक्रिया प्लांट्सचे सोयाबीन खरेदीचे भाव ५० रुपयांपर्यंत नरमले होते. सोयाबीन खेरदीचा भाव राज्यात आज ४ हजार ७०० ते ४ हजार ७८० रुपयांच्या दरम्यान होता. तर बाजार समित्यांमध्ये सोयाबीनला गुणवत्तेनुसार सरासरी ४ हजार ते ४ हजार ४०० रुपये दर मिळत आहे. बाजारातील सोयाबीनची आवक आणखी काही दिवस कायम राहण्याची शक्यता आहे. त्यामुळे सोयाबीनच्या भावात काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला. .मका दबावातचदेशातील बाजारात मक्याचा भाव स्थिर आहे. खरिपातील मक्याचे उत्पादन वाढले. उठाव स्थिर आहे. बाजारातील आवक चांगली आहे. त्यामुळे भाव दबावातच आहेत. सरकार हमीभावाने मका खरेदी करत आहे. मात्र त्याची गती खूपच धिमी आहे. सध्या मका महाराष्ट्रात आणि मध्य प्रदेशात १५०० ते १६०० रुपये सरासरी दराने विकला जात आहे. गुणवत्तेच्या मालाचा भाव १७०० ते १९०० रुपये आहेत. यंदाचा हमीभाव २४०० रुपये आहे. मात्र मका बाजारातील स्थिती पाहता भाव पुढील काही आठवडे तरी मक्याचा भाव २ हजारांच्या खालीच राहू शकतो, असा अंदाज मका बाजारातील अभ्यासकांनी व्यक्त केला..Sugar Procurement: नवीन साखरेमुळे खरेदी मंदावली.बाजरीचे दर स्थिरबाजरी पिकाला राज्यात यंदा पावसाचा दणका बसला. त्यामुळे अनेक भागात उत्पाद कमी झाले आहे. परिणामी बाजारातील बाजरीची आवक सरासरी दिसत आहे. आवकेचा दबाव यंदा त्या प्रमाणात जाणवला नाही, असे व्यापारी सांगत आहेत. सध्या बाजरीला बाजारांमध्ये वाण आणि गुणवत्तेनुसार २३०० ते २८०० रुपयांच्या दरम्यान भाव मिळत आहे. बाजरीची बाजारातील आवक पुढील काही आठवडे स्थिर राहण्याची शक्यता आहे. त्यामुळे बाजारीचे दरही टिकून राहू शकतात, असा अंदाज जाणकारांनी व्यक्त केला..Agrowon Podcast: ज्वारी-आल्याचे दर टिकून, सोयाबीन दर स्थिर; कापसाची आवक वाढली तर तूर दबावातच.बटाटा आवक चांगलीराज्यातील बाजारात सध्या बाटाटा आवक चांगली सुरु आहे. राज्यात बटाटा उत्पादन काही मोजक्याच भागांमध्ये होते. जास्त बटाटा पश्चिम बंगाल, उत्तर प्रदेशसह उतर राज्यांमधून येत असतो. त्यामुळे राज्यातील मोठ्या बाजारसमित्यांमध्येच बटाटा आवक जास्त दिसते. मुंबई, पुणे, नागपूर अशा बाजारांमध्ये आवक जास्त आहे. तर सध्या बटाटा गुणवत्तेनुसार बाजारात १४०० ते १७०० रुपये प्रतिक्विंटलच्या दरम्यान विकला जात आहे. बटाटा आवक पुढील काही आठवडे टिकून राहण्याची शक्यता आहे. त्यामुळे दरातही काहीसे चढ उतार वगळता फारसा बदल दिसण्याची शक्यता कमीच आहे, असा अंदाज भाजीपाला बाजारातील अभ्यासकांनी व्यक्त केला..मुगाचे भाव दबावातचराज्यातील बाजारत मुगाचे भाव दबावातच आहेत. खरिपात यंदा मुगाचे उत्पादन कमी झाले. मूग काढणीला येणाच्या काळातच पावसाने दणका दिला होता. त्यामुळे पिकाची गुणवत्ताही अनेक भागात कमी झाली. सध्या बाजारातील आवक कमीच आहे. मात्र आयात मालाचा दबाव दरावर आहे. सध्या बाजारात मूग सरासरी ६ हजार ४०० ते ७ हजारांच्या दरम्यान विकला जात आहे. तर हमीभाव ८ हजार ७६८ रुपये आहे. म्हणजेच मुगाची विक्री हमीभावापेक्षा कमी भावात करावी लागत आहे. याचा शेतकऱ्यांना फटका बसत आहे. मुगाचे भाव पुढील काही आठवडे दबावातच राहू शकतात, असा अंदाज मूग बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
