Market Bulletin: सोयाबीन स्थिरावलेसोयाबीनचे भाव सोमवारपर्यंत काहीसे नरमले होते. पण आज सोयाबीनच्या भावात स्थिरता आली होती. देशातील काही बाजारांमध्ये भावपातळी कालच्या तुलनेत आज २० ते ५० रुपयांपर्यंत सुधारली होती. तर बहुतांशी बाजारांमध्ये दर स्थिरावले होते. प्रक्रिया प्लांट्सचे भाव ४ हजार ७०० ते ४ हजार ५८०० रुपयांच्या दरम्यान होते. तर बाजार समित्यांमधील सरासरी दरपातळी ४ हजार ते ४ हजार ३०० रुपयांच्या दरम्यान होती. बाजारातील आवक सध्या चांगली सुरु आहे. यामुळे दरात काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला. .मक्याचे दर दबावातचमक्याचे दर देशातील बाजारात दबावातच आहेत. महत्वाच्या मका उत्पादक राज्यांमधील बाजारात आवक चांगली आहे. यंदा उत्पादन वाढल्याचा अंदाज व्यक्त केला जात आहे. तर रब्बी हंगामातही मक्याची लागवड आघाडीवर आहे. त्यामुळे यंदाच्या वर्षातील उत्पादन विक्रमी पातळीवर राहण्याची शक्यता आहे. यामुळे दरपातळी दबावात आहे. मक्याला सध्या सरासरी प्रतिक्विंटल १७०० ते २१०० रुपयांच्या दरम्यान दर मिळत आहे. बाजारातील मक्याची आवक चांगली असली तरी उठाव मात्र मर्यादीत आहे. त्यामुळे मक्याचे दर पुढील काही दिवस स्थिर दिसू शकतात, असा अंदाज मका बाजारातील अभ्यासकांनी व्यक्त केला..Banana Rate: केळी उत्पादक शेतकरी हतबल; केळीला २ रुपये ते ७ रुपये दर.तूर बाजारतील मंदी कायमतूर बारातील मंदी कायम आहे. गेली सलग दोन वर्षे देशातील तुरीचे उत्पादन घटले आहे. त्यामुळे पुरवठाही कमी होता. मात्र सरकारने आयात खुली केली. त्याचा परिणाम तुरीच्या दरावर झाला. देशात सध्या तुरीचा साठा चांगला असल्याचे व्यापारी आणि आयातदार सांगत आहेत. त्यामुळे तुरीला प्रतिक्विंटल सरासरी ६ हजार ६०० ते ६ हजार ९०० रुपयांचा भाव मिळत आहे. यंदाही देशातील तुरीची लागवड घटली आहे. मात्र आयात ३१ मार्च २०२६ पर्यंत खुली आहे. या काळात मोठ्या प्रमाणात तुरीची आयात होणार आहे. याचा परिणाम तुरीच्या बाजारावर होऊ शकतो, असा अंदाज तूर बाजारातील अभ्यासकांनी व्यक्त केला..Agrowon Podcast: कापसाचे भाव स्थिर; सोयाबीन भावात नरमाई, आले दरात चढ उतार, संत्र्याची आवक मर्यादीत तर कोथिंबीरला उठाव.शेवग्याला उठाव कायमराज्यातील बाजारात शेवग्याला उठाव चांगला आहे. मात्र दुसरीकडे शेवग्याची बाजारातील आवक कमी आहे. याचा परिणाम शेवग्याच्या दरावर होत आहे. शेवग्याचे भाव सध्या तेजीत आहेत. शेवग्याला बाजारात सरासरी ८ हजार ते ९ हजार रुपये प्रतिक्विंटलचा दर मिळत आहे. यंदा पावसाचा शेवगा पिकाला मोठा फटका बसला आहे. राज्यातील बहुतांशी शेवगा उत्पादक भागांमध्ये पाऊस झाला. यामुळे उत्पादन कमी झाले. परिणाम बाजारातील शेवग्याची आवक कमी झाली आहे. शेवग्याची आवक पुढील काही दिवस कमीच राहण्याची शक्यता आहे. तर दुसरीकडे शेवग्याला उठाव चांगला राहील. यामुळे शेवगा दरातील तेजीही टिकून राहू शकते, असा अंदाज भाजीपाला बाजारात जाणकारांनी व्यक्त केला..हळदीचे दर टिकूनदेशातील बाजारात हळदीचे दर टिकून आहेत. मागील काही आठवड्यांमध्ये हळदीच्या दरात सुधारणा झाली होती. मात्र सध्या दरपातळी टिकून आहे. हळदीला सध्या सरासरी प्रतिक्विंटल १३ हजार ते १६ हजार रुपये दर मिळत आहे. हळदीचा हा भाव मागील दोन आठवड्यांमध्ये टिकून आहे. सध्या देशातील अनेक बाजारांमध्ये हळदीची आवक कमी झाली आहे. तर हळदीला उठाव चांगला आहे. हळदीचे दर नव्या मालाची आवक होईपर्यंत कायम राहू शकतात, असा अंदाज हळद बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
