Market Bulletin:कापूस दर दबावातचसीसीआयची कापूस खरेदी सुरु झाली. मात्र, तरीही कापसाचे भाव दबावातच आहेत. सीसीआयच्या निकषात बसणारा कापूस आता मिळायला सुरुवात झाली. काही भागात कापसातील ओलावा कमी आहे. परंतु आजही बहुतांशी बाजारातील आवक कमी आहे. तरीही कापसाचा भाव सरासरी ६५०० ते ७ हजारांच्या दरम्यान आहे. सीसीआयने यंदा कापूस खरेदीची एकरी मर्यादाही कमी केली आहे. त्यामुळे शेतकऱ्यांना मर्यादेपेक्षा जास्त कापूस खुल्या बाजारात विकावा लागणार आहे. दुसरीकडे आंतरराष्ट्रीय बाजारातून स्वस्त कापसाची आयातही सुरु आहे. त्याचाही दबाव कापसाच्या भावावर येत आहे. .मका आवक स्थिरराज्यातील बाजारात मक्याची आवक चांगली सुरु आहे. पण मक्यामधील ओलावा कमी झाल्याने किमान दरात काहीशी सुधारणा दिसत आहे. किमान दर बहुतांशी बाजारात १७०० रुपयांच्या दरम्यान आहे. पण ओलावा असेलला मका आजही १४०० रुपयांपासून विकला जात आहे. गुणवत्तेच्या मक्याला २ हजारांपर्यंत भाव आहे. पुढील काळात मक्यातील ओलावा आणखी कमी होईल. तसेच बाजारातील पॅनिक सेलिंगही कमी होण्याची शक्यता आहे. त्यामुळे मक्याच्या किमान दरात सुधारणा होण्याची शक्यता आहे. मात्र सरासरी दरात फार सुधारणा होण्याची शक्यता पुढील काही आठवडे दिसत नसल्याचे अभ्यासकांचे म्हणणे आहे. .Cotton Cultivation: मजूर समस्येमुळे तमिळनाडूत कापूस लागवड क्षेत्र घटले.आल्याच्या दरात चढ उतारराज्यातील बाजारात आल्याची आवक मर्यादीत होत आहे. त्याचा परिणाम आल्याच्या दरावरही होत आहे. आल्याच्या दरात मागील २ आठवड्यांमध्ये क्विंटलमाे ३०० रुपयांपर्यंत चढ उतार दिसून आले. आल्याची आवक मुंबई, पुणे आणि नागपूर बाजारातच अधिक दिसत आहे. इतर बाजारातील आवक कमीच आहे. आज आले प्रतिक्विंटल सरासरी ४५०० ते ५ हजाराने विकले गेले. आल्याची बाजारातील आवक पुढील काही दिवस मर्यादीतच राहण्याची शक्यता आहे. त्यामुळे आल्याचे दरही टिकून राहू शकतात, असा अंदाज आले बाजारातील जाणकारांनी व्यक्त केला. .Sugar Market: साखर बाजारात सावध वातावरण.उडदाचे भाव दबावातराज्यातील बाजारात उडदाची आवक कमीच आहे. परंतु उडदाला खूपच कमी भाव मिळत आहे. उडदाचा हमीभाव ७८०० रुपये आहे. परंतु सध्या बाजारात उडदाला सरासरी ५ हजार ते ६ हजारांच्या दरम्यान भाव मिळत आहे. यंदा पावसामुळे उडीद पिकाला जोरदार दणका दबला. त्यामुळे उडदाची गुणवत्ता कमी झाली. कमी गुणवत्ता असलेला उडीद बाजारात अगदी ४५०० रुपयांपासून विकला जात आहे. ऐन उडीद काढणीच्या काळात पावसाने नुकसान केले. त्यामुळे पुढील काळातही गुणवत्तापूर्ण उडदाची बाजारातील आवक मर्यादीतच राहू शकते, असा अंदाज उडीद बाजारातील अभ्यासकांनी व्यक्त केला. .काकडीला उठावबाजारात सध्या काकडीची आवक मर्यादीच सुरु आहे. इतर भाजीपाल्याप्रमाणे काकडीलाही उठाव मिळत आहे. त्यामुळे दरही टिकून आहेत. बाजारातील आवकेचा विचार करता केवळ पुणे, मुंबई, नागपूर आणि नाशिक बाजारातील आवक काहीशी अधिक दिसते. मात्र इतर बाजारांमधील आवक कमीच आहे. तर सध्या काकडी प्रतिक्विंटल सरासरी २ हजार ते २५०० रुपयाने विकली जात आहे. बाजारातील काकडीची आवक पुढील काही दिवस मर्यादीतच राहण्याची शक्यता आहे. त्यामुळे काकडीचे दरही टिकून राहू शकतात, असा अंदाज भाजीपाला बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
