Market Bulletin: सोयाबीन स्थिरआठवड्याच्या शेवटच्या दिवशी म्हणजेच शनिवारी देशातील बाजारात सोयाबीनचे भाव स्थिर होते. बाजारातील सोयाबीनची आवक चांगली सुरु आहे. तर हमीभावाने सोयाबीन खरेदीही हळूहळू वाढत आहे. आतापर्यंत जवळपास १ लाख टनांची खरेदी झाली आहे. याचा आधार बाजाराला कायम आहे. सध्या बाजारात सोयाबीन ४ हजार ते ४ हजार ३०० रुपयांच्या दरम्यान कायम आहे. पुढील काही आठवडे बाजारातील आवक स्थिर राहण्याची शक्यता आहे. त्यामुळे दरात काहीसे चढ उतार दिसू शकतात, असा अंदाज सोयाबीन बाजारातील अभ्यासकांनी व्यक्त केला. .हरभरा दबावातचदेशातील बाजारात सध्या हरभरा आवक मर्यादीतच आहे. तर दुसरीकडे मागणी चांगली आहे. असे असले तरी आयातीचा दबाव कायम आहे. त्यामुळे हरभरा दर दबावाताच आहेत. सध्या हरभरा प्रतिक्विंटल सरासरी ४ हजार ९०० ते ५ हजार ३०० रुपयांच्या दरम्यान विकला जात आहे. रब्बीतील हरभरा पेरणीही वेगाने सुरु आहे. आयातीवर केवळ १० टक्के आयात शुल्क लागू केले आहे. त्यामुळे आयातही कायम राहण्याची शक्यता आहे. याचा दबाव दरावर कायम राहू शकतो, असा अंदाज हरभरा बाजारातील अभ्यासकांनी व्यक्त केला आहे. .Onion Farmer Issue: ग्राहक संरक्षण मंत्रालयाची मनमानी; कांदा उत्पादक हवालदिल.मका दर स्थिरबाजारातील मक्याचे दर स्थिरावले आहेत. मालातील ओलावा कमी झाला आहे. त्यामुळे बाजारात येणाऱ्या मालात कमी ओलावा असलेला माल जास्त आहे. त्यामुळे जास्तीत जास्त बाजारात सरासरी दर वाढलेले दिसत आहेत. मात्र कमाल दर स्थिर आहेत. सध्या बाजारात जास्तीत जास्त माल १६०० ते १८०० रुपयांच्या दरम्यान विकला जात आहे. तर कमाल दर काही बाजारांमध्ये १८०० ते १९०० रुपये दिसत आहे. बाजारातील मक्याची आवक पुढील काही आठवडे स्थिर राहण्याची शक्यता आहे. त्यामुळे मक्याचे दरही स्थिर राहू शकतात, असा अंदाज मका बाजारातील अभ्यासकांनी व्यक्त केला आहे. .Agrowon Podcast: कांदा दरात सुधारणा; सोयाबीनमध्ये काहीशी सुधारणा, कापूस दर स्थिर, टोमॅटो दराला आधार तर डाळिंब तेजीतच.मेथीची आवक सुधारलीराज्यातील बाजारात मेथीची आवक सुधारली आहे. याचा परिणाम दरावरही दिसून येत आहे. सध्या मेथीला बाजारात शेकडा ७०० ते १२०० रुपये गुणवत्तेप्रमाणे दर मिळत आहे. तर प्रतिक्विंटल सरासरी २ हजार २ हजार २०० रुपये भाव आहे. राज्यातील बहुतांशी बाजारांमध्ये मेथीच्या आवकेत वाढ दिसून आली आहे. पुढील काळात आवक आणखी सुधारू शकते. यामुळे दरात काहीसे चढ उतारही दिसू शकतात, असा अंदाज भाजीपाला बाजारातील व्यापारी आणि जाणकार शेतकऱ्यांनी व्यक्त केला. .भेंडीचे दर टिकूनराज्यातील बाजारात भेंडीची आवक कमी आहे. आजही बहुतांशी भागांमध्ये भेंडीची आवक ५० ते १०० क्विंटलपेक्षा कमी होती. केवळ पुणे, मुंबई आणि नाशिक बाजारातील आवक काहीशी अधिक आहे. बाजारात भेंडी सरासरी ४ हजार ते ५ हजाराने विकली जात आहे. तर कमाल भाव काही बाजारांमध्ये ६ हजारही पाहायला मिळाला. बाजारातील भेंडीची आवक पुढील काही आठवड्यांमध्ये सुधारण्याची शक्यता आहे. त्यामुळे दरात काहीसे चढ उतार दिसू शकतात, असा अंदाज भाजीपाला बाजारातील जाणकारांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
