Market Bulletin: जिऱ्याला मागणी वाढलीदेशातील बाजारात सध्या जिऱ्याला मागणी येत आहे. त्यामुळे बाजारात जिऱ्याचे भाव टिकून आहेत. चालू हंगामात जिऱ्याचे उत्पादन वाढले होते. मात्र गेल्या हंगामातील शिल्लक साठा कमी होता. त्यामुळे देशातील एकूण पुरवठा कमीच राहीला. जिऱ्याच्या भावात मागील वर्षाच्या तुलनेत घट झाली तरी दरपातळी जास्त नरमली नाही. सध्या जिरा गुणवत्तेप्रमाणे २५ हजार ते २७ हजार रुपये प्रतिक्विंटलने विकला जात आहे. जिऱ्याला आता सणासुदीच्या काळात चांगलीच मागणी वाढण्याचा अंदाज आहे. त्यामुळे जिऱ्याच्या दरातही सुधारणा होऊ शकते, असा अंदाज जिरा व्यापारी व्यक्त करत आहेत. .मक्याच्या भावात स्थिरलादेशात गेल्यावर्षभरातील तिन्ही हंगामात मक्याचे उत्पादन वाढले आहे. तसेच चालू खरिपातही मक्याची लागवड वाढली आहे. याचा दबाव दरावर येत आहे. तसेच मक्याच्या दरवाढीला मागील २ वर्षांमध्ये इथेनाॅलमुळे चांगलाच आधार मिळाला होता. परंतु यंदा इथेनाॅलसाठी आता तांदूळ आणि उसाचा पर्याय असणार आहे. त्यामुळे मक्याचे दर स्थिरावले आहेत. सध्या मक्याचे दर २ हजार ते २ हजार २०० रुपयांच्या दरम्यान आहेत. पुढील काळात मक्याच्या दरात काहीसे चढ उतार दिसू शकतात. मात्र यंदा मोठी तेजी येण्याची शक्यता कमीच असल्याचे अभ्यासकांनी सांगितले. .Banana Export: वसमतमधून १२ टन केळी निर्यात.काकडीचे दर स्थिरराज्यातील बाजारात काकडीची आवक मागील काही दिवसांपासून वाढली आहे. त्याचा दबाव दरावर दिसून होता. मात्र मागील दोन आठवड्यांपासून दर टिकून आहेत. यंदा पावसाळा लवकर सुरु झाला. त्यामुळे काही भागात काकडीची लागवडही लवकर झाली, असे काही शेतकरी सांगत आहेत. ही काकडी आता बाजारात विक्रीसाठी येत आहे. त्यामुळे काकडीचे दर नमरले आहेत. आज राज्यातील अनेक भागात काकडीला सरासरी प्रतिक्विंटल १५०० ते १७०० रुपये दर मिळत आहे. पुढील काळात बाजारातील आवक आणखी सुधारण्याची शक्यता आहे. त्यामुळे काकडीचे दरही कमी होण्याची शक्यता आहे, असे व्यापारी सांगत आहेत. .Agrowon Podcast: गहू बाजारात नरमाई; केळीला उठाव, कापूस दरावर दबाव, गवार तेजीत, तर ज्वारीला मागणी कायम.उडदाचे भाव दबावातचदेशातील बाजारात उडदाची आवक कमीच आहे. मात्र तरीही उडदाचे भाव दबावात आहेत. उडदाला सरासरी ६ हजार ५०० ते ७ हजारांचा भाव मिळत आहे. उडादाची बाजारातील आवक कमी असली तरी आयात माल जास्त आहे. आयात उडदाचा स्टाॅक देशात आहे. त्याचा दबाव दरावर असल्याचे प्रक्रियादार सांगत आहेत. यंदा देशातील उडदाची लागवड गेल्यावर्षीप्रमाणे झाल्याचे दिसत आहे. तसेच देशातील अनेक भागात पिकाची स्थितीही चांगली आहे. त्यामुळे यंदा उत्पादन वाढीची शक्यता व्यक्त केली जात आहे. नवा उडीद पुढील काही आठवड्यांमध्ये बाजारात येईल. त्यामुळे दरावर दबाव राहू शकतो, असा अंदाज उडीद बाजारातील अभ्यासक व्यक्त करत आहेत. .तोंडलीला चांगला उठावराज्यातील बाजारात तोंडलीचे दर मागील काही आठवड्यांपासून टिकून आहेत. इतर भाजीपाल्याप्रमाणे तोंडली पिकालाही यंदा मे आणि जून महिन्यातील जोरदार पावसाचा फटका बसला आहे. तोंडलीची बाजारातील आवक कमीच आहे. तर दुसरीकडे तोंडलीला बाजारात उठाव असल्याचे व्यापारी सांगत आहेत. त्यामुळे राज्यातील बाजारात तोंडलीला सरासरी ३ हजार ५०० ते ४ हजार रुपयांच्या दरम्यान भाव मिळत आहे. पुढील काही आठवडे बाजारीतल आवक कमीच राहण्याची शक्यता आहे. त्यामुळे तोंडलीचे दरही टिकून राहू शकतात, असा अंदाज व्यापारी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
