Market Bulletin: सोयाबीनचा बाजार स्थिरावलासोयाबीनच्या भावात मागील २ आठवड्यांमध्ये चढ उतार दिसून आले. मात्र आज बाजार कालच्या तुलनेत टिकून होता. प्रक्रिया प्लांट्सचे सोयाबीन खरेदीचे भाव प्रतिक्विंटल ४५०० ते ४६०० रुपयांच्या दरम्यान होते. तर बाजार समित्यांमधील भाव ४ हजार ते ४ हजार २०० रुपयांच्या दरम्यान होते. पुढील काही आठवड्यांमध्ये बाजारात नव्या मालाची आवक सुरु होईल. परंतु यंदा देशात सोयाबीनची लागवड कमी झाली आणि पिकाचे नुकसानही होत आहे. त्यामुळे उत्पादनात घट होण्याची शक्यता आहे. याचा आधार सोयाबीनच्या दराला मिळेल, असा अंदाज अभ्यासकांनी व्यक्त केला. .तुरीचा बाजारभाव दबावातचबाजारात सध्या तुरीची आवक कमीच आहे. तरीही तुरीच्या भावावरील दबाव कायम आहे. तुरीचा बाजार यंदा आयातीमुळे दबावात आला आहे. देशात यंदा विक्रमी तुरीची आयात झाली आहे. त्यामुळे उत्पादन कमी राहूनही पुरवठा वाढला. त्याचा दबाव तुरीच्या दरावर आला आहे. तुरीला सध्या बाजारात प्रतिक्विंटल सरासरी ६ हजारांच्या दरम्यान भाव मिळत आहे. पुढील काळात सणांमुळे तूर डाळीला उठाव मिळण्याची शक्यता आहे. मात्र आयात सुरुच असून मार्च २०२६ पुर्यंत आयात खुली राहणार आहे. त्यामुळे आय़ात वाढण्याची शक्यता आहे. याचा दबाव बाजारावर राहणार आहे..US China Tension: चीन अमेरिकेला प्रत्युत्तर देणार.मोसंबी दरात सुधारणामोसंबीच्या दरात मागील काही दिवसांपासून सुधारणा दिसून येत आहे. पावसामुळे मराठवाड्यातील मोसंबी पिकाला मोठा फटका बसला. परिणामी पिकाची गुणवत्तात कमी झाली आहे. बाजारात गुणवत्तापूर्ण मालाची आवक कमी आहे. त्यामुळे या मालाला चांगला भाव मिळत आहे. तर कमी प्रतीच्या मालाचे भाव कमी झाले आहेत. सध्या गुणवत्तेच्या मालाला प्रतिक्विंटल सरासरी ४ हजार ते ५ हजार रुपये दर मिळत आहे. तर कमी प्रतीच्या मालाला १५०० ते २ हजार रुपये दर मिळत आहे. मागील ३ दिवसांमध्ये पुन्हा मोसंबी उत्पादक पट्ट्यात पाऊस पडत आहे. त्यामुळे पुढील काळात बाजारातील मोसंबीची आवक काहिसी कमी राहू शकते, असा अंदाज मोसंबी बाजारातील अभ्यासकांनी व्यक्त केला..Vegetable Export: सांगली जिल्ह्यातून भाजीपाला, फळांची ६४ हजार टन निर्यात.आल्याचे दर स्थिरमागील दोन आठवड्यांपासून आल्याचे दर स्थिरावले आहेत. आल्याच्या भावाने मागील २ महिन्यांमध्ये निचांकी भावापासून पुन्हा उभारी घेतली होती. मात्र दराने फार वाढ दाखवली नाही. आल्याचे भाव मागील काही आठवड्यांपासून ४ हजार ते ४ हजार ५०० रुपयांच्या दरम्यान कायम आहेत. कमी आवक असलेल्या बाजारांमध्ये आल्याचे भाव यापेक्षा जास्त आहे. तसेच गुणवत्तापूर्ण मालाचे दरही ५ हजारांच्या दरम्यान दिसत आहेत. बाजारातील आल्याची आवक आणखी काही आठवडे कायम राहण्याचा अंदाज आहे. तर सणांच्या काळात आल्याला चांगला उठाव मिळण्याची शक्यता आहे. त्यामुळे आल्याच्या दरात काहीसे चढ उतार दिसू शकतात, असा अंदाज आले बाजारातील व्यापारी आणि जाणकार शेतकरी व्यक्त करत आहेत..वांग्याला उठावराज्यातील बाजारात बाजारात वांग्याचे भाव स्थिर दिसत आहे. मागील दोन महिन्यांपासून वांग्याची आवक मर्यादीत आहे. तर वांग्याला मागणी मात्र चांगली आहे. त्यामुळे दरही टिकून आहेत. पावसाचा राज्यातील अनेक भागात वांगी पिकाला मोठा फटका बसला. अनेक जिल्ह्यांमध्ये काही ठिकाणी सलग काही दिवस पाऊस होता. यामुळे बाजारातील वांग्याची आवक कमीच आहे. त्यामुळे वांग्याला सध्या सरासरी २ हजार ५०० ते ३ हजार रुपये प्रतिक्विंटलच्या दरम्यान दर मिळत आहेत. वांगीचे दर पुढील काही आठवडे कायम राहू शकतात, असा अंदाज वांगी बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
