Market Bulletin: सोयाबीन दरात चढउतारदेशातील बाजारात सोयाबीनच्या दरात काहीसे चढ उतार सुरु आहेत. सोयाबीनची बाजारातील आवकही टिकून आहे. देशात सोयाबीनचे गाळप यंदा वाढलेले आहे. तसेच सोयापेंडची निर्यातही चांगली सुरु आहे. यामुळे दराला आधार आहे. सध्या सोयाबीन खरेदीचे प्रक्रिया प्लांट्सचे भाव ४ हजार ७०० ते ४ हजार ८०० रुपयांच्या दरम्यान आहेत. तर बाजारात सध्या सोयाबीची खरेदी विक्री ४ हजार ते ४ हजार ४०० रुपयांच्या दरम्यान आहे. सोयाबीनच्या दरात पुढील काही दिवास चढ उतार कायम राहू शकतात, असा अंदाज सोयाबीन बाजारातील अभ्यासकांनी व्यक्त केला. .कापूस दरात सुधारणादेशातील बाजारात कापसाची आवक कमी झाली आहे. तसेच बाजारातील आवक होणाऱ्या कापसाची जास्तीत जास्त खरेदी सीसीआय करत आहे. यामुळे खासगी खरेदीदारांना कमी कापूस मिळत आहे. परिणामी कापसाचा भाव टिकून आहे. सध्या कापूस दर सरासरी ७ हजार ३०० ते ७ हजार ७०० रुपयांच्या दरम्यान आहेत. तर सीसीआय ८ हजार ११० रुपये हमीभावाने खरेदी होत आहे. बाजारातील कापसाची आवक पुढील काही दिवसांमध्ये आणखी कमी होण्याची शक्यता आहे. त्यामुळे दरालाही चांगला आधार राहील, असा अंदाज कापूस बाजारातील अभ्यासकांनी व्यक्त केला..Cotton Rate: कापसाची आयात वाढल्याचा दरावर काय परिणाम होईल?.काकडीचे भाव टिकूनराज्यातील बाजारात काकडीची आवक मर्यादीत आहे. राज्यातील केवळ मोठ्या बाजारांमध्येच आवक चांगली दिसत आहे. सध्या पुणे, मुंबई, नागपूर, नाशिक आणि इतर काही मोठ्या बाजारांमध्ये आवक जास्त आहे. तर इतर बाजारांमध्ये आवक मर्यादीत आहे. याचा आधार काकडीच्या दराला मिळत आहे. सध्या काकडी प्रतिक्विंटल सरासरी १ हजार ६०० ते १ हजार ८०० रुपयांच्या दरम्यान आहेत. काकडीची बाजारातील आवक पुढील काही दिवसांत सुधारण्याची शक्यता आहे. त्यामुळे काकडीच्या दरातही काहीसे चढ उतार राहू शकतात, असा अंदाज भाजीपाला बाजारातील जाणकारांनी व्यक्त केला..Jaggery Production: कोल्हापुरी गुळाला कर्नाटक, गुजरातच्या गुळाचेच आव्हान.कारल्याची आवक कमीचराज्यातील बाजारात मागील काही महिन्यांपासून कारल्याची आवक कमीच आहे. मात्र कारल्याला उठाव चांगला आहे. यामुळे दर टिकून आहेत. राज्यातील मोठ्या बाजारातील आवक काहीशी अधिक असली तरी इतर बाजारांमधील आवक ५० क्विंटलपेक्षाही कमीच आहे. सध्या कारली २ हजार ५०० ते ३ हजारांच्या दरम्यान आहेत. बाजारातील आवक पुढील काही दिवस कारल्याची आवक कमीच राहण्याची शक्यता आहे. यामुळे दरही टिकून राहू शकतात, असा अंदाज कारली व्यापारी आणि जाणकार शेतकऱ्यांनी व्यक्त केला..बाजरीचे दर टिकूनराज्यातील बाजारात बाजरीची आवक मर्यादीत आहे. तर दुसरीकडे कारल्याला उठाव चांगला आहे. याचा आधार बाजारीच्या दराला मिळत आहे. बाजरीला सध्या बाजारात सरासरी २ हजार ३०० ते २ हजार ७०० रुपयांच्या दरम्यान दर मिळथ आहे. तसेच पुढील काही दिवस बाजारची आवक कमीच राहण्याची शक्यता आहे. याचा आधार बाजरीच्या दराला राहील, असा अंदाज बाजरी व्यापाऱ्यांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
