Market Bulletin: सोयाबीन दर गडगडलेराज्यातील बहुतांश बाजारात सोयाबीन आवक काहीशी सुधारली आहे. तर सोयाबीन दरात मोठी घसरण झाली आहे. सोयाबीन बाजारात प्रति क्विंटल ५०० ते ७०० रुपयांची घसरण पाहायला मिळाली. खुल्या बाजारात सोयाबीन खरेदीचे व्यवहार ५ हजार १०० ते ५ हजार ४०० रुपयांच्या दरम्यान झाले. तर प्रक्रिया प्लांटसने आज ५ हजार २०० ते ५ हजार ३०० रुपयांच्या दरम्यान दर काढले. भारत आणि अमेरिकेच्या व्यापार करारात सोयाबीन तेल आयातीवरील शुल्क काढण्यात येणार असल्याचा बाजारावर मानसिक परिणाम झाला. त्यामुळे सोयाबीन दर घसरल्याचे व्यापारी सांगतात. परंतु अमेरिकेतून सोयाबीन तेल आयात वाढवण्याची शक्यता कमी आहे. अमेरिका प्रामुख्याने देशातर्गत इथेनॉल निर्मितीसाठी तेलाचा वापर करतो. त्यामुळे अमेरिकेतून भारतात तेल आयात वाढण्याची शक्यता कमीच आहे. त्यामुळे शेतकऱ्यांनी पॅनिक सेलिंग टाळून बाजारातील घडामोडीचा आढावा घेऊन सोयाबीन विक्रीचे नियोजन करावं, असं बाजारातील अभ्यासक सांगतात..कापूस नरमलेराज्यातील बाजारात कापसाची आवक कमीच आहे. कापूस बाजारावर घडामोडीचा दबाव निर्माण झाला आहे. त्यामुळे कापूस दर नरमलेत. राज्यातील प्रमुख बाजारात कापसाला आज दुपारपर्यंत ७ हजार ५०० ते ८ हजार रुपये दर मिळाला. सीसीआयची कापूस विक्री सुरु आहे. तसेच सरकारने लांब धाग्याच्या आयातीवरील शुल्क शून्य केले आहे. त्यामुळे कापूस दरात चढ-उतार सुरुच होते. रुईचे दरही नरमले आहेत. कापूस उत्पादक शेतकऱ्यांना चांगल्या दराची अपेक्षा होती. परंतु अचानक घडणाऱ्या बाजारातील घटनांनी दर नरमले आहेत. तसेच अमेरिकेतून कापूस आयात वाढणार अशी चर्चा सुरु आहे. परंतु अमेरिकेतून मोठ्या प्रमाणात कापसाची आयात होण्याची चिन्हं नाहीत. त्यामुळे शेतकऱ्यांनी घाबरून जाऊ नये, असं अभ्यासक सांगतात. कापूस दरात नरमाई काही आठवडे राहू शकते, असा अंदाज कापूस बाजारातील जाणकार सांगतात..Agrowon Podcast: गुलाब दर टिकून; सोयाबीन दरात नरमाई, कापूस बाजार दबावात, गाजरात नरमाई तर गवार तेजीत.ज्वारीचे दर टिकूनज्वारीची आवक अद्याप स्थिर आहे. त्यामुळे ज्वारीचे दर टिकून आहेत. राज्यात ज्वारीला गुणवत्तेप्रमाणे सरासरी प्रतिक्विंटल २ हजार ६०० ते ३ हजार ७०० रुपयांचा दर मिळत आहे. मालदांडी ज्वारीचे दर किरकोळ बाजारात ४ हजारांच्या दरम्यान पाहायला मिळत आहेत. राज्यातील प्रमुख बाजारात मात्र ज्वारीची आवक स्थिर आहे. रब्बी हंगामातील ज्वारी पुढील महिन्यात बाजारात दाखल होण्याची चिन्हं आहेत. परंतु यंदाच्या रब्बी हंगामात ज्वारी पिकाला ढगाळ वातावरण आणि अवकाळी पावसाचा मोठा फटका बसला. त्यातच यंदा रब्बी ज्वारी लागवडीखालील क्षेत्रात घट झाली आहे. सध्या राज्यातील प्रमुख बाजारात आवक कमी असून उठाव चांगला आहे. त्यामुळे ज्वारीचे दर टिकून आहेत. पुढील काळातही ज्वारीच्या दरात किरकोळ चढ-उतार वगळता दर टिकून राहतील, असा अंदाज ज्वारी बाजारातील जाणकारांनी व्यक्त केला आहे..India-US Trade Deal : द्विपक्षीय व्यापार कराराबाबत 'व्हाईट हाऊस'चं पत्रक; करारातले मुद्दे केले स्पष्ट.कारले दरात चढ-उतारराज्यातील बाजारात कारले दरात चढ-उतार सुरु आहेत. राज्यातील बाजारात आवकही कमी आहे. प्रमुख बाजारात ५०० क्विंटलपेक्षाही कमी आवक आहे. कारल्याला उठाव काहीसा कमी झाला आहे. राज्यातील प्रमुख बाजारात कारल्याला सरासरी प्रतिक्विंटल ४ हजार ३०० ते ५ हजार १०० रुपयांच्या दरम्यान दर मिळत आहे. चांगल्या गुणवत्तेच्या कारल्याला मागणी आहे. परंतु चांगल्या गुणवत्तेच्या कारल्याची आवक कमी आहे. पुढील काळात कारल्याची आवक काहीशी सुधारण्याची शक्यता आहे. त्यामुळे पुढील दोन आठवडे कारले दरात चढ-उतार राहतील, असे शेतकरी, व्यापारी आणि जाणकारांनी सांगितले आहे..काकडी दरात सुधारणाराज्यातील बाजारात काकडीची आवक कमी आहे. तर काकडीला उठाव चांगला आहे. त्यामुळे काकडीचे दर सुधारले आहेत. प्रमुख बाजारात काडकीच्या दरात १५० ते २०० रुपयांची सुधारणा पाहायला मिळाली. राज्यातील प्रमुख बाजारात काकडीला १ हजार ६०० ते १ हजार ९०० रुपयांचा दर मिळाला.तर किरकोळ बाजारात काकडीला सरासरी प्रतिक्विंटल २ हजार ते २ हजार १०० रुपयांचा दर मिळाला. महाशिवरात्र आणि लग्नसराईमुळे काकडीला उठाव आहे. चांगल्या गुणवत्तेच्या काकडीची मागणी वाढत आहे. त्यामुळे पुढील दोन आठवडे काकडी दर टिकून राहतील. तसेच काही बाजारात दरात सुधारणा होईल, असा अंदाज काकडी बाजारातील अभ्यासकांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
