Market Bulletin: सोयाबीन दरात सुधारणादेशातील बाजारात मागील काही दिवसांपासून सोयाबीनच्या दरात सुधारणा दिसून येत आहे. सोयाबीनची बाजारातील आवकही सरासरीपेक्षा कमी आहे. यंदा उत्पाद कमी असल्याचे संकेत बाजारात दिसत आहेत. प्रक्रिया प्लांट्सचा खरेदी भाव ४ हजार ८०० ते ४ हजार ९०० रुपयांच्या दरम्यान आहेत. तर बाजार समित्यांमधील भाव सरासरी ४ हजार २०० ते ४ हजार ५०० रुपयांच्या दरम्यान आहेत. सोयाबीनची बाजारातील आवक पुन्हा कमी होण्याची शक्यता आहे. त्यामुळे सोयाबीनच्या दराला आधार मिळू शकतो, असा अंदाज सोयाबीन बाजारातील अभ्यासकांनी व्यक्त केला. .कापूस दराला आधारदेशातील बाजारात कापसाच्या दराला सीसीआयच्या खरेदीचा आधार आहे. सीसीआयची कापूस खरेदी वेगात सुरु आहे. सीसीआयने कापूस खरेदीची मर्यादाही वाढवली आहे. यामुळे खुल्या बाजारातील दरालाही आधार मिळाला. राज्यातील कापसाची आवक अधिक असलेल्या बाजारात कापसाला सरासरी ७ हजार ३०० ते ७ हजार ८०० रुपयांच्या दरम्यान दरम्यान दर मिळाला. सध्या बाजारात येणारा जास्तीत जास्त कापूस सीसीआयकडे जात आहे. कापूस दराला मिळालेला आधार पुढील काही दिवस कायम राहील, असा अंदाज कापूस बाजारातील अभ्यासकांनी व्यक्त केला..CCI Cotton Procurement: ‘सीसीआय’ची कापूस खरेदी साडेचार लाख क्विंटलवर.कांद्यात चढ उतारराज्यातील बाजारात कांद्याच्या काहीसे चढ उतार सुरु आहेत. मागील ३ दिवसांपासून बहुतांशी बाजारांमध्ये दरपातळीत बदल दिसून येत आहे. निर्यातीसाठी कांद्याला मागणी आहे. पण खरिपातील कांद्याची बाजारातील आवकही वाढत आहे. याचा परिणाम दरावर दिसून येत आहे. सध्या कांदा सरासरी १ हजार ४०० ते १ हजार ७०० रुपयांच्या दरम्यान आहेत. तर काही बाजार समित्यांमध्ये कमाल भाव २ हजार ते २ हजार ५०० रुपये दिसत आहे. बाजारातील कांद्याची आवक पुढील काही दिवसांमध्ये आणखी सुधारण्याची शक्यता आहे. याचा परिणाम कांदा दरावर दिसेल, असा अंदाज कांदा बाजारातील अभ्यासकांनी व्यक्त केला..Agrowon Podcast: शेवग्याचा भाव उच्चांकी पातळीवर; सोयाबीन दरात सुधारणा, कापूस स्थिर, संत्र्याला उठाव तर डाळिंबाची आवक कमीच.हळदीचे भाव टिकूनहळदीला उठाव असल्याने मागील काही दिवसांपासून हळदीचे दर टिकून आहेत. बाजारात सध्या हळद १५ हजार ६०० ते १७ हजारांच्या दरम्यान विकली जात आहे. तर एनडीईएक्सच्या स्पाॅटचे भाव १६ हजार ते १७ हजार रुपये आहेत. वायद्यांमध्येही एप्रिल डिलेवरीचे भाव १५ हजार ८०० रुपयांच्या दरम्यान आहे. वायद्यांमध्ये हळद आज सुधारली होती. यंदा हळदीची लागवड वाढली आहे. मात्र, असे असले तरी पावसाने मोठे नुकसान झाले आहे. यामुळे उत्पादनात फार वाढ होण्याची शक्यता कमीच आहे. त्यामुळे हळदीच्या भावालाही आधार राहील, असा अंदाज हळद बाजारातील अभ्यासकांनी व्यक्त केला..कांदा आवकेत सुधारणाराज्यातील बाजारात मागील काही दिवसांपासून मेथीच्या भाजीची आवक सुधारली आहे. यामुळे मेथीच्या दरावर परिणाम दिसत आहे. राज्यातील बहुतांशी बाजारांमध्ये मेथीची आवक वाढली आहे. सध्या बाजारात मेथीला गुणवत्तेनुसार प्रतिशेकडा ५०० ते ९०० रुपये दर मिळत आहे. तर क्विंटलमध्ये १७०० रुपयांपासून २२०० रुपयांपर्यंत भाव मिळत आहे. मेथीची बाजारातील आवक पुढील काही दिवसांमध्ये पुन्हा सुधारण्याची शक्यता आहे. यामुळे दरालाही याचा आधार मिळेल, अशी शक्यता भाजीपाला बाजारातील अभ्यासकांनी व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
