Market Bulletin: सोयाबीनच्या दरात काहीशी वाढमागील ३ दिवसांमध्ये सोयाबीनच्या भावात क्विंटलमागे १०० ते १५० रुपयांची वाढ झाली आहे. सोयाबीनमधील कमी होत असलेला ओलावा, दिवाळीनंतर कमी झालेली सोयाबीनची आवक आणि मुख्यमंत्र्यांनी खरेदीची केलेली घोषणा यामुळे सोयाबीनच्या भावात सुधारणा दिसून आली. प्रक्रिया प्लांट्सचे खरेदीचे भाव ४५५० ते ४६०० रुपयांच्या दरम्यान होते. तर बाजार समित्यांमधील सरासरी भावपातळी ४ हजार ते ४ हजार १०० रुपयांच्या दरम्यान आहे. असे असले तरी सध्याचे बाजारभाव हमीभावापेक्षा कमीच आहेत. त्यामुळे शेतकऱ्यांनी सरकारला हमीभावानेच विक्री करावी, असे आवाहन अभ्यासकांनी केले आहे. .कापूस भाव दबावातचदेशातील बाजारात कापासाचे भाव दबावातच आहेत. कापसाला प्रतिक्विंटल सरासरी आजही ६ हजार ५०० ते ७ हजारांचा भाव मिळत आहे. सीसीआयची हमीभावाने खेरदीही सुरु झाली आहे. मात्र, कापसात ओलावा अधिक असल्याने सीसीआय हा कापूस घेत नाही. जास्त ओलावा असलेला कापूस खुल्या बाजारात विकला जात आहे. या कापसाचे भाव दबावात आहेत. सरकारने यंदा मध्यम लांब धाग्याच्या कापसासाठी प्रतिक्लिंटल सरासरी ७७१० रुपये आणि लांब धाग्याच्या कापसासाठी ८११० रुपये हमीभाव जाहीर केला आहे. त्यामुळे शेतकऱ्यांनी सीसीआयला कापूस द्यावा, असे आवाहन अभ्यासकांनी केले आहे..Maize Market : मका आयात आत्मघातकी ठरेल.शेवगा तेजीतचराज्यातील बाजारात शेवग्याची आवक कमीच आहे. तर दुसरीकडे शेवग्याला उठाव आहे. यामुळे दरातील तेजी टिकून आहे. शेवगा मागील २ महिन्यांपासून भाव खात आहे. आजही शेवगा सरासरी ६ हजार ते ७ हजाराने विकला जात आहे. पावसाचा शेवगा पिकाला जोरदार दणका बसला. ऑगस्टपासून बाजारातील आवक कमीच दिसत आहे. शेवग्याची बाजारातील आवक पुढील काही आठवडे वाढण्याची शक्यता कमीच आहे. त्यामुळे पुढील काही आठवडे शेवग्याचे दर तेजीतच राहतील, असा अंदाज व्यापारी आणि शेतकरी व्यक्त करत आहेत..Bhavantar Yojana : ‘भावांतर’साठी मध्य प्रदेश सरकारकडे नाही निधी.संत्रा आवक मर्यादीतबाजारातील संत्र्याची आवक मर्यादीत आहे. संत्रा पिकाला ऑगस्ट आणि सप्टेंबर महिन्यातील पावसाचा जोरदार तडाखा बसला आहे. अनेक भागात मोठ्या प्रमाणात फळगळ झाली. त्याचा उत्पादनावर परिणाम झाला आहे. उत्पादन यंदा निम्म्याने कमी झाल्याचे अनेक शेतकऱ्यांनी सांगितले. असे असले तरी पावसाळी वातावरण आणि हवेतील गारवा यामुळे संत्र्याला मागणीही मर्यादीत असल्याचे व्यापारी सांगत आहेत. त्यामुळे सध्या बाजारात संत्रा ५ हजार ते ६ हजार रुपये दर मिळत आहे. बाजारातील संत्र्याची आवक पुढील काही आठवडे कायम राहण्याची शक्यता आहे. त्यामुळे दरही टिकून राहू शकतात, असा अंदाज जाणकारांनी व्यक्त केला..हरभरा दर कमीचदेशातील बाजारात हरभरा दर दबावातच आहेत. दिवाळीत हरभऱ्याला मागणी असतानाही सरकारच्या धोरणामुळे बाजारावरील दबाव कायम राहीला. बाजारातील हरभऱ्याची आवक कमी आहे. मात्र दुसरीकडे आयातीवर केवळ १० टक्के शुल्क असल्याने आय़ातही सुरु आहे. याचा दबाव बाजारावर आहे. सध्या हरभऱा ५१०० ते ५३०० रुपयांच्या दरम्यान विकाला जात आहे. हरभरा आवक बाजारात कमीच राहण्याची शक्यता आहे. मात्र दरावरील दबावही कायम राहू शकतो, असा अंदाज अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
