Market Bulletin: शेवगा दर तेजीतचबाजारातील शेवग्याची आवक पुन्हा काहिशी कमी झाली आहे. नुकत्याच झालेल्या पावसाने शेवगा पिकाचे मोठ्या प्रमाणात नुकसान केले. त्यामुळे शेवग्याचा तोडा कमी होत असल्याचे शेतकरी सांगत आहेत. शेवग्याची बाजारातील आवक कमी असली तरी सणासुदीच्या पार्श्वभुमीवर शेवग्याला चांगली मागणी आहे. याचा आधार शेवग्याच्या दराला मिळत आहे. सध्या बाजारात शेवग्याला प्रतिक्विंटल सरासरी ३ हजार ५०० ते ४ हजार रुपये दर मिळत आहे. पुढील काळात शेवग्याची आवक जास्त वाढण्याची शक्यता कमीच आहे. त्यामुळे शेवग्याचे दर टिकून राहू शकतात, असा अंदाज शेवगा बाजारातील व्यापारी व्यक्त करत आहेत. .भेंडीला चांगला उठावराज्यातील बाजारात भेंडीला चांगला उठाव आहे. भेंडीची आवक मात्र मर्यादीत असल्याचे व्यापारी सांगत आहेत. भेंडी पिकाला मागील १५ दिवसांमध्ये झालेल्या पावसाचा फटका बसत आहे. त्यामुळे बाजारातील आवक कमी आहे. सध्या भेंडीला प्रतिक्विंटल सरासरी २ हजार ५०० ते ३ हजार रुपये दर मिळत आहे. भेंडीची आवक राज्यातील पुणे, मुंबई, नाशिक आणि नागपूर बाजारातच काहीशी अधिक दिसत आहे. इतर बाजारांमध्ये आवक १०० क्विंटलेक्षा कमीच आहे. बाजारातील आवक आणखी काही आठवडे कमीच राहण्याची शक्यता आहे. त्यामुळे भेंडीचे दर आणखी काही आठवडे टिकून राहतील, असा अंदाज भेंडी बाजारातील व्यापारी व्यक्त करत आहेत..Soybean Price: अपेक्षित दर नसल्याने सोयाबीन नेले परत.हरभरा दरात नरमाईदेशातील बाजारात मागील काही दिवसांपासून हरभऱ्याच्या दरात नरमाई आली आहे. नाफेड खरेदी केलेला हरभरा विकत आहे. तसेच आयात हरभऱ्याचा स्टाॅकही चांगला आहे. त्यामुळे दरावर दबाव आल्याचे अभ्यासकांचे मत आहे. पुढे सणासुदीच्या काळात हरभऱ्याला चांगली मागणी राहील. त्यामुळे दराला आधार आहे. सध्या हरभरा प्रतिक्विंटल सरासरी ५ हजार ३०० ते ५ हजार ७०० रुपयांच्या दरम्यान विकला जात आहे. हरभऱ्याला मागणी येत असली तरी देशात पुरवठा चांगला आहे. त्यामुळे हरभरा दरात फार सुधारणा होण्याची शक्यता कमी आहे. मात्र दरात सध्यातरी मोठी घसरण दिसत नाही, असाही अंदाज अभ्यासकांनी व्यक्त केला. .Banana Market: खानदेशात केळीची आवक घटू लागली.मोसंबी आवक टिकूनमोसंबीच्या दरात मागील काही दिवसांपासून सुधारणा दिसून येत आहे. पावसामुळे मराठवाड्यातील मोसंबी पिकाला मोठा फटका बसला. परिणामी पिकाची गुणवत्तात कमी झाली आहे. बाजारात गुणवत्तापूर्ण मालाची आवक कमी आहे. त्यामुळे या मालाला चांगला भाव मिळत आहे. तर कमी प्रतीच्या मालाचे भाव कमी झाले आहेत. सध्या गुणवत्तेच्या मालाला प्रतिक्विंटल सरासरी ४ हजार ते ५ हजार रुपये दर मिळत आहे. तर कमी प्रतीच्या मालाला १५०० ते २ हजार रुपये दर मिळत आहे. मागील ३ दिवसांमध्ये पुन्हा मोसंबी उत्पादक पट्ट्यात पाऊस पडत आहे. त्यामुळे पुढील काळात बाजारातील मोसंबीची आवक काहिसी कमी राहू शकते, असा अंदाज मोसंबी बाजारातील अभ्यासकांनी व्यक्त केला. .सोयाबीनचे दर दबावातचबाजारात सध्या सोयाबीनची आवक कमीच आहे. त्यातही शेतकऱ्यांचा माल बाजारात नगण्य आहे. तरीही सोयाबीनच्या भावावर दबाव वाढला. प्रक्रिया प्लांट्सनी सोयाबीन खरेदीचे भाव आज १०० ते १५० रुपयांनी कमी केले. प्रक्रिया प्लांट्सचे सोयाबीन खरेदीचे भाव प्रतिक्विंटल ४५०० ते ४६०० रुपयांच्या दरम्यान होते. तर बाजार समित्यांमधील भाव ४ हजार ते ४ हजार २०० रुपयांच्या दरम्यान होते. पुढील काही आठवड्यांमध्ये बाजारात नव्या मालाची आवक सुरु होईल. परंतु यंदा देशात सोयाबीनची लागवड कमी झाली आणि पिकाचे नुकसानही होत आहे. त्यामुळे उत्पादनात घट होण्याची शक्यता आहे. याचा आधार सोयाबीनच्या दराला मिळेल, असा अंदाज अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
