Market Bulletin: हरभरा दरात सुधारणा केंद्र सरकारने हरभऱ्याच्या हमीभावात वाढ केली आहे. याचा आधार बाजाराला मिळाला. हरभऱ्याचे हमीभाव २२५ रुपयांनी वाढवले असून यंदाच्या हंगामात हरभऱ्याला ५ हजार ८७५ रुपये हमीभाव जाहीर करण्यात आला. सरकारने हमीभाव जाहीर केला त्याच वेळी सणांची मागणीही हरभऱ्याला होती. यामुळे दरात क्विंटलमागे ५० ते १०० रुपयांची सुधारणा दिसून आली. हरभरा बाजारभाव सरासरी ५ हजार ३०० ते ५ हजार ६०० रुपयांच्या दरम्यान आहे. पुढील काही दोन आठवडे हरभऱ्याला चांगला उठाव राहण्याची शक्यता आहे. त्यामुळे दरही टिकून राहू शकतात, असा अंदाज हरभरा बाजारातील अभ्यासकांनी व्यक्त केला. .हळद दराला आधारहळदीच्या दरात मागील आठवडाभरात काहिशी सुधारणा दिसून आली. दिवळीसाठी हळदीला उठाव मिळत असल्याने दरालाही आधार मिळाल्याचे व्यापारी सांगत आहेत. हळदीच्या भावात क्विंटलमागे ३०० ते ५०० रुपयांची सुधारणा अनेक बाजारांमध्ये दिसून आली. हळदीचा भाव आज ११ हजार ते १३ हजार रुपयांच्या दरम्यान अनेक बाजारात होता. हळदीला सांगली आणि मुंबई बाजारात कमी आवक आणि मागणीमुळे काहीसा अधिक दर दिसत आहे. हळदीची मागणी आणखी काही दिवस चांगली राहण्याचा अंदाज आहे. त्यामुळे हळदीचे दरही टिकून राहू शकतात, असा अंदाज हळद बाजारातील अभ्यासकांनी व्यक्त केला..Rabi Season MSP: गव्हात १६०, हरभऱ्यात २२५ रुपये वाढ.संत्रा आवक कमीचराज्यातील बाजारात संत्र्यांची आवक कमीच आहे. संत्रा पिकाला पावसाचा जोरदार फटका बसल्याने बाजारात गुणवत्तापूर्ण मालाची आवक कमीच आहे. तर दुसरीकडे संत्र्याला उठावही मर्यादीतच दिसत आहे. ऑक्टोबरमध्ये पुढील काळात मागणी सुधारण्याची शक्यता आहे. सध्या संत्रा सरासरी ३ हजार ते ३ हजार ५०० रुपयांच्या दरम्यान विकला जात आहे. संत्र्याची बाजारातील आवक पुढील काही आठवडे मर्यादीतच राहण्याची शक्यता आहे. त्यामुळे दरही टिकून राहू शकतात, असा अंदाज संत्रा बाजारातील अभ्यासकांनी व्यक्त केला..Flower Rate: झेंडूच्या फुलांनी खाल्ला भाव.कांदा दर स्थिरराज्यातील बाजारात मागील काही दिवसांपासून कांद्याची आवक स्थिर आहे. दुसरीकडे खरिप आणि लेट खरिपातील कांद्याला पावसाचा फटका बसला आहे. कांदा उत्पादनात आघाडीवर असलेल्या नाशिक जिल्ह्यातही पिकाचे पावसाने नुकसान झाले. तर काही ठिकाणी चाळीतील कांदाही खराब झाल्याचे शेतकरी सांगत आहेत. पण बाजारातील आवकेमुळे दरात ५० ते १०० रुपयांपर्यंत चढ उतार सुरु आहेत. कांदा आजही ११०० ते १३०० रुपयांच्या दरम्यान विकला जात आहे. कांदा बाजारात पुढील काळात काहीसे चढ उतार दिसू शकतात, असा अंदाज कांदा बाजारातील अभ्यासकांनी व्यक्त केला..गहू दराला हमीभावाचा आधारसरकारने गव्हाच्या हमीभावात १६० रुपयांची वाढ केली. देशात यंदाच्या रब्बी हंगामात गव्हाचे उत्पादन वाढले होते. तसेच सरकारची खरेदीही गेल्यावर्षीच्या तुलनेत वाढलेली आहे. सरकार गव्हाचे दर कमी ठेवण्यासाठी बाजारावर लक्षही ठेऊन आहे. याचा परिणाम दरावर होत आहे. गव्हाचे दर मागील आठवडाभरात क्विंटलमागे काहीसे वाढले. मात्र सणांची मागणी आल्यानंतरही दर अपेक्षेप्रमाणे वाढले नाहीत. गव्हाचा भाव आजही बाजारात २ हजार ६०० ते २ हजार ९०० रुपयांच्या दरम्यान आहेत. गव्हाच्या बाजारातील स्थिती आणखी काही आठवडे कायम राहू शकते, असा अंदाज गहू बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
