Market Bulletin:कापूस भाव कमीच देशातील बाजारात काही ठिकाणी नवीन कापसाची आवक सुरु झाली. मात्र सध्या बाजारात येणाऱ्या कापसामध्ये ओलावा अधिक आहे. त्यामुळे कापसाचे भाव दबावातच आहेत. सीसीआयने देखील २४०० ते २६०० रुपयाने कमी केले आहेत. नवा कापूस सध्या बाजारात सरासरी ६ हजार रुपयाने विकला जात आहे. कापसाची आवक पुढील महिनाभरात वाढण्याची शक्यता आहे. भारत सरकारचे धोरण आणि आंतरराष्ट्रीय बाजारातील दबाव यामुळे देशातही कापसाचे भाव कमीच राहण्याची शक्यता आहे. त्यामुळे कापसाची आक वाढल्यानंतर भावावरील दबाव कायम राहील, असा अंदाज कापूस बाजारातील अभ्यासकांनी व्यक्त केला..सोयाबीनचे भाव दबावातचदेशात मागील काही दिवसांपासून देशात सोयाबीन पिकाचे मोठ्या प्रमाणात नुकसान होत आहे. महाराष्ट्र, मध्य प्रदेश, राजस्थानमध्ये सोयाबीन पिकाचे नुकसान वाढले आहे. त्याचा फटका सोयाबीनच्या उत्पादकतेवर होणार आहे. सध्या काही बाजारांमध्ये सोयाबीनची आवक काहीशी होत आहे. मात्र मालात ओलावा अधिक आहे. त्याचा दबाव दरावर दिसत आहे. सध्या नव्या सोयाबीनला प्रतिक्विंटल सरासरी ४ हजार रुपये दर मिळत आहे. तर जुने सोयाबीन सरासरी ४ हजार १०० ते ४ हजार ३०० रुपयाने विकले जात आहे. सोयाबीनचे नुकसान झाल्याने दराला आधार मिळू शकतो, असा अंदाज सोयाबीन बाजारातील अभ्यासकांनी व्यक्त केला..Agrowon Podcast: तुरीचे दर दबावातच; मक्याचा बाजारभाव स्थिर, कांद्यामुळे शेतकरी अडचणीत, कारली दर टिकून, केळीला उठाव.हरभरा दरात चढ उतारदेशातील बाजारात सध्या हरभऱ्याच्या भावात काहीसे चढ उतार दिसून येत आहेत. सणासुदीमुळे हरभऱ्याला उठाव आहे. नवरात्री, दसरा आणि दिवाळीसाठी हरभरा डाळ तसेच बेसणला मागणी आहे. घरगुती तसेच प्रक्रिया उद्योगातून मागणी आहे. मात्र देशात हरभऱ्याची आयात सुरु आहे. त्यामुळे पुरवठा चांगला आहे. याचा परिणाम दरावर दिसत आहे. सध्या हरभरा ५ हजार ३०० ते ५५०० रुपयाने विकला जात आहे. पिवळा वाटाणा आयातीचाही परिणाम दरावर होत आहे. हरभऱ्याच्या दरावर सरकारही बारकाईने लक्ष ठेऊन आहे. त्यामुळे हरभरा दरात काहीसे चढ उतार सुरु आहेत..Banana Rate: केळी दरावर दबाव वाढला.हळदीचे दर स्थिरदेशातील बाजारात मागील काही आठवड्यांपासून हळदीचे दर स्थिर दिसत आहेत. हळदीला सध्या उठाव मिळत आहे. मात्र देशात हळदीची लागवडही वाढली आहे. त्यामुळे उत्पादनात वाढ होण्याचा अंदाज उद्योगांमधून व्यक्त केला जात आहे. याचा दबाव दरावर येत आहे. हळदीचे दर आजही १० हजार ते १३ हजार रुपये प्रतिक्विंटलच्या दरम्यान आहेत. हळदीला उठाव वाढत आहे. दसरा आणि दिवाळीत हळदीला मागणी असते. याचा आधार हळदीच्या भावाला मिळू शकतो. त्यामुळे दरात काहीशी सुधारणा अपेक्षित आहे, असा अंदाज अभ्यासकांनी व्यक्त केला..आल्याचे दर टिकूनमागील काही आठवड्यांपासून आल्याच्या दरात सुधारणा दिसून आली होती. आल्याची बाजारातील आवक कमी होती. मात्र दुसरीकडे आल्याला चांगला उठाव असल्याने आल्याचे दर सुधारले होते. मात्र मागील ३ आठवड्यांमध्ये आल्याचे दर पुन्हा स्थिरावले आहेत. आल्याला आता दसरा आणि दिवाळीमुळे मागणी वाढण्याची शक्यता आहे. मात्र दुसरीकडे बाजारातील आल्याची आवक काहीशी मर्यादीतच राहू शकते, असा अंदाज आहे. त्यामुळे आल्याच्या दरातही सुधारणा दिसू शकते, असा अंदाज अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
