Market Bulletin: हरभरा दर स्थिरदेशातील बाजारात मागील काही दिवसांपासून हरभरा दर स्थिर आहेत. नाफेड खरेदी केलेला हरभरा विकत आहे. तसेच आयात हरभऱ्याचा स्टाॅकही चांगला आहे. त्यामुळे दरावर दबाव आल्याचे अभ्यासकांचे मत आहे. पुढे सणासुदीच्या काळात हरभऱ्याला चांगली मागणी राहील. त्यामुळे दराला आधार आहे. सध्या हरभरा प्रतिक्विंटल सरासरी ५ हजार ३०० ते ५ हजार ७०० रुपयांच्या दरम्यान विकला जात आहे. हरभऱ्याला मागणी येत असली तरी देशात पुरवठा चांगला आहे. त्यामुळे हरभरा दरात फार सुधारणा होण्याची शक्यता कमी आहे. मात्र दरात सध्यातरी मोठी घसरण दिसत नाही, असाही अंदाज अभ्यासकांनी व्यक्त केला..वांग्याचे दर टिकूनराज्यातील बाजारात वांग्याचे दर टिकून आहेत. मागील दोन महिन्यांपासून वांग्याची आवक मर्यादीत दिसत आहे. तर वांग्याला मागणी मात्र चांगली आहे. त्यामुळे दरही टिकून आहेत. पावसाचा राज्यातील अनेक भागात वांगी पिकाला मोठा फटका बसला. अनेक जिल्ह्यांमध्ये काही ठिकाणी सलग काही दिवस पाऊस होता. यामुळे बाजारातील वांग्याची आवक कमीच आहे. त्यामुळे वांग्याला सध्या सरासरी २ हजार ५०० ते ३ हजार रुपये प्रतिक्विंटलच्या दरम्यान दर मिळत आहेत. वांगीचे दर पुढील काही आठवडे कायम राहू शकतात, असा अंदाज वांगी बाजारातील अभ्यासकांनी व्यक्त केला. .Lemon Rate : बाजारात लिंबाच्या दरात मोठी घट.हळदीची मागणी कायम देशातील बाजारात हळदीची आवक सरासरीपेक्षा चांगली असल्याचे व्यापारी सांगत आहेत. तर दुसरीकडे पावसामुळे हळदीला असलेली मागणी मागील दोन महिन्यात कमी झाली होती. त्याचा दबाव दरावर आला आहे. हळदीचे भाव मागील दोन महिन्यांपासून १० हजार ते १३ हजारांच्या दरम्यान आहेत. निर्यातीसाठीही हळदीला अपेक्षित उठाव नाही. त्यातच सध्या लागवड आघाडीवर. गेल्यावर्षीपेक्षा हळदीची लागवड वाढली आहे. पुढे सणासुदीच्या काळात हळदीला मागणी वाढेल. परंतु दरवाढीवर मर्यादा राहतील, असा अंदाज हळद बाजारातील अभ्यासकांनी दिला. .Cotton Import Duty : कापूस उत्पादकांची चिंता वाढणार; सीसीआय करतेय कापसाचे भाव कमी.उडदाचा भाव दबावातचदेशातील बाजारात उडदाची आवक कमीच आहे. मात्र तरीही उडदाचे भाव दबावात आहेत. उडदाला सरासरी ६ हजार ५०० ते ७ हजारांचा भाव मिळत आहे. उडादाची बाजारातील आवक कमी असली तरी आयात माल जास्त आहे. आयात उडादाचा स्टाॅक देशात आहे. त्याचा दबाव दरावर असल्याचे प्रक्रियादार सांगत आहेत. यंदा देशातील उडदाची लागवड गेल्यावर्षीप्रमाणे झाल्याचे दिसत आहे. तसेच देशातील अनेक भागात पिकाची स्थितीही चांगली आहे. त्यामुळे यंदा उत्पादन वाढीची शक्यता व्यक्त केली जात आहे. नवा उडीद पुढील काही आठवड्यांमध्ये बाजारात येईल. त्यामुळे दरावर दबाव राहू शकतो, असा अंदाज उडीद बाजारातील अभ्यासक व्यक्त करत आहेत..लसणाचे भाव स्थिरराज्यातील बाजारात लसणाची आवक चांगली सुरु आहे. त्यामुळे दरातही स्थिरता दिसून आली. परराज्यातूनही लसूण विक्रीसाठी राज्यात येत आहेत. परिणामी लसणाचा पुरवठा चांगला दिसत आहे. लसणाची आवक पुणे, मंबई, नाशिक, नागपूर अशा मोठ्या बाजारात जास्त दिसत आहे. तर सरासरी दरपातळी ६ हजार ते ७ हजार रुपयांच्या दरम्यान आहे. पुढील काही आठवडे लसणाची आवक स्थिर राहू शकते. मात्र पहिल्या पावसानंतर लागवड केलेला लसूण बाजारात आल्यानंतर आवक सुधारण्याची शक्यता आहे. त्यामुळे दरावर आणखी दबाव येऊ शकतो, असे व्यापारी सांगत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
