Market Bulletin: आले दरात सुधारणाबाजारतील आल्याची आवक कमी झाली आहे. तर आल्याला उठाव चांगला आहे. त्यामुळे आल्याच्या दरात सुधारणा दिसून आली. मागील दोन आठवड्यांमध्ये आल्याचे दर क्विंटलमागे १ हजार रुपयाने वाढले आहेत. बाजारात सध्या आल्याचे व्यवहार ४ हजार ते ५ हजार रुपये प्रतिक्विंटलने होत आहेत. आल्याला मागणी वाढल्याचे चित्र आहे. मात्र बाजारातील आवक कमीच आहे. ही स्थिती आणखी काही आठवडे राहण्याची शक्यता आहे. त्यामुळे वाढलेले दर टिकून राहू शकतात, असा अंदाज आले बाजारातील अभ्यासकांनी व्यक्त केला. .सोयाबीनमध्ये काहीशी वाढऑगस्ट महिन्यात सोयाबीनच्या भावात चांगले चढ उतार पाहायला मिळाले. आधी देशीतील कमी लागवड आणि चांगली मागणी यामुळे दरात ५०० रुपयांपर्यंत दरवाढ झाली होती. मात्र दरात पुन्हा २०० ते ३०० रुपयांची नरमाई आली. परंतु दरातील नरमाई थांबवून मागील आठवड्यात दर पुन्हा ५० रुपयांनी वाढले होते. आज देशात प्रक्रिया प्लांट्सचे भाव ४ हजार ७५० ते ४ हजार ९०० रुपयांच्या दरम्यान होते. बाजार समित्यांमधील दरपातळी ४ हजार ४०० ते ४ हजार ६०० रुपयांच्या दरम्यान आहे. देशातील सोयाबीन लागवड यंदा घटली आहे. तर महत्वाच्या सोयाबीन उत्पादक महाराष्ट्र आणि मध्य प्रदेशात पिकाचे नुकसानही झाले आहे. त्यामुळे दराला आधार मिळत आहे, असे अभ्यासकांनी सांगितले..Turmeric Futures Ban : हळदीच्या वायदेबंदीची मागणी कितपत योग्य?.हरभरा दर टिकूनहरभऱ्याला मागील दोन महिन्यांपासून चांगला आधार मिळत आहे. सणासुदीच्या काळात हरभरा डाळ आणि बेसनला चांगला उठाव असतो. त्यामुळे हरभऱ्याला मागणी वाढलेली आहे. याचा परिणाम दरावर झाला असून मागील महिनाभरात दर ६ हजारांच्या घरात पोचले. आजही बाजारात हरभऱ्याचे व्यवहार ५ हजार ७०० ते ६ हजार रुपये प्रतिक्विंटलच्या दरम्यान झाले. मुंबई आणि दिल्ली बाजारात हरभऱ्याचे दर जास्त आहेत. यापुढे हरभऱ्याला आणखी मागणी वाढण्याची शक्यता आहे. तर दुसरीकडे आयात मालही देशात उपलब्ध आहे. त्यामुळे हरभरा दरातील वाढीवर मर्यादा आहेत. मात्र, दरपातळी कमी होण्याची शक्यता दिसत नाही, असे अभ्यासकांनी सांगितले..Ginger Price: आले दरात सात हजार रुपयांपर्यंत सुधारणा.शेवगा आवक वाढलीबाजारात शेवग्याची आवक मागील काही आठवड्यांपासून वाढताना दिसत आहे. त्याचा दबाव दरावर दिसून आला. शेवग्याचे भाव मागील महिनाभरात क्विंटलमागे २ हजारांपर्यंत कमी झाले आहेत. मात्र, नुकत्याच झालेल्या पावसाने शेवगा पिकाचे मोठ्या प्रमाणात नुकसान केले. त्यामुळे दरपातळी टिकून आहे. सध्या बाजारात शेवग्याला प्रतिक्विंटल सरासरी २ हजार ५०० ते ३ हजार रुपये दर मिळत आहे. पुढील काळात शेवग्याची आवक जास्त वाढण्याची शक्यता कमीच आहे. त्यामुळे शेवग्याचे दर टिकून राहू शकतात, असा अंदाज शेवगा बाजारातील व्यापारी व्यक्त करत आहेत..केळीचे दर टिकूनश्रावण महिन्यामुळे केळीच्या दाराला चांगला आधार आहे. उपवास आणि विधिंमुळे केळीला चांगली मागणी आहे. तर बाजारातील केळीची पुरवठा मर्यादीत आहे. त्यामुळे केळीचे भावही टिकून आहेत. सध्या राज्यातील केळीला उत्तरेतही चांगली मागणी आहे. मात्र बाजारात गुणवत्तापूर्ण केळीची टंचाई कायम आहे. यामुळे केळीला सध्या सरासरी १५०० ते २ हजार रुपयांच्या दरम्यान गुणवत्तेप्रमाणे दर मिळत आहे. केळीला श्रावण महिना आणि त्यानंतर गणपती उत्सवातही चांगली मागणी राहणार आहे. त्यामुळे केळीच्या दराला चांगला आधार राहील, असा अंदाज केळी बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
