Market Bulletin: आले दरात सुधारणाआल्याच्या दरात मागील काही काही आठवड्यांपासून सुधारणा होत आहे. चालू हंगामात आल्याच्या लागवडीत घट दिसून येत आहे. तसेच बाजारातील आल्याची आवकही कमी असल्याचे व्यापारी सांगत आहेत. त्याचा परिणाम दरावर होत असून मागील महीनाभरात आल्याच्या दरात क्विंटलमागे एक हजार ते दीड हजारांची सुधारणा पाहायला मिळाली. आल्याचे दर आता ३ हजार ५०० ते ४ हजार रुपयांवर पोचले आहेत. आल्याच्या भावातील सुधारणा कायम राहील, असा अंदाज आले बाजारातील अभ्यासकांनी व्यक्त केला. .जिऱ्याचे भाव टिकूनदेशातील बाजारता जिऱ्याचे भाव टिकून आहेत. चालू हंगामात जिऱ्याचे उत्पादन वाढले होते. मात्र गेल्या हंगामातील शिल्लक साठा कमी होता. त्यामुळे देशातील एकूण पुरवठा कमीच राहीला. जिऱ्याच्या भावात मागील वर्षाच्या तुलनेत घट झाली तरी दरपातळी जास्त नरमली नाही. सध्या जिरा गुणवत्तेप्रमाणे २५ हजार ते २७ हजार रुपये प्रतिक्विंटलने विकला जात आहे. जिऱ्याला आता सणासुदीच्या काळात चांगलीच मागणी वाढण्याचा अंदाज आहे. त्यामुळे जिऱ्याच्या दरातही सुधारणा होऊ शकते, असा अंदाज जिरा व्यापारी व्यक्त करत आहेत..Ginger Rate: आले पिकाच्या दरात सुधारणा.कांद्यात काहीसे चढ उतारकांद्याच्या बाजारात मागील आठवडाभरापूसन काहीसे चढ उतार दिसून येत आहेत. देशात महाराष्ट्र, मध्य प्रदेश, कर्नाटक, आंध्र प्रदेशात कांद्याची आवक सुरु आहे. त्यामुळे बाजारात कांद्याचे दर दबावात आहेत. कांद्याच्या दरात मागील आठवड्यात १०० रुपयांपर्यंत चढ उतार दिसले. सध्या कांद्याला सरासरी १२०० ते १४०० रुपये दर मिळाला. चांगल्या गुणवत्तेचा कांदा १६०० ते १७०० रुपयाने विकला जात आहे. कांद्याची बाजारातील आवक पुढील काही आठवडे कायम राहण्याची शक्यता आहे. त्यामुळे कांद्याच्या दरातील चढ उतारही कायम राहू शकतात, असा अंदाज कांदा बाजारातील अभ्यासकांनी व्यक्त केला..Agrowon Podcast: मक्याचा बाजार स्थिर; कापूस दर स्थिर, टोमॅटोमध्ये काहीसे चढ उतार, तर डाळिंब व केळीला चांगली मागणी कायम .गव्हाचे दर स्थिरदेशातील बाजारात गव्हाचे भाव स्थिर आहेत. बाजारातील आवक सध्या कमी आहे. उत्तर प्रदेश, मध्य प्रदेश, राजस्थान आणि पंजाबमधील बाजारात आवक काहीशी अधिक आहे. सरकारने यंदा ३०० लाख टनांहून अधिक गव्हाची खरेदी केली आहे. हा गहू सरकार पुढील काळात बाजारात उतरवू शकते. सध्या गहू २६०० ते २७०० रुपयांच्या दरम्यान विकला जात आहे. पुढील काळात सणासुदीमुळे गव्हाला मागणी वाढणार आहे. सणासुदीत रवा आणि मैदा यासारख्या गव्हाच्या पदार्थांना मोठी मागणी असते. बाजारातील आवक सुधारल्यास दराला काहीसा आधार मिळू शकतो, असा अंदाज गहू बाजारातील अभ्यासकांनी व्यक्त केला..पपईची आवक कमीचपपईला मागणी असतानाच बाजारातील आवक मात्र कमी आहे. त्यामुळे पपईच्या दरात मागील दोन आठवड्यांमध्ये सुधारणा झाली होती. पपईचे हे दर टिकून आहेत. सध्या राज्यात पपईचे उत्पादन कमी आहे. त्यातही दर्जेदार पपईची टंचाई भासत आहे. राज्यातील बाजारातही पपईची मागणी आहे. उत्तर भारतातूनही मागणी आहे. त्यामुळे शेतकऱ्यांना जागेवर सध्या १६०० ते १८०० रुपये प्रतिक्विंटलचा दर मिळत आहे. श्रावणमास व अन्य कारणांमुळे पपईला मागणी आहे. दुसरीकडे बाजारात पपईची आवक कमी आहे. त्यामुळे पुढील काही आठवडे दर स्थिर राहू शकतात, असा अंदाज पपई बाजारातील व्यापाऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
