Market Bulletin: आल्याचे दर टिकून आल्याच्या दरात मागील दीड महिन्यात चांगली सुधारणा दिसून आली. आल्याला चांगली मागणी असूने दरात सुधारणा झाली, असे व्यापारी सांगत आहेत. मागील महीनाभरातच आल्याचे दर क्विंटलमागे १५०० रुपयाने वाढले आहेत. सध्या आले ४ हजार ते ५ हजार रुपये प्रतिक्विंटलच्या दरम्यान विकले जात आहे. पावसाचाही आल्याच्या आवकेवर परिणाम दिसून येत आहे. पुढील काळात सणासुदीमुळे आल्याला चांगला उठाव राहील. त्यामुळे आल्याच्या दरात आणखी सुधारणा होऊ शकते, असा अंदाज व्यापारी आणि अभ्यासकांनी व्यक्त केला. .पपईचे दर स्थिरावलेपपईचे दर मागील काही दिवसांपासून स्थिरावले आहेत. पपईला मागणी असतानाच बाजारातील आवक मात्र कमी झाली आहे. त्यामुळे पपईच्या दरात सुधारणा झाली होती. पपईचे हे दर टिकून आहेत. सध्या राज्यात पपईचे उत्पादन कमी आहे. त्यातही दर्जेदार पपईची टंचाई भासत आहे. राज्यातील बाजारातही पपईची मागणी आहे. उत्तर भारतातूनही मागणी आहे. त्यामुळे शेतकऱ्यांना जागेवर सध्या १६०० ते १८०० रुपये प्रतिक्विंटलचा दर मिळत आहे. श्रावणमास व अन्य कारणांमुळे पपईला मागणी आहे. दुसरीकडे बाजारात पपईची आवक कमी आहे. त्यामुळे पुढील काही आठवडे दर स्थिर राहू शकतात, असा अंदाज पपई बाजारातील व्यापाऱ्यांनी व्यक्त केला. .Monsoon Rain: विदर्भ, कोकणात जोरदार पावसाचा अंदाज; राज्यात पुढील ३ दिवस अनेक भागात पावसाची शक्यता.केळीचे दर दबावातचकेळीला मागील महिनाभरापासून उठाव मिळत आहे. त्यामुळे केळीचे दरही टिकून आहेत. मात्र शेतकऱ्यांना केळीसाठी कमी भाव मिळत आहे. त्यामुळे शेतकरी अडचणीत आले आहेत. गणपती उत्सवात केळीला मागणी कायम आहे. यापुढे केळीला चांगली मागणी राहील. किरकोळ बाजारात केळीचे दरही वाढले. मात्र त्या प्रमाणात शेतकऱ्यांना दर मिळात नाही. सध्या बाजारात केळी १५०० ते २ हजार रुपये प्रतिक्विंटलच्या दरम्यान विकली जात आहे. तर शेतकऱ्यांची मागणी यापेक्षा अधिक दराची आहे. केळीला जास्त दर मिळावा, अशी मागणी शेतकरी करत आहेत. .Maharashtra Rainfall: ऑगस्टअखेर पावसाने सरासरी ओलांडली.ज्वारीला मागणी कायमअलीकडच्या काही वर्षांपासून गावरान ज्वारीची मागणी वाढत आहे. मात्र मागणी वाढूनही ज्वारीच्या दरात सुधारणा होत नसल्याची बाजारातील स्थिती आहे. सध्या राज्यात ज्वारी गुणवत्तेनुसार २ हजार ५०० ते ४ हजारांच्या दरम्यान विकली जात आहे. ज्वारी उत्पादनात अहिल्यानगर, धाराशिव, बीड, सोलापूरसह काही जिल्हे आघाडीवर असतात. ज्वारीचे उत्पादन वाढत आहे. मात्र, सध्या बाजारातील आवक कमी आहे. गेल्या काही दिवसांचा विचार करता ज्वारीला मागणी असूनही फारसा दर मिळत नाही. बाजारातही ज्वारीचा दर्जा चांगला असल्याचे सांगत व्यापाऱ्यांकडूनही हमी दरापेक्षा कमी दराने ज्वारीची खरेदी केली जात आहे. ज्वारीचे दर काही आठवडे कायम राहू शकतात, असा अंदाज ज्वारी बाजारातील अभ्यासकांनी व्यक्त केला. .बेदाण्याचे दर तेजीतदेशात यंदा बेदाण्याचे उत्पादन कमी झाले. त्यामुळे हंगामाच्या सुरुवातीपासूनच बेदाणा दर गेल्यावर्षीपेक्षा अधिक आहेत. बेदाण्याला यंदा मागणीही चांगली राहीली. याचाही आधार दराला मिळाला. सध्या राज्यातील मोठ्या बाजारांमध्ये बेदाणा २५० ते ३५० रुपये प्रतिकिलोने विकला जात आहे. तर शेतकऱ्यांना मिळणारा दर २२० ते २७० रुपयांच्या दरम्यान आहे. सध्या बेदाण्याला सणांची मागणी येत आहे. त्यामुळे उठावही चांगला मिळत आहे. बेदाण्याची मागणी पुढील काही महीने चांगली राहण्याची शक्यता आहे. त्यामुळे बेदण्याचे दरही टिकून राहतील, असा अंदाज व्यापारी आणि अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
