Market Bulletin: डाळिंबाचे भाव तेजीतच राज्यातील बाजारात मागल काही आठवड्यांपासून डाळिंची आवक वाढली. मात्र बाजारात येणाऱ्या मालामध्ये डागी मालाचे प्रमाण अधिक आहे. आजही बाजारात गुणवत्तापूर्ण डाळिंब कमी प्रमाणात वि्क्रीसाठी येत आहे. त्यामुळे गुणवत्तापर्ण मालाचे भाव जास्त आहेत. डागी मालाला सध्या २ हजारांपासून ते ५ हजारांपर्यंत गुणत्तेप्रमाणे दर मिळत आहे. तर गुणवत्तापूर्ण डाळिंब आजही बाजारात ७ हजार ते ११ हजारांच्या दरम्यान विकला जात आहे. बाजारातील गुणवत्तापूर्ण डाळिंबाची आवक मर्यादीतच राहण्याची शक्यता आहे. तर दुसरीकडे उठाव चांगला राहील. त्यामुळे डाळिंबातील तेजी टिकून राहील, असा अंदाज डाळिंब बाजारातील अभ्यासकांनी व्यक्त केला. .हळदीला चांगला उठावदेशातील बाजारात हळदीची आवक सरासरीपेक्षा चांगली असल्याचे व्यापारी सांगत आहेत. तर दुसरीकडे पावसामुळे हळदीला असलेली मागणी मागील दोन महिन्यात कमी झाली होती. त्याचा दबाव दरावर आला आहे. हळदीचे भाव मागील दोन महिन्यांपासून १० हजार ते १३ हजारांच्या दरम्यान आहेत. निर्यातीसाठीही हळदीला अपेक्षित उठाव नाही. त्यातच सध्या लागवड आघाडीवर. गेल्यावर्षीपेक्षा हळदीची लागवड वाढली आहे. पुढे सणासुदीच्या काळात हळदीला मागणी वाढेल. परंतु दरवाढीवर मर्यादा राहतील, असा अंदाज हळद बाजारातील अभ्यासकांनी दिला. .Onion Import Duty: श्रीलंकेकडून पाच पटीने कांदा आयात शुल्कात वाढ.गवारचे दर तेजीतचराज्यातील बाजारात मागील काही महिन्यांपासून गवारला चांगला दर मिळत आहे. गवारची बाजारातील आवकच कमी आहे. त्यातच गवारला चांगली मागणी आहे. त्यामुळे दराला मजबूत आधार असल्याचे व्यापारी सांगत आहेत. गवार पिकाला नुकत्याच झालेल्या पावसाचाही चांगलाच दणका बसला. त्यामुळे गवारचे भाव ४ हजार ते ४ हजार ५०० रुपये प्रतिक्विंटलच्या दरम्यान आहेत. बाजारातील गवारची आवक कमीच राहण्याची शक्यता आहे. त्यामुळे गवारचे भावही टिकून राहतील, असा अंदाज गावरचे व्यापारी व्यक्त करत आहेत. .Cotton Import Duty: आयातीच्या लोंढ्यात पांढरे सोने काळवंडणार.पपईची आवक घटलीपपईला मागणी असतानाच बाजारातील आवक मात्र कमी झाली आहे. त्यामुळे पपईच्या दरात मागील दोन आठवड्यांमध्ये सुधारणा झाली होती. पपईचे हे दर टिकून आहेत. सध्या राज्यात पपईचे उत्पादन कमी आहे. त्यातही दर्जेदार पपईची टंचाई भासत आहे. राज्यातील बाजारातही पपईची मागणी आहे. उत्तर भारतातूनही मागणी आहे. त्यामुळे शेतकऱ्यांना जागेवर सध्या १६०० ते १८०० रुपये प्रतिक्विंटलचा दर मिळत आहे. श्रावणमास व अन्य कारणांमुळे पपईला मागणी आहे. दुसरीकडे बाजारात पपईची आवक कमी आहे. त्यामुळे पुढील काही आठवडे दर स्थिर राहू शकतात, असा अंदाज पपई बाजारातील व्यापाऱ्यांनी व्यक्त केला. .लसणाचे भाव स्थिरराज्यातील बाजारात लसणाची आवक चांगली सुरु आहे. त्यामुळे दरातही स्थिरता दिसून आली. परराज्यातूनही लसूण विक्रीसाठी राज्यात येत आहेत. परिणामी लसणाचा पुरवठा चांगला दिसत आहे. लसणाची आवक पुणे, मंबई, नाशिक, नागपूर अशा मोठ्या बाजारात जास्त दिसत आहे. तर सरासरी दरपातळी ६ हजार ते ७ हजार रुपयांच्या दरम्यान आहे. पुढील काही आठवडे लसणाची आवक स्थिर राहू शकते. मात्र पहिल्या पावसानंतर लागवड केलेला लसूण बाजारात आल्यानंतर आवक सुधारण्याची शक्यता आहे. त्यामुळे दरावर आणखी दबाव येऊ शकतो, असे व्यापारी सांगत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
