Market Bulletin: आल्याचे दर टिकूनराज्यातील बाजारात आल्याची आवक स्थिर आहे. पावसामुळे आल्याच्या पिकाला फटका बसल्याचे शेतकरी सांगत आहेत. त्यामुळे बाजारातील आल्याची आवक जास्त प्रमाणात वाढली नाही. तर दुसरीकडे आल्याला उठाव चांगला आहे. सध्या बाजारात आले प्रतिक्विंटल सरासरी ४ हजार ते ५ हजारांच्या दरम्यान विकले जात आहे. पुढली काळातही बाजारातील आल्याची आवक स्थिर राहण्याची शक्यता आहे. तर पुढील काळात मागणीही सुधारण्याची शक्यता आहे. त्यामुळे आल्याचे दर टिकून राहू शकतात, असा अंदाज आले बाजारातील व्यापारी आणि शेतकरी व्यक्त करत आहेत. .लसणाला उठावराज्यातील बाजारात लसणाची आवकही मर्यादीत होत आहे. राज्यातील लसूण पिकाला पावसाचा जोरदार तडाखा बसला. अनेक भागात लसणाच्या पिकाचे मोठे नुकसान झाले. सध्या परराज्यातून होणारी आवकही मर्यादीत झाली आहे. त्याचा आधार दराला आहे. सध्या लसूण प्रतिक्विंटल सरासरी ६ हजार ते ७ हजार रुपये प्रतिक्विंटलच्या दरम्यान विकला जात आहे. लसणाची बाजारातील आवक पुढील काही दिवस स्थिर राहण्याची शक्यता आहे. तसेच लसणाला मागणी येण्याची शक्यता आहे. त्यामुळे लसणाचे दर टिकून राहतील, असा अंदाज लसूण बाजारातील जाणकारांनी व्यक्त केला. .Turmeric Market: हिंगोली बाजार समितीत हळदीची १ लाख ९८ हजार क्विंटल आवक.मुगाचा भाव दबावातचराज्यातील काही बाजारात नव्या मुगाची आवक होत आहे. मात्र मूग पिकाची गुणवत्ता पावसामुळे कमी झाली आहे. तसेच उत्पादनही मोठ्या प्रमाणात कमी झाले. त्यामुळे आवकही मर्यादीत आहे. मात्र असे असतानाही मुगाचे भाव हमीभावापेक्षा कमीच आहेत. मुगाला सध्या बाजारात ६ हजार ते ६५०० रुपयांचा द मिळत आहे. आयात मालाचा दबाव दरावर येत असल्याचे अभ्यासकांनी सांगितले. मुगाची आवक पुढील काळातही कमीच राहण्याची शक्यता आहे. मात्र सरकारी धोरणांचा दबाव दरावर राहण्याची शक्यता आहे, असे अभ्यासकांनी सांगितले. .Sugar Export: साखर निर्यातीबाबत केंद्र सरकार सकारात्मक.हळदीचे दर स्थिरावलेदेशातील बाजारात हळदीचे दर मागील आठवडाभरापासून स्थिरावलेले दिसत आहेत. हळदीला दिवाळीची मागणी आल्यानंतर दरात काहीशी हालचाल पाहायला मिळाली. मात्र दिवाळीनंतर बाजारात पुन्हा मागणी सुस्त पडल्याचे व्यापारी सांगत आहेत. त्यातच चालू हंगामात हळदीची लागवड बऱ्यापैकी वाढल्याचे शेतकऱ्यांनी सांगितले. याचा परिणाम दरावर दिसत आहे. हळदीला सध्या बाजारात १२ हजार ते १३ हजार रुपये प्रतिक्विंटलच्या दरम्यान दर मिळत आहे. देशात हळदीचा साठाही पुरेसा असल्याचे कंपन्यांचे म्हणणे आहे. त्यामुळे हळदीच्या दरात पुढील काही दिवस स्थिरता दिसू शकते, असा अंदाज हळद बाजारातील अभ्यासकांनी व्यक्त केला. .शेपुचे दर टिकूनराज्यातील बाजारात शेपुच्या भाजीची आवक मर्यादीत होत आहे. पावसामुळे पालेभाज्या पिकांना जोरदार फटका बसला. अनेक ठिकाणी प्लाॅट खराब झाले. परिणामी सध्या बाजारात पालेभाज्यांची आवक कमी होत आहे. तर दुसरीकडे बाजारात उठाव चांगला आहे. त्यामुळे दर तेजीत आहेत. राज्यातील बाजारात सध्या शेपुला शेकडा सरासरी १ हजार ते १२०० रुपयांचा दर मिळत आहे. मागील ४ दिवसांमध्येही राज्यातील काही भागात पावसाने पुन्हा दणका दिला आहे. त्यामुळे भाजीची बाजारातील आवक लगेच वाढण्याची शक्यता नाही. यामुळे दरालाही चांगला आधार रहील, असा अंदाज जाणकारांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
