Market Bulletin: सोयाबीन दरात नरमाईसोयाबीनच्या दरात मागील दोन आठवड्यांमध्ये काहीशी सुधारणा दिसून आली होती. सोयाबीन पिकाचे महाराष्ट्र, मध्य प्रदेश आणि राजस्थान या राज्यांमध्ये नुकसान झाले होते. त्यामुळे सोयाबीनच्या उत्पादनात घट येण्याची शक्यता आहे. मात्र, सध्या अनेक प्लांट्स मेंनटनन्सवर आहेत. बाजारात येणाऱ्या सोयाबीनमध्ये ओलावाही अधिक आहे. त्यामुळे सोयाबीनचे भाव मागील ५ दिवसांमध्ये कमी होऊन ४१०० ते ४२०० रुपयांवर आले. प्रक्रिया प्लांट्सचा खरेदीचा भावही ४ हजार ५०० ते ५ हजार ५५० रुपये आहे. पुढील काही दिवस सोयाबीनच्या भावात काहीसे चढ उतार दिसू शकतात, असा अंदाज सोयाबीन बाजारातील अभ्यासकांनी व्यक्त केला. .मका दरावर परिणामराज्यात यंदा मक्याची लागवड वाढली आहे. केवळ राज्यातच नाही तर देशातही लागवड वाढली आहे. त्यामुळे खरिपातील मका उत्पादन वाढीची शक्यता आहे. बिहारसह काही राज्यांमध्ये मक्याची आवक वाढत आहे. राज्यातही काही बाजारांमध्ये मका आवक सुधारत आहे. त्याचा परिणाम मक्याच्या दरावर येत आहे. राज्यातील अनेक बाजारात मक्याचा सरासरी भाव २ हजारांवर आला आहे. तर मक्याचा हमीभाव २४०० रुपये आहे. नव्या मालात सध्या ओलावा अधिक दिसत आहे. तसेच आवकेचा दबाव पुढील काही दिवसांमध्ये वाढण्याची शक्यता आहे. त्यामुळे दरावरील दबाव कायम राहू शकतो, असा अंदाज मका बाजारातील अभ्यासकांनी व्यक्त केला..National Pulses Mission : राष्ट्रीय कडधान्य धोरणाची वास्तविकता.मेथीची आवक कमीबाजारात मागील काही दिवसांपासून मेथीच्या भाजीची आवक कमी झाली. पावासने मेथीच्या भाजीचे मोठे नुकसान केले. अनेक भागात सतत पाऊस असल्याने पीक सडल्याचे शेतकरी सांगत आहेत. तसेच काही ठिकाणी पीक खाली झोपले. या पिकाची काढणी शक्य नाही. परिणामी बाजारातील आवक कमी झाली. आवक कमी असल्याने मेथीची भाजीचे दर वाढले आहेत. मेथीच्या भाजीला प्रतिक्विंल ८ हजार ते ९ हजारांचा भाव मिळत आहे. तर शेकडा १६०० ते २ हजाराने मेथी विकली जात आहे. घाऊक बाजारातच आवक नसल्याने भाव तेजीत आल्याने किरकोळ बाजारात मेथीचे दर वाढले आहेत. काही दिवस आवक कमी राहू शकते, असा अंदाज व्यापाऱ्यांनी व्यक्त केला..Onion Payment : केंद्राकडून शेतकऱ्यांना अद्याप कांदा खरेदीचे पूर्ण पैसे मिळेनात.शेवगा तेजीतचराज्यातील बाजारात शेवग्याचे दर तेजीतच आहेत. शेवग्याची बाजारातील आवक मागील महिनाभरापासून कमीच आहे. तर शेवग्याला उठाव चांगला आहे. यामुळे दराला चांगला आधार मिळत आहे. शेवग्याचे दर सध्या ६ हजार ते ७ हजार रुपयांच्या दरम्यान आहेत. शेवगा पिकालाही पावसाचा जोरदार दणका बसला. त्याचा परिणाम उत्पादनावर होत आहे. राज्यातील शेवगा उत्पादक भागातच माल सध्या कमी आहे. त्यामुळे बाजारातील आवक कमी आहे. शेवग्याची बाजारातील आवक आणखी काही आठवडे कमीच राहू शकते, असा अंदाज व्यापारी आणि शेतकरी व्यक्त करत आहेत..लिंबाचे दर टिकूनराज्यातील बाजारत सध्या लिंबाची आवक कमीच आहे. तर दुसरीकडे पावसामुळे लिंबाला उठवही मर्यादीत आहे. त्यामुळे लिंबाचे दर मागील ४ आठवड्यांपासून स्थिर दिसत आहेत. पावसामुळे बाजारातील आवक कमी झाली. अनेक भागातील सततच्या पावसाने फळगळ झाली. तसेच पक्व झालेला माल सडल्याचे प्रमाण वाढले. याचा परिणाम आवकेवर दिसत आहे. सध्या लिंबू ३ हजार ते ३ हजार ३०० रुपयांच्या दरम्यान विकला जात आहे. लिंबाची आवक आणि दर पुढील काही आठवडे कायम राहू शकतात, असा अंदाज व्यापारी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
