Market Bulletin: सोयाबीन दर टिकूनदेशात सोयाबीनचे भाव आज टिकून होते. सोयाबीनचे प्रक्रिया प्लांट्सचे ५ हजार ते ५ हजार २०० रुपयांच्या दरम्यान होते. तर बाजारामध्ये सोयाबीनला प्रतिक्विंटल सरासरी ४ हजार ५०० ते ४ हजार ९०० रुपयांच्या दरम्यान दर मिळत आहे. सोयाबीनची बाजारातील आवकही टिकून आहे. आज देशातील बाजारात जवळपास २ लाख ७० हजार क्विंटलची आवक झाली होती. मध्य प्रदेशातील आवक आजही जास्त आहे. तर महाराष्ट्रातील आवक काहीशी कमी आहे. राजस्थान आणि इतर राज्यांमधील आवकही कमी आहे. बाजारात विक्रीसाठी येणाऱ्या सोयाबीनची आवक पुढील काही दिवसांमध्ये आणखी कमी होण्याची शक्यता आहे. त्यामुळे दरालाही आधार राहील, असा अंदाज सोयाबीन बाजारातील अभ्यासकांनी व्यक्त केला आहे. .कापूस आवक घटलीदेशातील बाजारात कापसाची आवक नव्या वर्षात कमी झालेली आहे. सीसीआयची खरेदी बाजारात सुरु आहे. याचा आधार दराला आहे. आजही देशातील अनेक भागात कापसाचा भाव हमीभावापेक्षा कमी आहे. त्यामुळे शेतकरी सीसीआयला कापूस विकत आहे. काही भागात दर ८ हजारांच्या दरम्यान आहेत. तिथे शेतकरी खुल्या बाजारात कापूस विकत आहेत. देशात कापसाला सरासरी ७ हजार ५०० ते ८ हजारांच्या दरम्यान दर मिळत आहे. पुढील काळात बाजारातील कापसाची आवक कमी होऊन दरात सुधारणा होईल, असा अंदाज कापूस बाजारातील अभ्यासकांनी व्यक्त केला आहे..Urea Import: भारताची युरिया आयात दुपटीहून अधिक.तुरीचे दर दबावातचदेशातील बाजारात तुरीचे दर दबावातच आहेत. तुरीला मागणी आहे. मात्र आयात खुली असल्याने सध्या तुरीचे भाव हमीभावाच्या खालीच आहेत. बाजार समित्यांमध्ये शेतकऱ्यांच्या मालाला प्रतिक्विंटल सरासरी ६ हजार ५०० ते ७ हजारांच्या दरम्यान दर मिळत आहेत. तर हमीभाव यंदा ८ हजार रुपये आहे. यामुळे शेतकरी अडचणीत आले आहेत. कर्नाटक, तेलंगणात तुरीची आवक वाढत आहे. महाराष्ट्रातील काही बाजारांमध्ये तुरीची आवक सुरु झाली आहे. मात्र आवकेचा दबाव अद्याप वाढलेला नाही. पुढील काही आठवड्यांमध्ये आक वाढेल, असा अंदाज तूर बाजारातील अभ्यासकांनी व्यक्त केला आहे..Banana Rate: बुलडाणा, अकोला जिल्ह्यांत केळी दर स्थिरावले .मेथीचे दर घसरलेबाजारात मेथीची आवक वाढल्यामुळे भाव कोसळले आहेत. यामुळे शेतकऱ्यांना फटका बसत आहे. मागील २ महीने मेथीला चांगला भाव होता. मेथीचे पावसाने नुकसान केल्यामुळे आवक कमी होती. परंतु नंतरच्या टप्प्यात पिकासाठी पोषक वातावरण होते. त्यामुळे मेथीचे दर आवक वाढली तसे कमी होत गेले. मेथीला बाजारात किमान अगदी २ रुपये जुडीप्रमाणे भाव मिळत आहे. सरासरी ३०० ते ५०० रुपये शेकड्याने मेथी विकली जात आहे. भाव कमी झाल्यामुळे शेतकऱ्यांचा उत्पादन खर्चही भरून निघताना दिसत नाही. मेथीचे दर पुढील काही दिवस दबावातच राहू शकतात, असा अंदाज भाजीपाला बाजारातील व्यापारी आणि जाणकार शेतकरी व्यक्त करत आहेत..बाजरीचे दर टिकूनराज्यातील बाजारात बाजरीचे दर टिकून आहेत. बाजरीला वेगवेगळ्या बाजारांमध्ये सध्या गुणवत्तेनुसार सरासरी २५०० ते ४ हजारांच्या दरम्यान भाव मिळत आहे. सध्या पुणे आणि मुंबई बाजारातच बाजारीची आवक जास्त दिसत आहे. इतर बाजारांमधील आवक कमीच आहे. पुणे बाजारात बाजरी सरासरी ३६०० ते ३८०० रुपयाने विकली जात आहे. तर मुंबई बाजारात ४ हजार ते ४५०० रुपयांचा दर मिळत आहे. इतर बाजारांमध्ये बाजरीची आवक कमी असून २५०० ते ३ हजार ४०० रुपयांच्या दरम्यान दर मिळत आहे. पुढील काही दिवस बाजारातील बाजारीची आवक स्थिर राहू शकते, असा अंदाज जाणकारांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
