Market Bulletin: तुरीचा बाजार मंदीतचदेशातील बाजारात सध्या तुरीला मागणी आहे. दिवाळीच्या सणासाठी मागणी येत आहे. असे असले तरी तुरीच्या दराला याचा आधार मिळाला नाही. तुरीचे भाव आजही दबावातच आहेत. सध्या देशात तूर प्रतिक्विंटल सरासरी ६ हजार ते ६ हजार ५०० रुपयाने विकली जात आहे. देशात मागील हंगामातही तुरीचे उत्पादन घटले होते. सलग दुसऱ्या वर्षी उत्पाद कमी राहिल्याने यंदाही तुरीच्या दरात चांगली तेजी येईल, असा अंदाज व्यक्त केला जात होता. मात्र, सरकारने तुरीच्या आयातीला रान मोकळे केले. यामुळे आयात मोठ्या प्रमाणात वाढून देशात साठा तयार झाला. याचाच दबाव सध्या तुरीच्या भावावर येत आहे. पुढील काही आठवडे ही स्थिती दिसू शकते, असा अंदाज तूर बाजारातील अभ्यासकांनी व्यक्त केला. .फ्लाॅवरची आवक कमीचराज्यातील बाजारात सध्या फ्लाॅवरची आवक कमीच आहे. सततच्या पावसाने फ्लाॅवर पिकावर मोठ्या प्रमाणात कीड-रोगांचा प्रादुर्भाव झाला. तसेच अनेक भागात फ्लाॅवरचे प्लाॅट जळाले. त्यामुळे फ्लाॅवरची सध्या बाजारातील आवक घटली आहे. मागणीच्या तुलनेत आवक कमी असल्याने दर टिकून आहेत. सध्या बाजारात फ्लाॅवरला प्रतिक्विंटल सरासरी १६०० ते २ हजार रुपये दर मिळत आहे. फ्लाॅवरची बाजारातील आवक पुढील काही आठवडे कायम राहण्याचा अंदाज आहे. त्यामुळे फ्लाॅवरचे दरही टिकून राहू शकतात, असा अंदाज व्यापारी व्यक्त करत आहेत..Soybean Price: नव्या सोयाबीनला ४३११ रुपयांचा दर.सिताफळाला चांगला उठावसिताफळाचा हंगाम सुरु झाला. मात्र सिताफळाची बाजारातील आवक सरासरीपेक्षा कमीच दिसत आहे. राज्यात सप्टेंबर महिन्यात झालेल्या सलगच्या पावसाने सिताफळ पिकालाही मोठा फटका बसला. अनेक भागात सिताफळाचे मोठे नुकसान झाले. परिणामी सध्या बाजारातील आवक कमी आहे. त्यामुळे सिताफळ प्रतिक्विंटल सरासरी ३ हजार ते ४ हजार रुपयाने विकले जात आहे. गुणवत्तापूर्ण मालाचा भाव यापेक्षा अधिक आहे. पुढील काही आठवडे बाजारातील सिताफळाची आवक कमीच राहण्याची शक्यता आहे. त्यामुळे दरही टिकून राहू शकतात, असा अंदाज व्यापारी आणि शेतकरी व्यक्त करत आहेत..Cotton Productivity: कापूस उत्पादकता वाढ केंद्र सरकारच्या अजेंड्यावर.लसणाचे भाव स्थिरराज्यातील बाजारात लसणाचा भाव मागील दोन आठवड्यांपासून स्थिर दिसत आहे. लसाणाची बाजारातील आवकही स्थिरावली होती. तर दुसरीकडे लसणाला मागणीही चांगली आहे. याचा आधार लसणाच्या बाजाराला मिळत आहे. सध्या लसूण बाजारात ५ हजार ते ६ हजार रुपये प्रतिक्विंटलने विकला जात आहे. लसणाची बाजारातील आवक पुढील काही दिवस मर्यादीतच राहण्याची शक्यता आहे. त्यानंतर बाजारातील आवक सुधारण्याची शक्यता आहे. बाजारातील आवक सुधारल्यानंत लसणाच्या दरावरही दबाव राहू शकतो. पण तोपर्यंत लसणाची आवक आणि दर स्थिर राहू शकतात, असा अंदाज जाणकारांनी व्यक्त केला..मुगाचा भाव नरमलादेशातील बाजारात नव्या मुगाची आवक सुरु आहे. परंतु ऑगस्ट आणि सप्टेंबरमधील पावसाचा मूग पिकाला जोरदार दणका बसला. मुगाच्या आवकेवर याचा परिणाम होत आहे. पिकाचे मोठे नुकसान झाल्याने आवक कमी आहे. मात्र दरही दबावातच आहेत. सध्या मुगाला ६ हजार ते ६ हजार ५०० रुपये दर मिळत आहे. देशात मुगाचे उत्पादन कमी दिसत असले तरी आयात चांगली आहे. मुगाची आयात गेले वर्षभर वाढली. आयात वाढल्याने मुगाच्या दरावर दबाव येत आहे. मुगाच्या आयातीचा दबाव असल्याने शेतकऱ्यांना कमी भावात मूग विकाला लागतत आहे. मूग बाजारातील ही स्थिती आणखी काही आठवडे कायम राहू शकते, असा अंदाज मूग बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
