Market Bulletin: सोयाबीनमध्ये नरमाईसोयाबीनचे प्रक्रिया प्लांट्सचे भाव मागील दोन दिवसांमध्ये क्विंटलमागे ५० ते १०० रुपयांनी नरमले आहेत. बाजार समित्यांमधील दरपातळी तुलनेत काहीशी स्थिर होती. सध्या बाजारात होणाऱ्या आवकेत बियाणे गुणवत्तेचे सोयाबीन चांगला भाव खात आहे. बाजारात एफएक्यू दर्जाच्या सोयाबीनची आवक कमी प्रमाणात होत असल्याचे व्यापारी सांगत आहेत. बाजार समित्यांमध्ये सोयाबीन ४ हजार ते ४ हजार ३०० रुपयांच्या दरम्यान मिळत आहे. बाजारातील आवक सध्या चांगली सुरु आहे. यामुळे दरात काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला. .कापूस स्थिरदेशातील बाजारात कापसाचे भाव स्थिर आहेत. देशातील कापूस उत्पादन गेल्यावर्षीपेक्षा कमी असल्याचे दिसत आहे. सीएआयने मात्र केवळ अडीच टक्क्याने उत्पादन कमी राहील, असा अंदाज दिला. तर युएसडीएच्या मते गेल्यावर्षीएवढेच उत्पादन राहील. सध्या बाजारातील कापूस आवक काहीशी सुधारली आहे. त्यातही गुणवत्तापूर्ण कापसाची आवक कमी असल्याचे व्यापारी आणि शेतकरी सांगत आहेत. बाजारात कापूस प्रतिक्विंटल सरासरी ७ हजार ते ७ हजार ३०० रुपयांच्या दरम्यान विकला जात आहे. कापसाचे दर काही दिवस स्थिर राहतील, असा अंदाज कापूस बाजारातील अभ्यासकांनी व्यक्त केला..Cotton Industry: कापूस बाजाराची दिशा काय राहील?.आले दरात चढ उतारराज्यातील बाजारात आल्याच्या दरात काहीसे चढ उतार दिसत आहेत. बाजारातील आवक मर्यादीत आहे. आल्याचे दर मागील दोन आठवड्यांमध्ये क्विंटलमागे २०० ते ३०० रुपयांपर्यंत कमी झाल्याचे दिसत आहे. सध्या बाजारात आल्याला गुणवत्तेनुसार सरासरी ३ हजार ५०० ते ४ हजार रुपये दर मिळत आहे. आल्याला पुढील काळातही मागणी चांगलीच राहण्याची शक्यता आहे. त्यामुळे आल्याच्या दरात आवकेनुसार काहीसे चढ उतार दिसू शकतात, असा अंदाज आले बाजारातील व्यापारी आणि जाणकार शेतकऱ्यांनी व्यक्त केला..Eggs Rate: अंडी दर पोहोचले ७०० रुपये शेकड्यावर.संत्र्याची आवक मर्यादीतराज्यातील संत्रा उत्पादन यंदा घटले आहे. संत्रा पिकाला यंदा पावसाचा जोरदार तडाखा बसला. त्यामुळे गुणवत्ताही कमी झाली आहे. सध्या बाजारात गुणवत्तापूर्ण मालाची आवक कमी असल्याचे व्यापारी सांगत आहेत. या मालाला सध्या सरासरी ६ हजार ते ७ हजार रुपये प्रतिक्विंटलचा भाव मिळत आहे. तर कमी दर्जाचा माल २ हजार ते ४ हजारांच्या दरम्यान विकला जात आहे. यंदा उत्पादनाला फटका बसल्याने पुरवठा कमी राहील, असे शेतकरी सांगत आहेत. परिणामी बाजारातील संत्र्याची आवक पुढील काळातही स्थिर राहू शकते. त्यामुळे संत्र्याचे दरही टिकून राहू शकतात, असा अंदाज संत्रा बाजारातील अभ्यासकांनी व्यक्त केला..कोथिंबीरला उठावराज्यातील बाजारात कोथिंबीरची आवक मर्यादीतच आहे. तर दुसरीकडे कोथिंबीरला चांगला उठाव आहे. त्यामुळे कोथिंबीरचे दर टिकून आहेत. कोथिंबीरला प्रतिक्विंटल सरासरी ३ हजार ते ५ हजार रुपये दर मिळत आहे. तर शेकडा १२०० ते १५०० रुपयाने बाजारात मागणी आहे. किरकोळ बाजारात प्रतिजुडी ४० ते ५० रुपये दर मिळत आहे. बाजारात अजूनही कोथिंबीरची आवक कमीच आहे. पावसानंतर टाकलेले प्लाॅट अजून काढणीला आले नाहीत. त्यामुळे काही दिवस बाजारातील आवक मर्यादीत राहून दरही टिकून राहू शकतात, असा अंदाज भाजीपाला बाजारातील जाणकारांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
